News

by Local Communications Group- Gen. Trias

Kasabay ng pagdiriwang ng Araw ng Paggawa (Labor Day) noong ika-1 ng Mayo, muling kinilala ang mga natatanging anak ng Bayan ng General Trias sa ika-54 Gawad Parangal. May 670 mga kabataan ang binigyan ng pagkilala para sa kanilang ipinamalas na husay at talino kabilang ang 360 mag-aaral sa elementarya, 185 mag-aaral sa sekondarya, 19 nagsipagtapos ng kolehiyo at 43 mga bagong propesyunal sa iba’t ibang larangan.

Sa kanyang pagbati, muling hinikayat ni Mayor Jon-Jon Ferrer ang mga kabataan na lalo pang magsumikap sa kanilang pag-aaral at ipagpatuloy ang pagbibigay karangalan sa ating mahal na bayan. Ayon sa kanya, hindi dapat maging hadlang ang kahirapan upang makamit ang tagumpay sapagkat ang suporta ay laging nariyan mula sa mga lingkod-bayang gaya niya na naniniwala sa kakayahan ng mga kabataan.

Samantala, nagbigay inspirasyon naman sa mga honorees ang kwento ng pagsusumikap na ibinahagi ng panauhing pandangal na si Dr. Jonathan Luseco, Medical Officer V ng ating Municipal Health Office. Nagsimula siya bilang isang nurse, nagtrabaho sa ibang bansa at ipinagpatuloy ang pag-aaral ng medisina sa sariling pagsusumikap. Bilin niya, pahalagahang mabuti ang ating mga pangarap at gawin natin ang lahat upang makamtan ito.

Puno naman ng pasasalamat ang kinatawan ng mga honorees na si Bb. Marjorie Joyce Aguas na nagtapos nang Summa Cum Laude mula sa FEU dahil bukod sa pagkilalang natanggap, siya rin ay isang academic scholar na nabigyang tulong ng ating pamahalaang lokal. Nagbahagi din siya ng tatlong mahahalagang bagay na naging epektibong panuntunan niya upang makatapos nang may karangalan – kasipagan, tiyaga at gabay ng Maykapal.

Tunay ngang isa nang tradisyon sa bayan ng General Trias ang Gawad Parangal. Sa pamamagitan nito, hindi lamang pagkilala ang naibibigay sa ating mga mahuhusay na kabataan, nagiging instrumento din ito upang patuloy nating pagyamanin ang kaalaman at pagsusumikap patungo sa pag-abot ng mga pangarap.

by Local Communications Group-Gen. Trias

Sa kasalukuyan, ang tuberculosis ay ika-anim sa mga leading causes of death sa ating bansa ayon sa DOH.  Tinatayang may 107 Pilipino ang namamatay araw-araw dahil sa sakit na ito kung kaya’t ang ating pamahalaan ay patuloy na nagsasagawa ng mga hakbang upang malunasan ang ating mga mamamayang mayroon nito, mapigil ang pagkalat nito, at tuluyang masugpo ang TB.  Alinsunod sa National Tuberculosis Program (NTP) ng Department of Health, ang bawat lokal na pamahalaan ay nararapat magkaroon ng kaukulang programa laban sa TB.  Sa General Trias, bukod sa aktibong pagkilos ng Rural Health Unit (RHU) at ng mga Directly Observed Treatment Shortcourse (TB-DOTS) Centers, epektibong napababa ang insidente ng TB sa buong bayan.  Dahil dito, ginawaran ng Culion Foundation, Incorporated ang General Trias RHU ng pagkilala sa kanilang kontribusyon at epektibong Anti-TB Program.

Sa pakikiisa ng bayan ng General Trias sa pagdiriwang ng World Tuberculosis Day nitong March 25, mas pinaigting pa ng pamahalaang bayan, kasama ang Culion Foundation, Incorporated, ang kampanya laban sa TB.  Kasunod ng regular flag raising ceremony, kinilala at nanumpa ang mga bagong community based volunteers na magiging katuwang sa pagpapalaganap ng kaalaman at pagsugpo sa tuberculosis sa mga komunidad at barangay.  Pinangunahan ni Konsehal Kerby Salazar, Chairman of Committee on Health and Sanitation ng ating Sangguniang Bayan, at Municipal Administrator Hernando Granados ang pagkilala sa mga volunteers mula sa iba’t ibang mga barangay.

Ginawaran din ng pagkilala at plaque of appreciation ang Culion Foundation, Incorporated para sa kanilang suporta at pakikipagtulungan sa pamahalaang bayan para sa layuning mapanatili ang kalusugan ng bawat mamamayan at maging TB-free Municipality.

Samantala, tinalakay ni Ms. Melinda D. Buñag, CFI Project Team Leader, ang mga detalye ng naturang partnership project sa pagitan ng Bayan ng General Trias at ng Culion Foundation, Incorporated.  Ang TB Control Program ay isa na namang halimbawa ng mahusay na pagtutulungan ng pamahalaan at ng pribadong sektor o Public-Private Partnership (PPP).

Nagbahagi naman ng kanilang mga mensahe sina Ms. Minda Lingan, ang ating Provincial NTP Coordinator, at Dr. Ma. Corazon S. Ariosa, ang Executive Director ng Culion Foundation, Incorporated.  Nagpasalamat sila sa epektibong pagpapatupad ng Bayan ng General Trias ng mga hakbang upang patuloy na mabawasan ang insidente ng TB at sapat na malunasan ang sakit.

Taliwas sa paniniwala ng marami, ang TB ay sakit na nagagamot at naiiwasan.  Hindi dapat mahiya kung mayroon nang sintomas nito, bagkus ay dapat na komunsulta agad sa doktor upang mabigyan ng karampatang lunas.  Sa pamamagitan ng sapat na kaalaman, pagkakaisa at pagtutulungan, ang katuparan ng mas malusog at TB-Free General Trias ay madali nating makakamtan.

by Local Communications Group-Gen. Trias

Dito po sa Bayan ng General Trias, laging top priority ang kalusugan ng mga mamamayan.  Naniniwala ang ating Pamahalaang Bayan na ang malulusog at produktibong mga mamamayan ang magiging matatag na pundasyon ng patuloy na pag-unlad ng ating bayan.  Kung kaya’t sa pamamagitan ng sipag at maayos na pakikipag-ugnayan sa iba’t ibang mga ahensya ng gobyerno, matagumpay na nakakahingi ng tulong ang ating pamahalaang bayan, sa pangunguna ni Hon. Luis “Jon-Jon” A. Ferrer IV, para sa karagdagang mga serbisyo para sa mga GenTriseño.

Nito lamang ika-26 ng Marso ay tinanggap ni Mayor Jon-Jon at Konsehal Kerby Salazar ang Php 660,000-worth ng mga pangunahing gamot mula sa Philippine Charity Sweepstakes Office (PCSO) sa pamamagitan ni Director Maria Aleta Tolentino.  Ang mga nasabing gamot ay ipinamahagi sa tatlumpu’t tatlong (33) barangay na mataas ang pangangailangang pangkalusugan (Php 20,000-worth of medicines per barangay).

Ipinaabot nina Mayor Jon-Jon at Konsehal Kerby ang pasasalamat mula sa buong bayan ng General Trias para sa tulong donasyon ng PCSO nang may pag-asang magpapatuloy ang suporta ng PCSO sa mga susunod pang mga proyektong pangkalusugan sa ating bayan.

by Local Communications Group-Gen.Trias

Ang mabigat na daloy ng trapiko sa Manggahan Junction ay isang problemang iniinda ng mga motorista.  Dahil bahagi ito ng Governor’s Drive na isa sa mga pangunahing kalsada sa lalawigan, dagdag ang mga patuloy na dumaraming commercial establishments at paaralang malapit dito, hindi talaga maiiwasang magkarami ang mga sasakyan at commuters lalo na tuwing rush hours.  Ilang traffic management schemes na ang sinubukan upang mapabilis ang pagdaloy ng mga sasakyang dumaraan dito.

Upang matugunan ang problema ng trapiko sa Manggahan Junction, nagkaisa ang Pamahalaang Bayan ng General Trias, ang kinatawan ng Ika-anim na Distrito ng Cavite at ang Suntrust Properties, Incorporated, na pagtulungan ang isang proyektong makakabawas sa dami ng sasakyang gumagamit ng nasabing intersection.  Sa pangunguna nina at Congressman Antonio “Ony” A. Ferrer at Mayor Luis “Jon-Jon” A. Ferrer IV, pormal na binuksan ang Governor’s Drive-Governor’s Hills Diversion Road noong March 11, 2013 sa pamamagitan ng isang Ceremonial Ribbon Cutting and Inauguration Program.  Dinaluhan ito ng mga kinatawan ng Suntrust Properties, Incorporated, mga Department Heads ng lokal na pamahalaan, mga kapitan ng barangay, at ng mga residente ng Governor’s Hills.  Kasama sa inauguration program ang pirmahan ng isang Memorandum of Agreement (MOA) sa pagitan ng General Trias LGU, Office of the Representative of the 6^th District of Cavite at Suntrust Properties, Inc. patungkol sa improvements, operation and maintenance para sa diversion road.

Ang 15-meters by 600-linear meters 2-lane diversion road na ito ay pinondohan mula sa Priority Development Assistance Fund (PDAF) ni Congressman Ony Ferrer na nagkakalahaga ng mahigit-kumulang sampung milyong piso (Php 10M).  Ito ay magsisilbing alternatibong daan ng mga sasakyan papunta sa mga barangay ng Biclatan, Javalera, Panungyanan at Alingaro, at sa mga bayan ng Amadeo, Silang at Tagaytay.  Gayundin, ang mga sasakyang galing sa mga nasabing lugar ay maari nang makaiwas sa mabigat na trapiko sa Manggahan kung sila’y papuntang Dasmariñas at ibang bayan sa gawing hilaga ng Cavite.  Dahil hagip ng kalsadang ito ang isang pribadong subdivision ng Suntrust Properties, Inc., bukas ito sa publiko mula 6:00 ng umaga hanggang 10:00 ng gabi lamang.

Ayon kay Municipal Planning and Development Coordinator Engr. Jemie Cubillo, ang natapos na proyekto ay Phase I pa lamang.  Ito ay dadagdagan pa ng tig-isang lane sa magkabilang panig upang mas maraming sasakyan ang maaring makagamit.  Ang pailaw sa kalsadang ito ay popondohan at ipapa-ayos ng Suntrust Properties, Inc. habang ang linya ng kuryente ay sagot naman ng Pamahalaang Bayan – isang maganda at konkretong halimbawa ng Public-Private Partnership (PPP).  Isa ang kalsadang ito sa mga priority projects patungo sa mas ikauunlad ng bayan ng General Trias.  Hindi man nawawalan ng suliranin ang isang bayan, ang mga mabisa at maayos na solusyon ay patuloy na sisibol sa pagkakaisa at aktibong pagtutulungan.

by Local Communications Group-Gen. Trias

 Alinsunod sa Executive Order 292 at CSC Memorandum Circular No. 28, binigyan ng pagkilala ang mga kawani ng Pamahalaang Bayan ng General Trias na may mahigit sampung taon (10 years and longer) na sa serbisyo.  Ang programa na ginanap kasunod ng flag raising ceremony noong March 11, 2013 ay pinangunahan ng ating punongbayan, Hon. Luis A. Ferrer IV, at ng mga miyembro ng Sangguniang Bayan kung saan ang walumpu’t apat (84) nating mga kasamahan sa munisipyo ay tumanggap ng Loyalty Award Plaque.

Nagmula sa Municipal Budget Office ang kinilalang may pinakamahabang panahon na sa serbisyo na si Mrs. Gertrudes Mojica.  Si Mrs. Mojica ay apatnapung taon (40 years) nang kawani ng Pamahalaang Bayan at nakatakdang magretiro ngayong buwan.

