Mahigit 600, Naserbisyuhan sa 2017 Mobile Passporting

Mahigit 600, Naserbisyuhan sa 2017 Mobile Passporting


by the Local Communications Group-Gen.Trias

Ika-11 ng Nobyembre 2017 – General Trias, Cavite. Sa pakikipagtulungan sa Department of Foreign Affairs (DFA), muling nagsagawa ang Pamahalaang Lungsod, sa pamumuno ni Mayor Antonio “Ony” Ferrer, ng mobile passporting service para sa mga GenTriseño at mga mamamayan ng kalapit bayan.

Nasa mahigit 600 mga aplikante ang nabigyan ng serbisyo sa nasabing aktibidad sa Robinsons Place General Trias sa Barangay Tejero. Malaking tulong ito para sa kanila lalo na para sa mga naghahanap o naghahanda para sa pagtatrabaho sa ibang bansa. Sa halip na dumayo pa sa Consular Affairs Office ng DFA sa Pasay ay malaking tipid rin ang kanilang nakuha dahil ang mismong serbisyo na ang nailalapit sa mga mamamayan. Bukod dito, hindi na rin kakailanganing kuhanin pa ng mga aplikante ang kanilang mga bagong pasaporte sa DFA dahil ang mga ito ay ide-deliver na sa kanilang mga mismong tirahan.