Panunumpa ng 528 Gentri Barangay at SK Officials, Nanumpa sa Tungkulin

Panunumpa ng 528 Gentri Barangay at SK Officials, Nanumpa sa Tungkulin


by the Local Communications Group-Gen. Trias

Ika-28 ng Hunyo 2018 – Matapos ang Barangay and SK Elections nitong nakaraang Mayo at bago magsimula ang kani-kanilang mga termino, nagsama-sama ang may 528 mga bagong opisyal ng barangay at Sangguniang Kabataan sa panunumpa sa kanilang tungkulin. Ang seremonya ay ginanap sa General Trias Covention/Cultural Center sa pangunguna nina Mayor Antonio “Ony” Ferrer at Congressman Luis “Jon-Jon” Ferrer, IV. 

Sa kanyang pagbati at mensahe, binigyang-diin ni Mayor Ony ang kahalagahan ng matapat na pagganap sa tungkulin at paghahatid ng de-kalidad na serbisyo sa bawat GenTriseño.  Sa pamamagitan ng matatag na pagkakaisa ng mga lingkod-bayan sa General Trias, na naipakita sa pagtitipong ito, tiyak na epektibong makakaabot ang mga serbisyo sa mga mamamayan, lalo na sa mga lubos na nangangailangan.