Sa kanyang mensahe, binati at nagpasalamat si Mayor Jon-Jon Ferrer sa mga Loyalty Awardees sa kanilang matapat at masigasig na paglilingkod.  Hinikayat din ang lahat na mas pagbutihan pa ang epektibong pagganap sa kani-kaniyang mga tungkulin dahil ang mga kawani na direktang nakikipag-ugnayan sa mga mamamayan ang silang nagsisilbing salamin ng kalidad ng serbisyo publikong nais ihatid ng mga namumuno sa ating bayan.

by Local Communications Group – Gen. Trias

Sa paglalayong patuloy na makapaghatid ng de-kalidad na serbisyo muling binuksan ng Pamahalaang  Bayan ng Gen. Trias sa pangunguna ni Mayor Luis “Jon-Jon” A. Ferrer IV ang taunang Business One Stop Shop o BOSS. Sa pamamagitan nito, mas mabilis, mas matipid at mas “convenient” na sa mga negosyante sa Gen. Trias ang makakuha at makapag-renew ng Business Permit.

Nagsama-sama ang mga kinatawan ng DTI, BIR, MENRO, RHU, BFP, MTO at BPLO sa unang palapag ng munisipyo upang mapadali ang pagpo-proseso ng mga dokumento na kinakailangan upang makapagsimula o maipagpatuloy ang operasyon ng mga negosyo. Dahil sa sistemeng ito, ang permit o lisensiyang dati ay inaabot ng ilang araw bago makuha ay naipoproseso at nairerelease sa loob ng isang araw lamang.

Batay sa datos ng taong ito,may 336 na bagong negosyo ang nagbukas at 2,677 naman ang nagrenew. Ang 3,013 na establishments na nabanggit ay lubhang nakakatulong para mapanatili at lalong mapalago ang ekonomiya ng Gen. Trias,kung kaya’t mahalagang maipagpatuloy ang BOSS sa epektibong operasyon nito sa mga susunod na taon.

by: Local Communications Group- Gen. Trias

December 13, 2012— Muli sa makasaysayang bayan ng General Trias ay ginunita ang ika 264 Founding Anniversary nito na may temang “Progreso ay kitang-kita, pag tulung-tulong at sama sama”.

Tulad ng mga naunang pagdiriwang kinapalooban pa rin ito ng iba’t ibang acitivities tulad ng OFW Search for Singing Idol, Annual Academic Quiz bee, Bloodletting (Dugo mong Alay, Bigay ay Buhay), Medical & Dental Mission, Distribution  of Free Reading Glasses at Gift Giving (Special Day for Special People).

Bago tumungo sa pinakatampok na bahagi ng pagdiriwang, ang  3rd Valenciana Festival, ay nagkaroon muna ng wreath laying sa monumento ni Gen. Mariano Closas Trias , isang bayani ng rebolusyon at kauna-unahang pangalawang pangulo ng ating bansa na kung kanino isununod ang pangalan ng bayan.

Sa festival na ito ginanap ang Parade of Valenciana kung saan nagpaligsahan ang iba’t ibang barangay sa pinakamasarap na luto ng Valenciana na libreng ipinatikim sa mga tao.  Ang nakakuha ng Unang Gantimpala ay ang Brgy. San Juan II, nasa ikalawang pwesto ang Brgy. San Gabriel at Ikatlong pwesto naman ang Brgy. 1896.

Samantala, nagwagi naman sa Valenciana Street Dancing Competiton na dinaluhan ng mga private at public schools ng Gen. Trias ay ang Fiat Lux Academe na sinundan ng Gov. Ferrer Memorial National HighSchool-Biclatan Annex at Samuel Christian College.

Sa hapon ding iyon pinarangalan ang Top Ten Corporate Tax Payers of 2011 bilang pagkilala sa kanilang kontribusyon sa patuloy na pag-unlad ng bayan. Nanguna pa rin dito ang House Technology Industries (HTI).

Bilang pangwakas, isang “fireworks display” ang nagpaliwanag sa kalangitan ng bayan at nagbigay saya sa mga residenteng nagsidalo.

Sa gabay ng ating Panginoon at sa pagtutulungan ng mga lingkod bayan ng Gen. Trias, sa pangunguna ng ating butihing Mayor Luis A. Ferrer IV, Sangguniang Bayan at sa suporta ni Cong. Antonio A. Ferrer ay naging matagumpay ang araw na ito sa pagsusulong ng kultural na kamalayan, maipagdiwang ang kahalagahan ng tunay na Gentriseños, makilala at maipagmalaki ang kultura at kasaysayan ng bayang ito.

Ang aktibong pakikilahok ng bawat isa ay nagsilbing patunay na para sa mga Gentriseño, “Progreso ay kitang-kita, pag tulung-tulong at sama-sama.

by Local Communications Group

November 21,2012-General Trias, Cavite – Business owners and would-be entrepreneurs received fresh insights from industry experts during the SME and Entrepreneurship Seminar dubbed as “Kapihan with PLDT & Sun” held last November 16, 2012 at the Audio-Visual Room, Municipal Hall, General Trias. This half-day event organized by the Local Government of General Trias in partnership with PLDT SME Nation and Sun Cellular aims to empower entrepreneurs with relevant business strategies and update them with the latest modern technology to make their businesses more productive and competitive.  Among the highlights of the seminar are the presentations of Mr. Rico Chavez from the Department of Trade & Industry – Cavite who shared basic concepts on starting-up a business and current government regulations and Mr. Joey Espiritu, entrepreneur and faculty member from the Lyceum of the Philippines University – Cavite who discussed marketing strategies and his own personal experience in managing his family’s business. Meanwhile, representatives from PLDT and Sun Cellular presented their latest business solution products intended to equip business owners with modern tools to manage their enterprises.

The seminar was attended by 76 business owners, most of which are members of the Gen. Trias Business Club and the Philippine Chamber of Commerce & Industry (Cavite). Local officials led by Committee on Ways & Means Chairman, Coun. Christopher N. Custodio, his Vice Chairman, Coun. Kerby J. Salazar and Municipal Administrator, Mr. Hernando M. Granados graced the said event and reaffirmed the local government’s commitment in developing the MSMEs of General Trias.

(From left: Coun. Christopher N. Custodio, BM Maurito C. Sison,Cong. Antonio “Ony” A. Ferrer, Provincial BM Ramon”Jolo” Revilla III, Mrs. Annalisa A. Ferrer- Adviser, Nagkakaisang Kababaihan ng Gen. Trias, Sen. Loren A. Legarda, Sen. Francis “Chiz” Escudero, Mrs. Monina Ferrer, Mayor Luis A. Ferrer IV and Mrs. Aisha SJ. Columna-President,Nagkakaisang Kababaihan ng Gen. Trias.)

by Local Communications Group

November 19,2012-General Trias, Cavite – Senators Loren Legarda and Francis “Chiz” Escudero addressed the officers and members of the Nagkakaisang Kababaihan ng General Trias as the guests of honor during their 1st Anniversary Celebration held last November 15, 2012, at the the Gen. Trias Cultural & Convention Center, Brgy. Sampalucan, Gen. Trias. In her message, Sen. Legarda lauded the women of Gen. Trias for their active participation in the local government’s efforts to protect the environment. Furthermore, she highlighted the invaluable contribution of women in the society. Meanwhile, Sen. Escudero also gave emphasis on the important role of women and their contribution to the success of every man. He likewise congratulated the group and wishes them more success in their future endeavors. To signify their gratitude, the officers of the Nagkakaisang Kababaihan headed by Mrs. Aisha SJ Columna and adviser Mrs. Anne Ferrer together with Cavite 6th District Representative Antonio A. Ferrer, Gen. Trias Mayor Luis A. Ferrer IV and members of the Sangguniang Bayan awarded Sen. Legarda and Sen. Escudero with a citation. The Nagkakaisang Kababaihan ng General Trias which currently has 70 chapters and more than 4,000 members aims to empower the town’s women for them to become significant contributors in community development.

By Local Communications Group

Oktubre 4, 2012 – Muling ipinagdiwang ang taunang pistang bayan ng Gen. Trias bilang parangal kay San Francisco de Asis, ang patron ng bayan, na may temang “Indak ni San Francisco sa taon ng Ginintuang Hubilehiyo, Larawan ng Bayang Binibuklod ng Pangarap na Inaabot.”

Bahagi ng pagdiriwang na ito ang taunang tradisyon ng “Pabialahay”(Pabinyag ng mga Alagang Hayop) pati na ang iba’t ibang palatuntunan at patimpalak tulad ng  Hip Hop Dance Competition  at Acrobatic Show. Hindi rin mawawala ang karakol  na nilahukan ng mga empleyado at residente ng bayan. Nagkaroon din ng baratillo sa harapan ng himpilan ng pulisya na nakadagdag sa saya ng pagdiriwang. Ngunit ang pinakatampok sa lahat ay ang “Grand Pasayo” na kung saan 12 marching bands na nagmula pa sa iba’t-ibang bayan sa Cavite ang lumahok sa isang patimpalak na punung-puno ng musika at kasiyahan.

Ang taunang fiesta ay hindi lamang nagpapakita ng makulay na kultura ng ating bayan.Ito ay isa ring pagkakataon upang ipamalas ng mga Gentriseño ang kanilang pagkakaisa at pagtutulungan.

Ang matagumpay na pagdiriwang na ito ay naisakatuparan sa pagtutulungan nina Cong. Antonio “Ony” Ferrer, Mayor Luis “Jon-Jon” A. Ferrer IV, Sangguniang Bayan Members,Tourism Office at Saint Francis of Assisi Parish Pastoral Council.

by Local Communications Group

Oktubre 12, 2012 – Ginunita sa Bayan ng General Trias ang ika-144 anibersaryo ng kapanganakan ni Gen. Mariano Closas Trias, bayani ng rebolusyon at kauna-unahang Bise Presidente ng Republika ng Pilipinas. Sa isang simpleng seremonya ay nag-alay ng bulaklak ang mga kawani ng lokal na pamahalaan kasama ang mga punong barangay at kapulisan sa bantayog ni Gen. Trias bilang pagkikala sa kanyang kontribusyon sa pagkamit natin ng kasarinlan mula sa pananakop ng mga dayuhan. At upang patuloy na mabigyang kabuluhan at mapanatili sa ala-ala ng bawat Gentriseno maging sa mga susunod na saling-lahi ang kabayanihan at magandang halimbawa ni Gen. Trias, hiniling ni Mayor Luis A. Ferrer IV sa Sangguniang Bayan sa pamamagitan ng Committee on Education, Culture and Sports na pinamumunuan ni Board Member Maurito C. Sison ang pagpapasa ng resolusyong naghihikayat sa lahat ng pribado at pampublikong paaralan sa Bayan ng General Trias na magkaroon ng taunang paggunita sa kaarawan ng nasabing bayani sa pamamagitan ng pagtuturo sa kanilang mga estudyante tungkol sa buhay at kabayanihan ni Gen. Mariano Trias.

Ang Bayan ng General Trias ay dating tinatawag na San Francisco de Malabon, at noong 1920 sa bisa ng Legislative Act. No. 2889 ay ipinangalan ito sa bayaning si Gen. Mariano C. Trias bilang pagpupugay sa kanyang ala-ala.

First row, from left: Mr. Dennis M. Villanueva-Staff, AMA Head Office, Mr. Felizardo Colambo-First Vice President, AMA Group of Companies, Mrs. Rebecca Generoso-Municipal Social Welfare & Development Officer, Ms. Joy Paragua-Manager, AMA Group of Companies and Mr. Manuel Casuyon-Sr. Manager, AMA Group of Companies. Second row, from left: Mr. Joseph Usita-Senior Assistant Vice President for Real Properties, AMA Group of Companies, Mr. Hernando Granados-Municipal Administrator, Mr. Romel Olimpo-OIC, Eco. Enterprise & Investment Promotion, Atty. Angel Enrico Mira-Chief of Staff & Corporate Legal Secretary, AMA Group of Companies and Mr. Leo Reyes-Supervisor, AMA Group of Companies. Last row, from left: Mr. Apolinario Vergara-Consultant, Office of the Mayor.

by Local Communications Group-Gen.Trias

Setyembre 20, 2012 – Buhay na buhay ang diwa ng bayanihan sa Bayan ng General Trias hindi lamang sa panahon ng kalamidad. Patunay dito ang pagpapaabot ng AMA Computer University ng suporta sa “disaster preparedness initiatives” ng lokal na pamahalaan sa pamamagitan ng mga “relief goods” na kanilang ibinahagi sa Municipal Social Welfare & Development Office (MSWD). Sa turnover na ginawa sa munisipyo, pinahayag ni Ginoong Felizardo “Zards” Colambo – First Vice President, AMA Group of Companies ang kanilang pagnanais na aktibong maki-bahagi sa mga programang pang-komunidad sa General Trias. Kasama rin ni Ginoong Colambo ang iba pang opisyal ng nasabing unibersidad.

Malugod namang tinanggap ni Ginoong Hernando M. Granados – Municipal Administrator na kinatawan ni Mayor Luis A. Ferrer IV ang mga relief goods mula sa AMA. Kasama rin ni Ginoong Granados sina Gng. Rebecca Generoso, Head – MSWD at Ginoong Romel D. Olimpo, Executive Assistant – Office of the Mayor. Ayon kay Ginoong Granados, malaking tulong ang ibinahagi ng AMA lalo na’t panahon ng bagyo kung saan may ilang barangay ang posibleng maapektuhan ng pagbaha dulot ng masamang panahon. Ito rin daw ay nagpapakita ng magandang relasyon at pagtutulungan ng pribadong sektor at ng pamahalaan.

From left: Atty. John Rio Bautista Chief, Workers Education Division, POEA, Hon. Luis A. Ferrer,IV-Municipal Mayor, Mr. Ariel Mugol -PESO Manager, Mr. Vincent Martinez, Labor Employment III, DOLE-Cavite and Mr. Ralph Genaro Buiser, Employment Officer II, POEA.

by Local Communications Group-Gen.Trias

Setyembre 17, 2012- Ginawaran ng Philippine Overseas Employment Administration (POEA) ang lokal na pamahalaan ng Gen. Trias at Public Employment Service Office (PESO) bilang BEST LGU PAIR (Partner in Anti-illegal Recruitment) sa buong Luzon.

Malugod na tinanggap ni Hon. Luis “Jon-Jon A. Ferrer IV”, alkalde ng bayan at G. Ariel Mugol, PESO Manager, ang parangal mula kina Chief, Workers Education Division, POEA Atty. John Rio Bautista, Labor and Employment Officer II, POEA Mr. Ralph Genaro Buiser at Mr. Vincent Martinez,Labor and Employment III, DOLE-Cavite sa isang simpleng seremonya na ginanap sa liwasang bayan.

Ang parangal ay ipinagkakaloob sa mga bayang nagpakita ng malaking suporta upang masugpo ang illegal recruitment at lalong mabigyang proteksyon ang mga manggagawa.

by Local Communications Group-Gen.Trias

Agosto 16, 2012 – Sa gitna ng pinsalang idinulot ng habagat at bagyong Gener, ay nangibabaw parin ang bayanihan at pagkakawang-gawa sa mga Filipino. At noong ngang ika-15 ng Agosto ay pinanungahan ng ating Bise-Presidente Jejomar “Jojo” C. Binay sa isang relief operation na ginawa sa Gen. Trias Cultural & Convention Center, ang paghahatid ng tulong sa mga kababayan nating Gentriseño na naapektuhan ng masamang panahon. Bukod sa relief goods na ipinamahagi sa limang-daang pamilya ay hatid din niya ang magandang balita para sa mga miyembro ng PAG-IBIG Fund na nagnanais makakuha ng calamity loan. Ayon kay Binay, mas mabilis ang papoproseso ng nasabing pautang at ito’y may mas mababang interest. Malapit sa puso ni Binay ang Bayan ng General Trias dahil ito’y isang sister-municipality ng Lungsod ng Makati na kanyang dating pinamunuan bilang alkalde. Pinasalamatan naman ni Mayor Luis “Jon-Jon” Ferrer IV, Cong. Atonio “Ony” Ferrer ng ika-6 na Distrito ng Cavite at mga miyembro ng Sangguniang Bayan ang tulong na hatid ng bise presidente.

Samantala, isa rin sa pinagmamalaki ng lokal na pamahalaan ang magandang relasyon at pakikipagtulungan nito sa pribadong sektor. At ipinamalas nga ng Lyceum of the Philippines University – Cavite Campus ang malasakit nila sa kanilang komunidad nang magsagawa rin sila ng isang relief operations noong ika-14 ng Agosto sa Gen. Trias Cultural & Convention Center sa pangunguna ng kanilang head ng community outreach na si Ms. Evangeline G. Aviñante. Kasama ang ilang estudyante, guro ng unibersidad at kawani ng Municipal Social Welfare and Development Office ay namahagi sila ng relief goods sa dalawang-daang pamilya. Ayon kay Aviñante, mahalagang maimulat sa mga kabaataan ang bolunterismo at pagkakawang gawa upang magkaroon sila ng malasakit sa kapwa at sa bayan.

by Local Communications Group-Gen.Trias

Agosto 13, 2012. – Pinangunahan ni Mayor Luis “Jon-Jon” Ferrer IV ang paglulunsad sa dalawang programang pangkabuhayan ng lokal na pamahalaan sa dalawang magkahiwalay na okasyon. Ang una sa mga programang ito ay ang pamamahagi ng limangpung “Nego-Food Kart” sa mga beneficiaries mula sa iba’t-ibang barangay ng General Trias katuwang ang Department of Labor and Employment (DOLE), Region IV-A. Dumalo rin sa nasabing seremonya na ginanap sa Ferrer Farm sa Barangay Pinagtipunan sina Cong. Antonio A. Ferrer ng ika-6 na Distrito ng Cavite, mga Sangguniang Bayan Members, Usec. Danilo Cruz ng DOLE, Director Alex Avila ng DOLE Region IV-A, Director Enrico Sagmit at Leo Edwin Hernandez ng DOLE Cavite at si Mr. Ariel Mugol, PESO Manager ng General Trias.

Samantala, pinasinayaan din ni Mayor Ferrer kasama ang mga Sangguniang Bayan Members ang “mini-store” ng Rural Improvement Club (RIC) sa blessing na ginanap sa munisipyo. Ang RIC ay kinabibilangan ng mga miyembro mula sa ibat-ibang barangay. Sila’y gumagawa ng mga food, household products at handicrafts na kanilang ibinebenta sa RIC mini-store. Pinangangasiwaan ng Municipal Agriculture Office ang pagbibigay ng technical training assistance sa nasabing grupo. Ang RIC mini-store ay matatagpuan sa unang palapag ng munisipyo.

Ayon kay Mayor Ferrer, layon ng mga programang ito na mabigyan ng magandang oportunidad ang mga Gentriseño sa pamamagitan ng pagkakaroon nila ng sariling negosyo at suporta’t gabay mula sa lokal na pamahalaan.

by Local Communications Group-Gen.Trias

August 1, 2012 – Mahalaga ang papel na ginagampanan ng mga barangay sa ating lipunan. Bukod sa pananatili ng kapayapaan at kaayusan sa kanilang mga nasasakupan, ang pamahalaang barangay din ang unang takbuhan ng mamamayan pagdating sa pagresolba ng ilang isyung legal. Kaya naman sa pangunguna ng Training and Convention Division ng UP Law Center at sa pakikipagtulungan ng Philippine National Police (PNP), ay isinagawa noong July 26 – 27, 2012 ang Barangay Legal Education Seminar (BLES) na dinaluhan ng mga punong barangay at ilang kagawad mula sa 33 barangays ng General Trias.

Iba’t-ibang kaalaman ang ibinahagi sa mga dumalo tulad ng katarungang pambarangay, pagsugpo sa ipinagbabawal na gamot, pangangalaga sa karapatan at kapakanan ng mga bata at kababaihan, actions for the recovery of property, at ang mga ginagampanan ng PNP sa lipunan.

Dumalo rin upang magbigay suporta sa nasabing programa sina Cong. Antonio “Ony” A. Ferrer ng ika-6 na Distrito ng Cavite, Mayor Luis “Jon-Jon” A. Ferrer IV, PSSUPT. John C. Bulalacao, CSEE – Provincial Director ng Cavite Police Provincial Office at Prof. Eduardo A. Labitag – Project Director, BLES & POPLAW Seminar, Training & Convention Division ng UP Law Center.

Layon ng programang ito na lalong palawakin ang kaalaman sa batas ng mga opisyal ng barangay upang mas epektibo nilang magampanan ang kanilang tungkulin sa bayan.

May 18, 2012, Gen. Trias – Isang farm tractor and ipinagkaloob ni Agriculture Secretary Proceso J. Alcala sa bayan ng General Trias na tinanggap ni Mayor Luis “Jon-Jon” A. Ferrer IV sa isang turnover ceremonies sa Gen. Trias Dairy Processing Center, Brgy. Santiago. Ang katuwang na pondo ng proyekto ay nagmula kay Cavite 6th District Cong. Antonio “Ony” A. Ferrer na dumalo rin sa ginawang seremonya.

Sa kanyang mensahe, ipinaabot ni Sec. Alcala ang kanyang adhikain na palakasin at patatagin ang pagtutulungan sa pagitan ng Department of Agriculture at lokal na pamahalaan ng Gen. Trias sa pamamagitan ng iba’t ibang proyektong naglalayong paunlarin ang pagsasaka sa ating bayan lalo’t na’t malaki ang potensyal nito dahil sa malawak na lupang pangsaka at malapit na distansya sa Maynila. Ipinaalam rin niya ang nalalapit na pagbibigay ng 25 kalabaw mula sa Philippine Carabao Center.

Ipinarating naman ni Congressman Ony Ferrer ang kanyang suporta sa lokal na magsasaka at sinabi na may 38 pang kalabaw ang bibilhin mula sa tulong pinansyal na kayang nakuha sa Department of Agriculture at ito’y ipagkakaloob rin sa mga magsasakang Gentriseño.

Samantala, malugod na tinanggap ni Mayor Jon-Jon Ferrer ang mga suportang ito at ipinabatid ang kanyang taos-pusong pasasalamat kay Sec. Alcala at Congressman Ferrer.

Nakilahok din sa ginanap na seremonya sina Regional Exec. Director Vilma Dumaculangan – Dept. of Agriculture Region 4-A, AMAS Agribusiness & Marketing Services Director Engr. Leandro Gazmin, National Dairy Authority Administrator Grace Cenas, Philippine Carabao Center Exec. Director Libertado Cruz, Livestock Dev’t. Council Exec. Director Manuel Jarmin, Nat’l. Corn Program Coordinator Asec. Ed De Luna, Director for Regional Engagement Joaquin Abejar, Provincial Agriculturist Engr. Mario Silan, Provincial Administrator for External Affairs Efren Nazareno at iba pang opisyal ng agriculture department at ng Provincial Government of Cavite, gayundin ang mga Sangguniang Bayan Members, Barangay Officials at mga tagapamahala ng dairy cooperative at mga lokal na magsasaka.

by Local Communications Group-Gen.Trias

May 16, 2012- General Trias Cultural / Convention Center.Ginanap ang ika-53 Gawad Parangal bilang pagkilala sa 544 na Gentriseñong mag-aaral na nagtapos sa elementary, sekondarya at kolehiyo na may natatanging karangalan. Ang taunang Gawad Parangal ay isang tradisyon ng bayan na naglalayong bigyang-pugay ang mga kabataan na nagsikap upang magpunyagi sa akademikong larangan.

Gayundin, binigyang pagkilala ang dating punong bayan na si Kgg. Teofilo Grepo na tinawag na “Ama ng Parangal” dahil sa kanyang malaking kontribusyon sa pagtataguyod ng proyektong ito. At ang kopya ng Resolution No.2012-08 na bumubuo sa Gawad Grepo na siyang magbibigay kilala sa mga board passers ay tinanggap naman ng kanyang maybahay na si Gng. Aracelli Grepo.

Upang magbigay inspirasyon sa mga awardees,pinadala ni Kgg. Emmanuel Joel J. Villanueva, Director-General ng Technical Education and Skills Development Authority (TESDA) si Atty. Teodoro C. Pascua, Deputy Director-General ng TESDA, upang ihatid ang kanyang mainit na pagbati at mensahe para sa mga nagsipagtapos. Ayon sa kanya, bawat mag-aaral ay dapat magsikap upang maging matugumpay sa anumang bagay, patuloy na mag-aaral para  yumabong ang kanilang angking talino at makibahagi sa pagbabago at pag-unlad ng bayan.

Dumalo sa programa si Mayor Luis “Jon-Jon” A. Ferrer IV, Ms Judith Parin na kumatawan kay Vice-Mayor Fernando P. Campaña,Sangguniang Bayan Members,mga punong barangay,department heads at kinatawan ng iba’t-ibang paaralan.

by: Local Communications Group-Gen. Trias

April 30 – Ipinakilala sa kawani ng lokal na pamahalaan ng Gen. Trias ang bagong talagang Chief of Police na si C/Insp. Romulo Cabalo Dimaya Jr. sa ginanap na flag raising ceremonies.

Binigyan ng isang mainit na pagtanggap si C/Insp. Dimaya Jr. na humalili kay P/Supt.Gregorio Evangelista Jr., ang dating Hepe ng Gen. Trias Municipal Police Station na naglingkod sa loob ng 6 na taon. Ang bagong pinuno ng pulisya ay tubong Pangasinan subalit kasalukuyang naninirahan sa Trece Martirez City. Siya ay naglingkod bilang Public Information Officer sa Cavite Police Provincial Office at Chief ng Mobile Patrol Group.Nagtapos siya ng kursong Political Science sa University of the East,Manila at nagsilbi bilang isang matuwid, matapat, at mahusay na alagad ng batas sa loob ng 7 taon dito sa Cavite.

Ayon sa kanya,isang karangalan ang makapaglingkod  sa isang progresibong bayan tulad ng Gen. Trias. Bilang kinatawan ni Mayor Luis “Jon-Jon Ferrer,IV,ipinaabot ni Board Member Maurito Sison at mga Sangguniang Bayan Members ang kanilang pagbati sa bagong hepe ng pulisya.

Abril 21, 2012 – Nagkaisa at nagtulong-tulong ang mga kawani ng Lokal na Pamahalan ng General Trias, mga opisyal ng Barangay, mga volunteers at mga residente sa isinagawang Municipal Wide Clean-Up Drive na bahagi ng pagsuporta sa Earth Day. Ang nasabing programa na pinangasiwaan ng Municipal Environment and Natural Resources Office (MENRO) ay naglalayon ,ding palawakin ang kaalaman ng mga mamamayan sa ibat-ibang environmental issues at kung papaano sila makakatulong sa pagtugon dito.

Bahagi rin ng ginawang Earth Day celebration ang pamamahagi ng libreng “eco bags” sa mga mamimili ng Pamilihang Bayan ng General Trias bilang paghahanda sa nalalapit na implementasyon ng ipinasang Municipal Ordinance No. 12 – 03 sa August 14, 2012 kung saan ipinagbabawal at ireregulate na ang pag-gamit ng ibat-ibang uri ng plastic at hinihikayat ang pag-gamit ng mga alternatibong “eco-friendly” na sisidlan.

Sa pangunguna ni Mayor Jon-Jon Ferrer at ng Sangguniang Bayan, patuloy na isinusulong ng lokal na pamahalaan ang pagbibigay halaga at pangangalaga sa ating Inang Kalikasan.

Abril 16, 2012 – Muling naghandog ng libreng salamin sa mata ang Jollibee Foods Corporation at si Dra. Menchie Abesamis ng Abesamis Optical Clinic sa mga mag-aaral ng mga pampublikong elementarya ng bayan ng General Trias. Animnaput-dalawa ang tumanggap ng reading glasses samantalang dalawa naman ang nabiyayaan ng espesyal na contact lenses dahil sa kanilang sensitibong kondisyon sa mata na sina Carol Tamio at Kent Darvin delos Santos. Ang contact lenses na nagkakahalaga ng P25,000 ay mula sa kabutihang palad nila Cong. Ony Ferrer, Mayor Jon-Jon Ferrer at ni Dra. Abesamis.

Sa isang maikling programang ginanap sa liwasang bayan, buong pusong nagpasalamat sina Carol at Kent Darvin para sa ibinigay sa kanila na bagong pagasa tungo sa isang maliwanag na kinabukasan. Sinaksihan nila Mayor Jon-Jon Ferrer, mga miyembro ng Sangguniang Bayan, ni Dr. Edna Bayot – District Supervisor, DepEd at ni Ms. Kelly Avedes ng Jollibee ang nasabing turnover.

Bilang bahagi ng Women’s Month Celebration, isang fun run na pinamagatang “Takbo ng Makabagong Kababaihang Gentriseno” ang ginanap noong ika -18 ng Marso 2012 mula South Square Village, Pasong Kawayan II hanggang General Cultural and Convention Center grounds sa Brgy. Sampalucan.

Nilahukan ito ng mga miyembro ng Nagkakaisang Kababaihan,mga mag-aaral ng Lyceum of the Philippines – Cavite Campus, at Gov. Ferrer National Highschool, gayundin ng mga youth sectors at mga runner enthusiasts.

Sa pagwawakas ng 5K fun run, nakuha ni Davien Caroz ang unang puwesto, ni Armin Columna ang pangalawang puwesto at AJ Beronio ang ikatlong puwesto para sa men’s division. Samantalang sa women’s division, nakamit ni Janice Marquez ang tagumpay. Nakatanggap ang bawat isa ng cash at gift packs.

Ang programang ito’y pinangunahan at nilahukan din ng ating butihing Mayor Luis A. Ferrer IV katuwang ang kanyang may bahay na si Ms. Monette Ferrer,Cong.Antonio Ferrer at Ms.Anne Ferrer, 7th District Board Member Irene Bencito,Board Member Morit Sison, Kon. Christopher Custodio- Chair,Committee on Women and Family Affairs. Gayundin ang iba pang Sangguniang Bayan Members na sina Kon. Lamberto Carampot, Kon. Mario Amante,Kon. Richard Parin,Kon. Kerby Salazar, LNB President Walter Martinez, SKF Jim Dominic Culanding. Kasama rin sa naturang fun run ang mga miyembro ng Gen. Trias Katipunan Jaycees.

Pebrero 10, 2012 – Ang bayan ng Gen. Trias sa ilalim ng pamumuno ni Mayor Luis A. Ferrer, ay tumanggap ng Seal of Good Housekeeping mula sa Department of Interior and Local Government (DILG) sa pangunguna ni Kalihim Jesse M. Roberdo. Ang Seal of Good Housekeeping ay iginagawad sa isang Local Government Unit (LGU) na nagpapakita ng mabuting pamamahala, sound fiscal management, transparency, and accountability.

Kalakip ng karangalang ito ang Local Government Support Fund (LGSF) na nagkakahalaga ng 2 milyong piso na magagamit ng lokal na pamahalaan para sa maayos na pagpapatupad ng mga iba’t-ibang mga proyekto at programa sa hinaharap na makakatulong sa patuloy na pag-unlad ng bayan.

Kasama ni Mayor sa awarding ceremony na ginanap sa Provincial Gym ang mga Sangguniang Bayan Members at mga Department Heads.

Kasabay ng pagbubukas ng taon ay muling binuksan din ang taunang Business One Stop Shop (BOSS). Ito ay isang sistemakong paraan ng pagpoproseso ng permit at lisensiya ng mga negosyante upang maging mas mabilis ang kanilang aplikasyon at maiwasan ang pagpapabalik-balik sa iba’t ibang tanggapan para lamang mapunan ang mga kinakailangan nilang legal na dokumento sa pagbubukas / pagpapatakbo ng kanilang negosyo.

Ang mga tanggapang kabilang sa Business One-Stop-Shop ay ang Department of Trade and Industry, Bureau of Internal Revenue, Municipal Environment and Natural Resources Office, Rural Health Unit, Bureau of Fire Protection, Treasure’s Office, at Business Permit and Licensing Office. Bawat isang tanggapan ay nagkaroon ng service desk sa unang palapag ng munisipyo upang lalong mapadali ang pag-aayos ng mga papeles ng mga magbubukas ng bagong negosyo o magrerenew ng kanilang permit.

Dahil sa programang ito, ang ating pamahalaang bayan ay nakapaghatid ng serbsiyo sa 2,593 na mga negosyante. Sa bilang na nabanggit 297 ang mga kumuha ng permit sa kanilang bagong bukas na negosyo samantalang ang mga nagrenew ay nasa 2,296.

Ang nasabing proyekto ng lokal na pamahalaan sa pangunguna ni Mayor Luis A. Ferrer, IV ay patunay sa patuloy na adhikaing maghatid ng dekalidad na serbisyo sa negosyanteng Gentriseño.

Pebrero 6, 2012 — Ginawaran ng pagkilala si Dr. Carmen Abesamis Dichoso at ang Jollibee Foods Corporation sa isang maikling seremonya na ginanap sa liwasang bayan dahil sa kanilang natatanging kabutihan at pagmamalasakit sa 20 piling mag-aaral ng mga paaralang elementary sa Gen. Trias District I nang pagkalooban sila ng libreng salamin sa mata upang lalo pang mapaunlad ang kanilang dunong at talento.

Ang programang ito ay bahagi ng proyektong “Jolly Eyes,Healthy Eyes” na naglalayong makatulong sa mga kabataang may diperensiya sa mata upang ito’y hindi maging hadlang sa kanilang pagkatuto sa paaralan at maging daan upang maabot nila ang kanilang mga pangarap.

Enero 30,2012 – Sa isang programang ginanap sa liwasang bayan,ginawaran ng isang pagkilala mula sa ating butihing punong bayan, Hon. Luis Ferrer A. IV, ang mga Barangay Tanod ng Sunny Brooke ,San Francisco na sina Saturnino Hembrador,Wilfredo Canaria,Rolando Andag,Edgardo Andag,Bobby Aceña,Felipe Ungco,Ronie Abiles,Claro Javier, Armando Legaspi, Eden Ledesma,Danilo Pasagui, Odin Mutia, Emiliano Timbal, bilang pagbibigay pugay sa katapangang kanilang ipinakita sa pagtupad sa kanilang tungkulin nang kanilang hulihin ang mga taong sangkot sa paggamit at pagbebenta ng ipinagbabawal na gamot.
Ang ginawa nilang ito ay isang patunay na kanilang matapat na ginagampanan ang kanilang tungkulin bilang lingkod-bayan. Ito ay isang halimbawa na ipinagmamalaki ng buong bayan ng Gen. Trias na dapat tularan ng lahat.

Gen.Trias,Cavite,Disyembre 12 — Upang taasan ang pampublikong kamalayan sa isyu ng pagpapahinto ng Violence Against Women( VAW), ang ““Blow on Whistle on VAW” ” ay pinasimulan ng General Trias Municipal Police Station sa pamamagitan ng simultaneous blowing of whistle at ang paglagda sa “Unite Pledge Cloth” na sumisimbolo sa ating national commitment upang wakasan ang karahasan sa kababaihan at upang suportahan ang pandaigdigang kampanya ng United Nations Secretary General na may temang “Unite to End Violence Against Women”. Ang nasabing programa ay pinangunahan ni P/Supt. Gregorio G. Evangelista-Chief of Police.at Mr. Hernando Granados-Municipal Administrator na ginanap sa liwasang bayan ng Gen. Trias pagkatapos ng flag raising ceremonies.

Ito ay kaugnay ng pagdiriwang ng Annual 18 Day Campaign to End Violence Against Women for 2011, na nagsimula noong Nobyembre 25 at natapos noong Disyembre 12.

Ang kampanya sa taong ito ay nakatuon sa pagpapalaganap ng impormasyon tungkol sa mga anti-VAW laws,partikular ang iba’t –ibang serbisyo ng mga ahensiya ng pamahalaan at non-government organizations upang matugunan ang mga pangangailangan ng VAW survivors.

Ipinagdiwang ng bayan ng Gen. Trias ang kanilang ika-263 Foundation Day noong Disyembre 13 na may temang ‘Kulturaseño (Kultura at Tradisyon ng Gentriseño)..kaagapay sa patuloy na pag-asenso.

Bilang bahagi ng pagdiriwang, iba’t ibang mga programa at patimpalak ang ginanap at nilahukan ng iba’t ibang sektor ng komunidad. Kabilang dito ang mga tradisyunal na palatuntunan tulad ng “Gift-Giving” kung saan maraming pamilya at “Persons with Disability“ (PWD) ang nabibiyayaan ng maagang pamasko. Gayundin, ginanap ang taunang Blood Letting Activity ng Communty Affairs Office katulong ang Red Cross, at ang Academic Contests na binubuo ng mga paligsahan sa Spelling, History of Gen. Trias, at pagsulat ng sanaysay na nilahukan ng mga pampubliko at pribadong paaralan sa elementarya at sekondarya. Nagkaroon din ng Wreath Laying sa bantayog ni Hen. Mariano Trias, bilang parangal sa bayaning pinagmulan ng pangalan ng ating bayan. Maging ang Nagkakaisang Kababaihan ng General Trias ay nagsagawa ng product showcase bilang pakikilahok.

Ang pinakatampok sa pagdiriwang ay ang Valencia Festival na inilunsad noong nakaraang taon.Kinapapalooban ito ng iba’t ibang programa tulad ng Valenciana Festival Street Dancing kung saan naiuwi ng Thomas Aquinas School ang Unang Gantimpala na sinundan ng Colegio De San Francisco sa Ikalawang pwesto at ng Santiago National High School sa Ikatlong pwesto. Ginanap din ang Parade of Valenciana (tasting of Valenciana) kung saan nagpaligsahan ang iba’t ibang barangay sa pinakamasarap na luto ng Valencia na libreng ipinatikim sa mga tao. Kapwa nakakuha ng Unang Gantimpala ang Brgy. Santiago at Pinagtipunan,nasa ikalawang pwesto ang Brgy.San Gabriel at Ikatlong pwesto naman ang Brgy. Pasong kawayan II.

Sa hapon ding iyon pinarangalan ang Top Ten Corporate Tax Payers of 2010 bilang pagkilala sa kanilang kontribusyon sa patuloy na pag-unlad ng bayan. Nanguna dito ang House Technology Industries(HTI). Bilang pangwakas, isang “fireworks display” ang nagpaliwanag sa kalangitan ng bayan at nagbigay saya sa mga residenteng nanunuod.

Ang bayan ng General Trias na dating San Francisco de Malabon ay itinatag noong Disyembre 13, 1748. At noong Pebrero 24,1920 inaprubahan ang Legislative Act No.2889 na nagpapangalan a bayang ito bilang General Trias upang bigyang pagkakilala si Gen. Mariano Closas Trias, isang bayani ng rebolusyon at kauna-unahang pangalawang pangulo ng ating bansa.

Ang pagtutulungan ng mga lingkod ng bayan ng Gen. Trias, sa pangunguna ng ating butihing Mayor Luis A. Ferrer IV, Sangguniang Bayan at ang suporta ni Cong. Antonio A. Ferrer ay nagsilbing daan upang maisakatuparan ang paggunita sa araw na ito upang muling ipakilala at ipagmalaki ang kultura at kasaysayan ng bayan ng Gen. Trias.

November 21,2011 – Ipinagkaloob ng kagalanggalang Congressman Atty. Antonio “Ony A. Ferrer IV ang dalawang ambulansiya at tatlong multi-cab sa bayan ng Gen. Trias noong Lunes sa pamamagitan ng isang turn-over ceremony na ginanap sa harap ng munisipyo pagkatapos ng flag ceremony. Ang dalawang ambulansiya ay magagamit ng mga mamamayan sa Poblacion at sa San Francisco samantalang ang tatlong multi-cab ay ibinigay sa Police Sub-station ng Bacao, Manggahan at Pasong Camachile II. Ang mga sasakyang ito ay simula pa lamang ng marami pang mga nakalinyang proyekto ng ating butihing congressman para sa kaasalukuyang taon.

Gayundin, nagkaloob ang alkade ng Gen. Trias, Hon. Luis A. Ferrer IV, ng dalawang water truck at isang dump truck para sa mga naninirahan sa Poblacion at iba pang karatig na pook.

Ang mga sasakyang ito ay makapagdudulot ng malaking pakinabang para sa mga Gentiseño upang mas mabilis na matugunan at mabigyang-aksyong ang kanilang mga panganagailangang medikal at pangseguridad.

November 5, 2011 (Sabado) — Ang GMA Kapuso Foundation at Corporate Affairs Department, sa ilalim ng Kapuso ng Kalikasan Project , katuwang ang lokal na pamahalaan ng Gen. Trias ay nagsagawa ng isang malawakang tree planting activity sa Gen. Trias Intel Sports Park .

Binuksan ang proyekto sa pamamagitan ng isang maikling programang pinangunahan nina Bb. Chloe McCulley, Miss World Philippines 2nd runner up at Miss Kapuso World , at Mr. Romel Olimpo, OIC Investment Promotion Center-Gen. Trias. Nilahukan ito ng mga estudyante,guro at mga empleyado ng lokal na pamahalaan; gayundin, ng ilang GMA Kapuso Stars tulad nina Bea Binene, Princess Snell ,GMA Executives- Ms. Teresa Pacis at Mr. Henry Perez at Cong. Antonio”Ony” A. Ferrer, Mayor Luis A. Ferrer,IV at Sangguniang Bayan Members. Dahil sa naturang programa, mahigit 1,500 na mahogany trees ang naitanim sa malawak na lupain ng sports park. Ang nasabing proyekto ay pinangasiwaan ni Kon.Kerby J. Salazar,Chairman – Committee on Environment Protection.

Isang kasunduan din ang nilagdaan sa pagitan nina Hon. Mayor Luis A. Ferrer IV, alkalde ng bayan, at ng GMA Network Incorporated, na nagsasaad na ang lokal na pamahalaan ng Gen. Trias at mga opisyal at empleyado ng GMA Network ay nangangakong magtutulungan na pangalagaan at proteksyunan ang kalikasan sa pamamagitan ng paggising sa kamalayan at damdaming maka-kalikasan ng mga mamamayan ng bansa upang maiwasan ang tuluyang pagkasira ng ating Inang Kalikasan.

Ang illegal recruitment ay isa sa mga pangunahing suliranin ng gobyerno, gayundin ng Department of Labor and Employment (DOLE) at ang Philippine Overseas Employment Administration (POEA) kung kaya’t sa pagtutulungan ng dalawang ahensiyang ito ay inilunsad ang Illegal Recruitment-Free LGUs Campaign. Ito ay naglalayong palawakin ang kaalaman ng mga lokal na pamahalaan sa suliraning ito at para mabigyan ng agarang aksyon ang mga biktima at masiguro ang proteksyon ng mga mamamayang naghahanap ng trabaho sa ibang bansa.

Dahil dito, noong nakaraang ika-27 ng Oktubre 2011, inilunsad ang Anti-Illegal Recruitment and Trafficking in Persons Campaign Seminar sa bayan ng Gen. Trias na ginanap sa Audio Visual Room ng munisipyo. Ito ay naitaguyod sa pamamagitan ng Public Employment Service Office (PESO), at Philippine Overseas Employment Administration (POEA) sa pakikipag-ugnayan sa lokal na pamahalaan ng Gen. Trias.

Bilang pagpapatibay nito,lumagda ng isang memorandum of understanding sina Mayor Luis A. Ferrer IV at Hon. Carlos S.Cao Jr.-POEA Administrator na sinaksihan nina Mr. Ariel Mugol –PESO Manager at Ms. Caroline Beltran-Peso staff.

Ang nasabing memorandum ay naglalayong patatagin ang ugnayan ng pamahalaang lokal sa mga ahensyang pambansa ng pamahalaan para sa mabilis na pag-aksyon sa mga problema ng mga mamamayan laban sa illegal recruitment at ibang pang suliraning may kinalaman sa pagtatrabaho sa ibang bansa.

Binigyan diin sa campaign seminar ang Law on Illegal Recruitment na anamyendahan sa ilalim ng R.A. 1022, Legal modes of Hiring, 10 Don’ts to Avoid Illegal Recruiter and Modus Operandi of illegal recruiters na ibinahagi ni Atty. Lynda LLave at Atty. Ferdinand P. Perez.

Alinsunod sa Presidential Proclamation No. 267, na nagtatalaga sa buwan ng Oktubre bilang taunang pagdiriwang ng National Children’s Month, lumagda ang punong bayan, Mayor Luis A. Ferrer IV, at ang mga bumubuo sa Sangguniang Bayan sa Gen. Trias Child and Youth Welfare Code, na isinulong ni Konsehal Kerby J. Salazar, ang may-akda, upang higit na mapangalagaan at mabigyang proteksyon ang mga karapatan ng kabataan.

Gayundin, isang forum ang ginanap sa (saan?) na dinaluhan nga mga kapitan ng barangay, Barangay Nutrition Scholars, Barangay Health Workers at mga DayCare teachers.Sa forum,tinalakay ni G. Jessie L. Atienza, propesor sa De La Salle University-Dasmariñas, ang pagiging bukas ng bawat barangay sa kalagayan at hinaing mga kabataan sa kanilang lugar bilang unang takbuhan ng mga batang nangangailangan ng tulong at pagkalinga.

Nilalayon ng forum na maging mahusay at epektibo ang bawat barangay sa pagpapalano, pagsasagawa, at pagkilatis sa mga programang pangkabataang ipatutupad upang masiguro ang kaligtasan, proteksyon, at aktibong pakikilahok ng mga kabataan sa isang ligtas na pamayanan. Sa ganitong paraan, makatitiyak na ang bawat karapatan ng kabataan ay maigagalang at matutupad upang sa kanilang paglaki’y maging huwaran at kapaki-pakinabang na mamamayan.

Kinikilala ng pamahalaang lokal ng Gen. Trias ang mahalagang papel ng mga bata sa pagtataguyod sa bansa ayon na rin sa Seksyon 13, Artikulo II (Declaration of Principles and State Policies) ng Konstitusyon ng Pilipinas na nagsasaad na dapat itaguyod at protektahan ang kanilang pisikal, moral, espirituwal, intelektwal na pangangailangan at matanim sa isip nila ang pagkamakabayan at nasyonalismo, nang mahikayat silang makilahok sa mga pampubliko at sibikong programa.

Ang taunang pistang bayan bilang parangal kay San Francisco de Asis, Patron ng Gen. Trias ay muling ipinagdiwang noong ika-4 ng Oktubre na may temang “San Francisco: Tingting ng aming pangarap, Gintong bigkis ng aming pagsisikap sa kolektibong pagmamalasakit.”

Naging bahagi ng pagdiriwang ang iba’t ibang patimpalak at palatuntunan tulad ng Videoke Challenge at Tugtugan sa Plaza. Ang karakol na nilahukan ng mga empleyado ng munisipyo at iba pang sector ng komunidad ay ginanap naman noong ika-2 ng Oktubre. Ipinagpatuloy din ang taunang tradisyon ng “Pabialahay”(Pabinyagan ng mga Alagang Hayop) na isa sa joint project ni Mayor Luis A. Ferrer,IV katuwang ang Municipal Agriculture Office bilang pagkakilala kay San Francisco De Asis na mapagmahal sa mga hayop . At ang pinakatampok sa lahat ng kasiyahan ay ang “Grand Pasayo” na nilahukan ng 12 marching band na nagmula pa sa iba’t-ibang bayan sa Cavite.

Ang matagumpay na pagdiriwang na ito ay sa pagtutulungan nina Cong. Antonio “Ony” Ferrer, Mayor Luis “Jon-Jon” A. Ferrer IV, Sangguniang Bayan Members,Tourism Office at Saint Francis Parish Church.

General Trias-Convention Center. Noong ika-31 Agosto, 2011, ginanap ang Barangay Livelihood and Enterprises Development Forum na isang programa ng Provincial Cooperative, Livelihood and Enterprises Development Office (PCLEDO) sa ilalim ni acting chairman Rene Tongson.

Layunin ng programang ito na mabigyan ng pagkakataon ang mga mamamayan ng bawat barangay na makapagsimula ng isang small-scale business para sa kanilang kabuhayan.

Sa pamumuno ni Cavite Governor Jonvic Remulla, kaagapay ang PCLEDO at pakikiisa ng ating 6th District Cong. Antonio “Ony” Ferrer,Gen. Trias Mayor Luis A. Ferrer, IV,Board Member Maurito Sison at mga Sangguniang Bayan Members ay naibahagi ng forum na ito sa mga barangay officials ng Amadeo, Tanza ,Trece Martires City, Gen. Trias ang kaalaman sa pagsisimula ng maliit na negosyong pangkabuhayan.

Sa isang seremonya na ginanap noong Agosto 22, 2011 sa liwasang bayan ng Gen. Trias ay kinilala ang Gen. Trias PNP sa ilalim ng pamumuno ni P/Supt. Gregorio G. Evangelista Jr. bilang Best Municipal Police Station sa PRO-CALABARZON noong ika- 110th Police Service Anniversary celebration na ginanap sa Laguna.Gayundin,buong pasasalamat namang ipinagkaloob ni J/Insp. Manuel T. Villas Jr. na nahirang bilang Region 4-A Best Therapeutic Community Jail Commission Officer-Worker of the Year, ang isang plake ng pagkilala kay Mayor Luis A. Ferrer,IV para sa kanyang walang sawang suporta sa Gen. Trias Municipal Jail.

Ang AZKALS player na si OJ Porteria kasama ang team mate na si Nate Burkey ay bumisita sa kanyang sinilangang bayan -ang Gen. Trias, noong ika-8 ng Agosto. Sa pamamagitan ng isang simpleng seremonya sa harap ng munisipyo ng Gen. Trias,malugod silang tinanggap ni Mayor Luis A. Ferrer,IV kasama sina Board Member Maurito Sison, Kon.Mario Amante, Kon. Lamberto Carampot,Kon. Richard Parin, Kon. Kerby Salazar, Kon. Chris Custodio,LNB Pres. Walter Martinez at SKF Pres.Jim Dominic Culanding. Sa kanilang pagbisita, inihandog nila ang mga bolang pangfootball na magagamit ng mga batang manlalaro ng Gen. Artemio Ricarte Memorial Elementary School at Gov. Ferrer Memorial National High School sa kanilang pagsasanay.

Gen. Trias( 5 Agosto) –Isang Flu and Cervical Awareness Seminar ang ginanap sa Audio Visual Room ng gusali ng pamahalaang bayan. Ito ay dinaluhan ng mga doctor,nars, municipal at barangay health workers ng Gen. Trias.

Tinalakay nina Dr. Anna Ong-Lim, M.D. at Dr. Ma. Socorro C. Bernardino,M.D.,mga espesyalista, ang iba’t-ibang hakbang na maaaring gawin upang makaiwas sa pagkakaroon ng flu at cervical cancer.

Ang programang ito ay proyekto nina 6th District Congressman Antonio “Ony” A. Ferrer, Mayor Luis A. Ferrer IV at ng Sangguniang Bayan sa pakikipagtulungan nina Dr. Abe Escario ( Municipal Health Officer), Ms. Rebecca Generoso (Municipal Social Welfare and Development) katuwang ang Glaxo Smith Kline.

Ang nasabing seminar ay sinaksihan nina Board Member Maurito Sison, Kon. Lamberto Carampot, Kon. Christopher Custodio, Kon. Richard Parin, Kon. Mario Amante at Kon. Kerby Salazar – Chair Committee on Health and Sanitation na siyang nangasiwa sa nasabing programa.

Hunyo 17, 2011 — Sa ika-12 pagkakataon, ginanap ang taunang Kasalang Bayan sa Gen. Trias Convention and Cultural Center sa ilalim ng pamahalaang bayan ng Gen. Trias.

Sa ilalim ng programang ito, 72 pares na mga magkasintahan at nagsasama nang hindi kasal ang dumalo upang gawing legal ang kanilang pagsasama. Ang seremonya ng kasal ay pinangunahan ni Kgg. Luis A. Ferrer IV, butihing alkalde ng bayan na pinagkalooban ng Republika ng Pilipinas ng kapangyarihang bigyang bisa ang isang kasal.

Sinaksihan ang seremonya nina 6th District Congressman Antonio”Ony” Ferrer, Cavite Mayor’s League(CCL) Federation President and General Trias topnotch Councilor Maurito Sision, Sangguniang Bayan Members at mga Brgy. Captains.

Naisakatuparan ang programa sa pagtutulungan ng mga kawani ng Municipal Civil Registrar sa pangunguna ni G. Alfredo Villalobos kaagapay ang Tanggapan ng Punongbayan.

April 25, 2011- Noong nakaraang April 18-20, 2011, Ang lokal na pamahalaan ng General Trias katuwang ang National Bureau of Investigation ay nagsagawa ng NBI Clearance on Wheels na ginanap sa Walter Mart –Manggahan,Gen. Trias. Umabot sa 635 na aplikante ang nakinabang sa programang ito,na naglalayong ilapit sa publiko ang serbisyo ng gobyerno. Ito’y napakalaking tulong sa mga Gentriseños at mga residente ng karatig-bayan na nangangailangan ng NBI Clearance sapagkat naging mas madali at mas mas mabilis ang pagproseso ng kanilang papel.

April 18, 2011- Sa ginanap na flag raising ceremony ipinagkalooban ni Mayor Luis A. Ferrer IV sa pamamagitan ni Mr. Hernando Granados-Municipal Administrator ng Plaque of Recognition sina Catalino O. Bartolome at Rogelio V. Lozares bilang pasasalamat at pagkilala sa kanilang pagbabalik ng nawalang sobre na naglalaman ng US$500 at P1000.00 sa may-ari nito noong nakaraang Abril 11,2011. Ang kanilang katapatan ay karapatdapat na tularan at magsilbing isang inspirasyon para sa lahat.

April 16, 2011- Ipinagdiwang ng lokal na pamahalaan at mamamayan ng Gen. Trias ang Earth Day 2011 sa pangunguna ng Municipal Environment and Natural Resources Office (MENRO) na pinamumunuan ni Dr. Renato Escurel.Sinimulan ito ng isang community parade, kasama ang mga department heads, empleyado ng munisipyo at iba’t ibang kompanya dito sa Gen. Trias.At bilang pagkilala ay binigyan ng plaque of appreciation ng ating butihing Mayor Luis A. Ferrer, IV , Cavite Councilor’s League Federation President –Coun. Maurit Sison,Kon. Reynaldo Amante,at Dr. Escurel si Teacher Nereus O. Acosta, ang panauhing pandangal at speaker ng Environmental Forum na ginanap sa Gen. Trias Cultural and Convention Center sa pagbabahagi ng kanyang kaalaman tungkol sa pagdiriwang ng Earth Day at kahalagahan ng pangagalaga sa ating kapaligiran at epekto ng climate change.

April 4, 2011 – Pinangunahan ni Mayor Luis “Jon-Jon” A. Ferrer, IV ang launching ng “Ligtas Tigdas” program ng Department of Health sa flag raising ceremony na ginawa sa municipal grounds, kung saan ang nasabing ahensiya ay magbabahay-bahay mula April 4 – 30, 2011 para bakunahan ang mga sanggol na may edad siyam na buwang gulang at batang may edad hanggang pito at labing isang buwan. Kasama ni Mayor Ferrer ang ilang Sangguniang Bayan Members, partikular ang Chairman ng Committee on Health & Sanitation Coun. Kerby J. Salazar at mga kawani ng Rural Health Unit – General Trias sa pangunguna ni Dr. Abe Escario.

April 4, 2011 – Tumanggap ng tulong pinansyal ang tatlumpung repatriated OFWs galing sa Libya mula kay Mayor Luis “Jon-Jon” A. Ferrer, IV at pangakong scholarship, livelihood at employment assistance mula sa Department of Labor and Employment – Cavite sa pangunguna ni Director Milagros Mata sa ginanap na flag raising ceremony na dinaluhan ng mga kawani ng lokal na pamahalaan, Sangguniang Bayan Members at iba pang opisyal. Ang mga nasabing OFWs ay pawang residente ng bayan ng General Trias na napilitang umuwi dahil sa tensyong nagaganap sa Gitnang Silangan.

Last March 5, 2011, the Municipal Disaster Risk Reduction and Management Office (MDRRM) and Bureau Fire of Protection (BFP) responded to a housefire in Brgy. Vibora,Gen. Trias ,Cavite. It was about 11:50 AM, when a telephone call was received by the fire station , to which the station immediately responded. Fire was declared out on or about 12:25 PM. No fatality was reported. Two casualties were given first aid by the MDRRM and transported to Gen. Trias Hospital for further medical attention.

Because of their courage and dedication to their call of duty of ensuring the welfare and safety of the public, Mayor Luis A. Ferrer IV with the Sangguniang Members presented a plaque of appreciation to Mr. Fernando Olimpo,Deputized Coordinator of MDRRM and to F/SInsp Ariel C . Avilla Municipal Fire Marshal of BFP last March 28, 2011 at the Municipality of Gen. Trias.

The Department of Labor and Employment (DOLE) , in coordination with the local government of Gen. Trias through its Public Employment Service Office(PESO), gave away manicure sets and Nego-Karts to 9 fortunate Gentriseños.

In a simple ceremomny held last March 28,2011 at the front of the municipal town plaza Hon.Luis A. Ferrer IV, Municipal Mayor of Gen. Trias ;Sangguniang Bayan Members; Mr. Ariel Mugol, PESO Manager awarded 7 Manicure Starter Kits and 2 Nego Karts.

Manicure Starter kits and Nego-Kart or Negosyo sa Kariton are two of the livelihood programs of Department of Labor and Employment (DOLE) that aims to help displaced workers find ways and means to earn a living.

The recepients of the 2 Nego-Kart namely Francis Elar and Rhea Ocfemia were given additional Php 3,000.00 while the 7 beneficiaries of manicure starter kits namely Yolanda Centeno,Erwina Dalit,Mary Jove Cordova, Dionalyn Cajipe,Margie Baradero, Salvacion Catala, Jean D. Magno each received Php500 from the LGU as initial capitals.

JAE Phils., Inc. represented by Mr. Dick Tapiador HR/ ADMIN Manager received a plaque of appreciation from Municipal Mayor Luis A. Ferrer,IV represented by Municipal Social Welfare Coordinator Ms. Rebecca Generoso for the conduct of seminar on the Advocacy for the Awareness and Prevention of Child Abuse held last February 9-11,2011 at Sunny Brooke, Santiago and MaryCris Elementary Schools.

A total of 277 participants attended the advocacy services: 55 from Brgy, San Francisco, 115 from Brgy. Santiago and 107 from Mary Cris Elementary School. The said advocacy was intended to give awareness and gain positive response from its participants. JAE’s support and contributions created consciousness and opened the minds of the teachers, parents and the children in the community on the issues of child abuse. It is our hope that more private companies will follow suit in worthwhile endeavor such as this.

Gen. Trias, Cavite – In a move to bring government service closer to the people, the Municipality of Gen. Trias in coordination with the Department of Foreign Affairs conducted the Mobile Passport Service last January 8, 2011 at the General Trias Cultural/Convention Center. Residents of General Trias and nearby towns came in droves in the hope of having their applications approved.

The 16-personnel Mobile Passport team led by DFA Officer Eduardo A. Santos and RCOCC Coordinator Kristoffer T. Comaya came to Gen. Trias to finalize the passport application process which includes validation, payment, encoding, photo-capturing and signing.

The processing of application went smoothly and systematically, while applicants were able to enjoy the comforts of waiting in queue inside the air conditioned center. A total of 466 passport applications were approved and is scheduled for release on January 29, 2011.

This project would not have been possible if not for the full support of Mayor Luis “Jon-Jon” A. Ferrer, IV, the Sangguniang Bayan, Cong. Antonio A. Ferrer, Gov. Jonvic Remulla and the cooperation of the different offices of the local government unit.

The Himlayang General Trias, a memorial park owned and developed by the Municipality of General Trias was blessed in a simple ceremony last January 3, 2011.

The blessing ceremony led by Mayor Luis A. Ferrer IV, was attended by local officials and department heads of the municipality and officiated by Rev. Fr. Calixto Lumandas.

The memorial park aims to address the growing needs of the constituents by offering services and amenities at par with private contemporaries at a much lower costs.

The marketing of the memorial park was tasked to the Investment Promotion Office under Mr. Romel D. Olimpo while the maintenance will be supervised by the Engineering Office under Engr. Norman Bugtong.

The memorial park is another proof of the local government’s continuous effort to provide better service to the people.

December 13, 2010 – There is a saying that “to know the people, you must learn their history”, for the past is the mirror of one’s present and a glimpse of their future. “Sulyap sa Kahapon..Kaunlaran ng Bayan Ngayon” , the theme for the 262nd Foundation Day of our beloved town, General Trias.

Founded on December 13, 1748, the town was given its official name by virtue of RA 2889 thru Emilio P. Virata, a native of this town and then representative of Cavite to Congress in honor of General Mariano Closas Trias. General Trias is a hero of the Revolution and elected vice president of the Revolutionary Government.

The foundation day was celebrated through various events which includes Talinong Gentriseño, Old Photo Contest, Mass Baptism, Blood Letting, Gift Giving, Eucharistic Mass, Wreath Laying Ceremony and the launching of the first ever Valenciana Festival.

Through the able leadership of Mayor Luis “Jon-Jon” A. Ferrer, the Sangguniang Bayan, and the support of Cong. Antonio “Ony’ A. Ferrer, Gentriseños were given a chance to shine and show who they truly are.

FIRST VALENCIANA FESTIVAL

It was early morning and the normally quiet town plaza is bustling with activity. The sound of rhythmic music is being played over and over, everyone seems to be in a hurry, excited dancers in colorful costumes fill the plaza, the glare of lights from GMA 7’s morning show “Unang Hirit”, who was there for the live telecast brightened-up the place and best of all the smell of freshly cooked and delicious valenciana wafts through the air. It is December 13, the town’s Foundation Day and to make the event truly Gentriseño, the first ever Valenciana Festival was launched.

Valenciana, a dish made of rice, vegetables, chicken, pork, coconut milk and annatto seed (which gives this cuisine that distinct orange tincture) is a food staple in baptisms, birthdays, weddings and other special occasions in General Trias. No celebration is complete without this town cuisine favorite. So, it is only fitting that the town gives recognition to this peasant dish that continues to please our palates.

The task of cooking the Valenciana for the festival was given to the Senior Citizen Chapter Presidents who gamely and willingly obliged. Clad in their Filipiniana costumes, each one came with their own version of the dish placed in large vats and covered with banana leaves. Town residents were given the chance to taste the dish and even joined in the boodle fight.

The highlight of the festival was the street dance competition wherein participants from both public and private high schools were invited to perform a dance that would depict everything about valenciana – the way of cooking and the ingredients needed to make this wonderfully filling dish. All the participants enthusiastically danced to the beat of the music, because aside from the trophy and cash prize that awaits the winner, they are making history for being part of the first ever Valenciana Festival. Everyone had a great time watching each performance, particularly our special guests from Singapore, the Sri Warisom Said performers who came together with some members of the Bayanihan Philippine Dance Company. The Academy of Saint John and Fiat Lux Academe tied for the first place, while the Santiago National High School bagged the second place. The celebration was capped off with the arrival of Marian Rivera, who came to promote her latest movie.

It was a day to remember, as Gentriseños took pride in sharing the culture and history with the rest of the country.

The Municipality of General Trias in cooperation with Bayanihan, the National Folk Dance Company of the Philippines brings back Fiesta Folkloriada – an international dance festival that aims to promote solidarity and goodwill among nations through music and dance.

This time performers from Singapore and South Korea came to visit the town of General Trias. The Sri Warisan Som Said Performing Arts of Singapore headed by its founder Madam Som Said Binte rendered performances at the Lyceum of the Philippines University and at the Antel Grand Village Grand Ballroom. The Singaporean dancers introduced us to the richness of their history and culture, through songs and dance. The cultural exchange activity between the Singaporeans and the Lyceum Dance Troupe was filled with much energy and fun. On the other hand, the performance of the Cho Nam Gyu Song Jong-Eun of South Korea drew oohs and aahs as the audience watched them perform their native dance, reminiscent of the Koreanovelas that we Filipinos came to love.

Not to be outdone is our very own teachers from Disctrict I and Gen. Trias Memorial Elementary School pupils, who each performed folk dances in their colorful costumes. Seeing the wonderful interaction between the guest performers and the audience makes such event worth it.

This event which was held from December 13-16, 2010 was made possible through the concerted effort of the local government of General Trias, Noveleta, Office of the Provincial Governor, Cavite Councilors’ League, Antel Grand Village, La Traviesa, PAGCOR E-games, Lyceum of the Philippines University-Cavite, JCI and Bayanihan.

Sri Warisan Som Said Performing Arts of Singapore

Cho Nam Gyu Song Jong-Eun of South Korea

The General Trias Sports Park at barangay Santiago was blessed in a ceremony last Friday, October 15, 2010.

Mayor Luis “Jon-Jon” Ferrer IV leads the inauguration and formal opening of the new sports facility in the municipality which houses the world class oval and Sports and Science Instructional Building.

The blessing ceremony was officiated by Rev. Fr. Claro Sumagui. Gracing the event were the local officials and department heads of the municipality, DepEd district supervisors and principals, representatives from the construction companies and Ms. Arlita Narag, Public Affairs Manager representing Intel Technology Philippines.

The Sports Park bespeaks of Intel’s commitment to helping their community. A gift born out of Intel volunteers’ hard work, time and volunteer spirit. A dream realized through the collaboration and harmonious partnership of Intel Technology Philippines, the Local Government of General Trias and General Trias Department of Education dedicated to further promote sports and educational development among students and residents of the town.

Originally owned by Mr. Adalberto Sison et-al, this 4-hectare agricultural land was purchased by the local public school district in 2008 using the fund granted by the Intel Foundation through the Intel Involved Matching Grant Program.

Jointly constructed and developed by seasoned contractors namely J.H. Domiguez Construction, Ahnex Builders and Marcbilt Construction under the supervision and technical expertise of volunteer engineers from the Office of the Municipal Planning and Development Council led by Engr. Jemie Cubillo.

Today, it is the only sports park in the country that has an Olympic standard eight-lane oval with two warm-up lane. The surface of the track is an approved IAAF Class A-15-17 mm full polyurethane rubber using the M99 – Rekortan Technology supplied and constructed by Sports Technology Incorporated of Australia.

Top photo – (L-R) Ms. Arlita Narag, Intel Public Affairs Manager, Mayor Jon-Jon Ferrer, Dr. Edna Bayot, DepEd District 1 Supervisor, Dr. Prudencio Animas, Public High Schools Administrator lead the ribbon cutting ceremony which signaled the formal opening of the General Trias Sports Park.

Bottom photo – Rev. Fr. Claro Sumagui of the Annunciation Parish Church leads the blessing ceremony of the General Trias Sports Park and its first-class facilities.

CONTACT: MS. JHEM M. FAUNI, Municipal Information Officer (09234543536; 0465091250)

Last October 1, 2010, Municipality of Gen. Trias together with our private partner Sun Cellular re-launched and celebrated the 2nd – year anniversary of the Serbisyo 24/7Project.

Serbisyo 24/7 project provides 24 hours, 7days a week hotline where constituents can elevate their concerns, inquire and/or feed information necessary for public safety and social matters through text messaging or voice call to the concerned agencies/sectors of the Local Government Unit .

It also aims to provide an easy fast and affordable means of interagency communication and bring public service closer to the people. Last August 8, 2008 more than 100 wireless desk phones were distributed in all barangays, public schools, organized members of the Homeowners’ Association and selected public safety and social services offices in its launching ceremony. This provides a direct link between the local government of General Trias and the grass root level.

In its 2 years of implementation, the project served as a tool in providing prompt quality service to residents of General Trias and empowered the citizenry by allowing them to participate in policy – making.

The relaunching ceremony coinciding with the celebration of the town fiesta was highlighted with games and raffles sponsored by Sun Cellular .

In a message, Mayor Ferrer, expressed his gratitude to its partner Sun Cellular for helping the Local Government achieved its goal in bringing quality service closer to its people by way of wireless network.

The Serbsiyo 24/7 Project is yet another FIRST from the Municipality of Gen. Trias.

Gen. Trias, Cavite. Gen.Trias in partnership with the National Bureau of Investigation has conducted NBI Clearance on Wheels. This 3-day activity which runs from September 29- October 1,2010 has served more than 700 applicants.

Through this, the process of applying or renewing for an NBI clearance was made easier and more convenient to Gentriseños and the people from its neighboring towns. Because of the proximity of the venue to the different barangays and orderly system imposed during the application process, applicants were able to cut the cost and time in securing the said clearance.

The NBI Clearance on Wheels in General Trias has been an annual activity of the municipality which started in 2006. This is part of the Local Government’s thrust to bring public service closer to the people.

General Trias, Cavite. The provincial government of Cavite gave General Trias P1 million as emergency shelter assistance for the victims of typhoon “Basyang”.

Governor Juanito Victor “Jonvic” Remulla announced that the donation will help assist General Trias in its rehabilitation efforts for the victims of calamity that hit Cavite recently.

Governor Remulla further said that the provincial government sympathizes with the victims and stands by ready to provide further rapid assistance should it be required.

According to the local MSWD, more than 1,900 houses in General Trias were damaged by the strong winds and heavy rains that occurred during the onslaught of Typhoon Basyang.

Furthermore, Remulla also donated P100,000 to the General Trias Municipal Employees Multi-Purpose Cooperative (GTMEMPCO) in support of its programs for the employees of the local government and another P300,000 donation to the Association of Barangay Captains.

He also vowed to extend P2-M assistance in response to the Senior Citizens Federation resolution requesting the Honorable Governor to construct a Senior Citizens Building in General Trias which will serve as the focal point of needs of the senior citizens in the municipality.

In return, Mayor Jon-Jon Ferrer expressed his gratitude for the overwhelming support extended by the Governor to the municipality through a plaque of appreciation.

CONTACT:

MS. JHEM M. FAUNI, Municipal Information Officer (09234543536; 0465091250)

General Trias, Cavite Mayor Luis “Jon-Jon” Ferrer IV (right) receives a plaque of merit from the Bureau of Jail Management and Penology represented by General Trias Municipal Jail Warden, J/SINSP Manuel T. Villas Jr. for his unwavering support and notable contributions to the Bureau during a simple rite held at the municipal hall recently.

CONTACT:

MS. JHEM M. FAUNI, Municipal Information Officer (09234543536; 0465091250)

May 1, 2010 – More than 500 Gentriseño honorees trooped to the General Trias Cultural/Convention Center for the annual Gawad Parangal. Already on its 51st year, the Gawad Parangal which is divided into four groups namely Gawad Mojica, Gawad Salgado, Gawad Vibora and Gawad Labong, aims to recognize the achievements of Gentriseños in the field of education.

The venue for the said event became filled with graduates coming from different schools from elementary to college, as well as those who passed the board/bar examinations with ranks. They all came either with their parents, relatives and friends who proudly showed their love and support for the honorees.

Reverend Father Oliver Leaño Genuino or Father Oly as he is fondly called was the guest speaker for this year. In his speech he asked the honorees to grab every opportunity, he also stressed that not all municipalities gives recognition to its constituents for their achievements, therefore he said, “You must continue to bring pride and honor to General Trias.” Father Oly finished his speech by singing “Kailangan Kita” much to the delight of the honorees and the audience.

This event would not have been possible without the support of our beloved mayor, Mayor Luis “Jon-Jon” A. Ferrer IV, Vice- Mayor Fernando “Totie” P. Campaña and the Sangguniang Bayan Members, as well as the collaborative efforts of the different departments.

May the Gawad Parangal serve as inspiration to its recipients as they continue in their journey to wherever their dreams may lead them.

March 19, 2010 – Officers from the Bids and Awards Committee of the City of Borongan, Eastern Samar came to visit the Municipality of General Trias to personally witness and observe the computerization of our key offices. At hand to welcome them was Mr. Romel D. Olimpo of the Investment Promotion Office. First on the list of their itinerary was a courtesy call to the Office of the Mayor, wherein they were warmly received by Chief of Staff Elpidio Aspuria. After a brief exchange of pleasantries, the group was handed a bagful of Gentri’s Best “pastillas de leche”, compliments of our beloved mayor, Mayor Luis A. Ferrer IV.

The group was then ushered to the Business Permit and Licensing Office (BPLO), Treasurer’s Office and the Assessor’s Office – these are the offices that have adopted the computerization project to help improve and expedite the services being given to our valued clientele. The department heads in the person of Mr. Dennise Columna, Ms. Cecile Tan and Ms. Nelda Moral took time out of their busy schedule to share their views and opinions on the ICT system.

The visit would not be complete without a short tour around the municipal hall, Mr. Olimpo proudly showed them the scale model of the Himlayang General Trias and General Trias Sports Park, two massive projects of the LGU. The group also toured the one and only resort campus in the Philippines, the Lyceum University of the Philippines. The visit was capped off at the newly opened General Trias Dairy Processing Center, where they enjoyed a glass of cold chocolate drink courtesy of the center.

The General Trias Dairy Processing Center found its new and modern home in Barangay Santiago. As further testament to the town’s continuing progress and as a symbol of the local government’s endless support to agricultural development specifically to carabao-based dairy enterprise, the Municipality of General Trias inaugurated the newly constructed General Trias Dairy Processing Center last March 5, 2010.

State-of-the-art Facility

The Dairy Processing Center is the first of its kind in the Province of Cavite and probably the whole CALABARZON Region, made possible through the collaboration of the Local Government of General Trias, General Trias Dairy Raisers Multi-Purpose Cooperative (GTDRMPC), Korea International Cooperation Agency (KOICA) and the Philippine Carabao Center (PCC) of the Department of Agriculture. This multi-million project is furnished with state of the art medium-scale equipment capable of processing 500 liters of raw milk per batch which can accommodate the increasing carabao’s milk production and collection of the town.

Gentri’s Best Milestone

Every great success has its small beginnings. The center started operating in 2005 in a kitchen-type processing center with one donated freezer and self acquired kitchen utensils as their equipments. It is being managed and operated by the coop members who regularly attend capacity building activities facilitated by its partner agencies such as the PCC at UPLB, Municipal Agriculture Office and the DTI-Cavite. From seven (7) dairy products, now it processes 21 dairy products and flavor-variants to include fresh milk, flavoured milk, white cheese, pastillas, yoghurt, milk-o-gel, ice candy and yema.

From General Trias Dairy Fresh Products, it is popularly known today as Gentri’s Best.

Inauguration Program

The blessing of the General Trias Dairy Processing Center was officiated by Rev. Fr. Ariel M. Lisama, Parish Priest of St. Vincent Ferrer Church. Succeeding the blessing rites were the ceremonial activities such as the unveiling of the marker and lighting of the Gentri’s Best signage to signal the formal opening of the new Dairy Processing Center.

This momentous event was graced by Mayor Jon-Jon Ferrer; Mr. In. Kim, Resident Representative of KOICA; ASEC Dennis Araullo of the Department of Agriculture; Dr. Libertado Cruz, Executive Director of PCC and Dr. Arnel del Barrio, Center Head of PCC at UPLB.

Culminating the program is the turn over of stewardship of the Dairy Processing Center to the cooperative.

The General Trias Dairy Processing Center is further aims to increase the income of farmers and dairy raisers and improve the nutritional status of the community towards better quality of life in General Trias and the rest of Cavite. This will be achieved through the continuous carabao-upgrading, utilization of appropriate technology and partnership among farmers and various stakeholders.

Teaching and Touching Lives, a transformative program that aims to instill in today’s youth a sense of pride and love in their cultural heritage through music and dance, was conceptualized by the Bayanihan Folk Arts Foundation,  in collaboration with the Ambassador Alfonso T. Yuchengco Foundation.

In their desire to share their craft to others, the Bayanihan artistic team, led by Ms. Suzie M. Benitez, artistic director Ms. Isabel Santos, dance director Mr. Ferdinand Jose, and music director Mr.  Melito Vale  Cruz went as far as Laguna, Marikina, Bohol and Ilocos Sur.  Now, it is the province of Cavite’s turn, particularly the municipalities of Noveleta and General Trias to benefit from Bayanihan’s  pursuit to further enhance in the minds of young people our rich customs and traditions.  The Bayanihan artistic team, from directors, musicians and dancers readily impart their knowledge to the young people who eagerly took on the challenge, after all it is not everyday that you get to learn from the best.

Last December 11, 2009, in a culminating activity that was held at the General Trias Convention/Cultural Center, the student participants from various public schools in General Trias and Noveleta were able to show what they have learned during their one-year workshop with the Bayanihan artists.  Tension gave way to excitement as the children watch their mentors perform on stage. The audience watched in awe as the Bayanihan performed “Kasilyo-Kasilyo” and “Kawayanan”, two dances created by Bayanihan as tribute to General Trias’ culture.  The much-loved “Sayaw sa Bangko” drew thunderous applause as well.  And when it was the student participants’ turn to perform, the Bayanihan artists have nothing but words of encouragement to say to their students.  Pride etched on their faces, just like a proud parent.  The student participants performed different folk dances, played instruments and sang to the delight of their audiences. In return, they were all given a well deserved round of applause. The show is not over, yet you could now hear a sigh of happiness backstage.  Another surprise came in the performance given by the chosen teachers of General Trias Memorial Elementary School and the Municipal Employees of General Trias and Noveleta respectively. Truly, it was one wonderful night to remember.

This activity has been a great achievement for our community in promoting our rich Filipino culture and tradition by means of music and dance.  This is one big proof that our heritage will live on in future generations as long as there are people who embrace what the past has to offer and share it to the youth of today.

All this would not have been possible if not for the support of  Ms. Suzie M. Benitez, Ms. Isabel Santos,  Mr. Ferdinand Jose, Mr.  Melito Vale  Cruz, Mayor Luis “Jon-Jon” A. Ferrer IV, Mayor Enrico Alvarez, the respective Sangguniang Bayan Members, our beloved Balikbayans of General Trias, our generous sponsors, parents, school principals, teachers and the hard-working employees of the two municipalities.

It was late in the evening when the show ended, and one by one the children starts heading home but you could see something different in their faces.  Now they exude confidence, an air of self-respect and discipline that was not there before. After a one-year workshop, the Bayanihan Artistic Team was able to accomplish their objective, that is – to teach and touch the lives of the youth from General Trias and Noveleta the best way they know how, thru music and dance.  The curtain closes and the lights dim, but the applause is deafening, for it is one that comes from the hearts of the children who shall be forever grateful for the time and knowledge that was unselfishly shared.

by Local Communications Group-Gen.Trias

Hunyo 20, 2012 – Pinasinayaan ni Mayor Luis “Jon-Jon” A. Ferrer IV, Cong. Antonio “Ony” A. Ferrer at Mrs. Felicidad Sy ng SM Foundation ang newly-renovated na General Trias Medicare Hospital sa Brgy. Pinagtipunan. Ang pagsasaayos ng nasabing ospital ay naisakatuparan sa kabutihang loob ng SM Foundation at ng SM Development Corporation (SMDC).

Sa talumpati ni Mayor Ferrer, sinabi niyang “buhay na buhay ang Public – Private Partnership sa bayan ng General Trias.” Patunay nga dito ang proyektong pinondohan ng SM Foundation na naglalayong itaas ang antas ng serbisyong medikal na ibinibigay ng nasabing pampublikong ospital. Ayon pa sa kinatawan ng SM Foundation, kanilang sisiguraduhing patuloy na magiging maayos at maganda ang pasilidad na ito.

Dumalo rin sa nasabing pagpapasinaya sina Board Member Maurito “Morit” Sison at iba pang miyembro ng Sangguniang Bayan, mga punong barangay, mga opisyal at kinatawan ng SM Foundation at SMDC at ang pamunuan at mga empleyado ng General Trias Medicare Hospital.

Malaking tulong sa mga mamamayan ng General Trias lalo na sa mga “indigents” ang pagkakaroon ng maayos na ospital na siyang tutugon sa kanilang pangangailangang medikal.

Ang proyektong ito ay isa pa lamang sa marami pang programang ipatutupad sa pamamagitan ng pagtutulungan ng Lokal na Pamahalaan at ng SM Foundation.

by Local Communications Group-Gen.Trias

Hunyo 7, 2012 — “Ang Kabataan ang Pag-asa ng Bayan” – Ang mga katagang ito na binitawan ni Dr. Jose Rizal ang pinanghawakan nina Mayor Luis A. Ferrer IV at Cong. Antonio A. Ferrer, nang kanilang pangunahan ang pagdaraos ng kauna-unang General Trias Youth Leaders Summit na ginanap sa Lyceum of the Philippines University – Cavite Campus na dinaluhan ng mahigit 500 kabataan mula sa ika-anim na distrito ng Cavite.

Sa ilalim ng temang “Kabataang Caviteño: Progresibo, Handa sa Hamon ng Pagbabago”, binigyang inspirasyon ang lahat ng mga kabataang dumalo ng mga piling panauhin na sina Senator Juan Miguel Zubiri, Mr. Edwin Maceda ng Office of the Vice President, Ms. Kara David ng GMA News, Rev.Father Carmelo Caluag of Magna Anima Education System, Ms. Pryncess Hyacinth Pernia ng Digitel Mobile Phils. (Sun Cellular) at Ms. Clarissa Matienzo ng Provincial Population Office.

Sa kanilang mga talumpati, ibinahagi nila ang mga kaisipang gagabay sa mga kabataan upang tumayo bilang isang mahusay na lider sa hinaharap at maging handa sa bawat hamon ng buhay. Tinalakay din nila ang mga katangiang dapat taglayin ng isang mahusay at mabuting pinuno at kung paano, sa kanilang murang edad, ay makatutulong na sila sa bayan. Ang mga impormasyon tungkol sa environmental protection, social networking, ethical leadership, public speaking at adolescence ay ibinahagi din sa mga dumalo.

Ang programang ito ay nailunsad kaagapay ang iba pang mga lingkod – bayan na sina Gov. Juanito Victor “Jonvic” Remulla Jr. at mga Sannguniang Bayan Members ng Gen. Trias katuwang ang Lyceum of the Philippines University-Cavite Campus, JCI General Trias-Katipunan, Sun Cellular at Gov. Luis Olimpo Ferrer Sr. Lodge. No.366 F and FM.

by Local Communications Group-Gen.Trias

Hunyo 8, 2011 — Ang taunang Kasalang Bayan ay muling ginanap sa Gen. Trias Cultural Convention Center sa ilalim ng pangangasiwa ng pamahalaang lokal ng Gen. Trias at Municipal Civil Registrar sa pangunguna ni G. Alfredo Villalobos kaagapay ang Tanggapan ng Punongbayan.

Sa taong ito 92 pares na mga magkasintahan at nagsasama nang hindi kasal ang dumalo upang gawing legal ang kanilang pagsasama. Sa kapangyarihang ipinagkaloob ng Republika ng Pilipinas sa mga lokal na punong bayan upang magbigay-bisa sa isang kasal, pinangunahan at pinagtibay ni Kgg. Luis A. Ferrer IV ang seremonya ng kasal.

Dumalo rin sa nasabing okasyon sina Congressman Antonio”Ony” Ferrer, Board Member Maurito Sison, Sangguniang Bayan Members at mga kapitan ng barangay.

Ang programang tulad nito ay naglalayong makatulong sa mga Gentriseñong nagnanais mag-avail ng mga serbisyo ng lokal na pamahalaan tulad ng civil registry ngunit kapos sa pinansyal na pangangailangan.