News

by the Local Communications Group-Gen. Trias

February 17, 2015 (General Trias, Cavite) – Ngayong buwan ng Pebrero ay ipinagdiriwang ang 24th National Arts Month, na naglalayong bigyang halaga ang natatanging kultura at sining ng ating bansa. Sa bayan ng General Trias malaki ang papel na ginagampanan ng sining, lalo na ang musika sa pangaraw-araw na buhay ng mga Gentriseño. Dito nagmula ang kilalang grupo ng musikero na tumugtog ng Lupang Hinirang noong i-proklama ang ating kalayaan noong 1898 sa bayan ng Kawit, ang Banda San Francisco de Malabon. Mula sa kanila ay umusbong ang iba’t-ibang talento at grupo na lalong nagpayaman at nagpatingkad sa kultura ng bayan.

Kamakailan lamang, isa sa ipinagmamalaking banda ng General Trias, ang Sta. Cecilia Band 89 ang muling nag-uwi ng karangalan sa bayan nang itanghal itong kampeon sa ginanap na Cetarmen o Serenata Competition sa Sta. Maria, Bulacan noong February 4, 2015. Sa pangunguna ng kanilang conductor na si Professor Frenvee Clarito Andra, inuwi rin nila ang tropeyo bilang Best in Uniform, 2nd Place-Group Majorette Performance at 3rd Place-Marching Band Competition. Dahil dito, kinilala ng Lokal na Pamahalaan ng General Trias sa pangunguna ni Mayor Antonio “Ony” A. Ferrer ang natatanging achievement na ito na nagsisilbing inspirasyon sa iba pang musikero ng General Trias.

Dumalo sa pagkilala na ginanap sa town plaza bilang kinatawan ni Mayor Ferrer si Ma. Melanie Balanag – Chief of Staff, Office of the Mayor, gayundin sila Vice Mayor Maurito “Morit” C. Sison at mga Miyembro ng Sangguniang Bayan. Nagpaunlak naman ng isang tugtugin ang Sta. Ceclia Band 89 bilang pasasalamat sa lokal na pamahalaan at sa mga taong patuloy na sumusuporta sa kanilang layunin.

Photo by: Grace Solis

by the Local Communications Group-Gen.Trias

February 9, 2015 (General Trias, Cavite) – Sinariwa ng mga Bayan ng General Trias at Libon sa Albay ang kanilang pagkakaibigan at mabuting ugnayan nang bumisita ang mga lokal na opisyal ng Libon sa pangunguna ni Mayor John Dycoco noong nakaraang Huwebes, February 5. Kasama ang ilang punong barangay at department heads, nagsadya sila Mayor Dycoco sa General Trias Dairy Processing Center sa Barangay Santiago upang pag-aralan ang industriya ng pag-gagatas at nang maisagawa rin ito sa kanilang bayan sa tulong ng Philippine Carabao Center (PCC). Ayon sa alkalde, layon nilang i-replicate ang dairy industry ng General Trias hindi lamang upang makapagbigay ng hanap buhay sa kanilang mga kababayan, kundi para matugunan ang hamon ng malnutrisyon.

Pinangunahan naman ni Municipal Administrator Hernando M. Granados at Konsehal Kerby J. Salazar – Chairman, Committee on Tourism ang welcoming committee na opisyal na tumanggap sa mga delegado sa tanggapan ng Lokal na Pamahalaan ng General Trias. Sa isang simpleng salo-salong ginanap sa Mayor’s Conference Room, ipinaabot ni Administrator Granados ang mensahe ng pasasalamat ni Mayor Antonio “Ony” A. Ferrer sa pagbisita nila Mayor Dycoco, lalo na’t ang Libon ay isang sister municipality ng General Trias. Ayon pa sa kanya, patuloy na susuporta si Mayor Ferrer sa mabuting layunin ng lokal na pamahalaan ng Libon na mabigyan ng magandang kinabukasan ang kanilang mamamayan.

Samantala, ipinaabot naman ni Konsehal Salazar ang pagbati at mensahe ng pagsuporta ni Vice Mayor Maurito “Morit” C. Sison at mga Sangguniang Bayan Members. Puno ng pasasalamat at galak ang pagtugon ni Mayor Dycoco na may kasamang paanyaya upang bumisita sa kanilang bayan. Umaasa rin siya na patuloy na magiging matatag at makabuluhan ang pagkakaibigan ng Bayan ng General Trias at Libon.

Photo by: Grace Solis 

by the Local Communications Group-Gen.Trias

January 27, 2015 (General Trias, Cavite) – Dalawamput-dalawang subdivisions sa bayan ng General Trias ang nabiyayaan ng closed circuit television cameras o CCTV mula kay Gov. Jonvic Remulla sa ginanap na turn-over ceremonies sa liwasang bayan nitong nakaraang Lunes. Ito’y bahagi ng kanyang layuning mapanatili ang kapayapaan at kaayusan sa lalawigan. Ang mga nasabing CCTV ay malaking tulong sa mga opisyal ng homeowners associations at lokal na awtoriadad upang ma-monitor ang mga lugar na kanilang nasasakupan.

Dumalo sa nasabing turn-over ang 22 Homeowners Federation Presidents ng General Trias East Sector at mga punong barangay. Sinaksihan naman ito nila Cong. Luis “Jon-Jon” Ferrer IV, Mayor Antonio “Ony” Ferrer, Vice Mayor Maurito “Morit” Sison, mga Sangguniang Bayan Members at mga kawani ng lokal na pamahalaan.

Sa kanyang mensahe, nagpasalamat si Gov. Remulla sa mainit na pagtanggap sa kanya ng mamamayan ng General Trias. Nangako rin ito na patuloy sa susuportahan ang mga programa at magagandang adhikain ng magkapati na Ferrer.

Photo by: Dennis Abrina

by the Local Communications Group-Gen.Trias

January 26, 2015 (General Trias, Cavite) – Ang pagkakaroon ng isang maayos na pangangatawan at kalusugan ng bawat Gentriseño ang isang pangunahing tinututukan ng pansin ng lokal na pamahalaan ng General Trias. Nasa frontline ng kampanyang pangkalusugang ito ang mga Barangay Health Workers (BHW) at Barangay Nutrition Scholars (BNS), na araw-araw sumusuong sa hamon upang magbigay ng serbisyong medikal at nurtisiyon sa kani-kanilang barangay. Kaya naman napakahalaga na mabigyan ang mga health workers ng sapat na kaalaman at kagamitan upang maganpanan nila ng maayos ang kanilang tungkulin sa kanilang mga kababayan.

At nito ngang nakaraang January 23, 2015, pinangunahan ni Mayor Antonio “Ony” Ferrer ang pamamahagi ng blood pressure apparatus sa mahigit 200 BHW, at weighing scale sa mahigit 40 BNS sa ginanap na 1st Quarter General Assemby ng General Trias Health Group sa Barangay Pinagtipunan. Sa kanyang mensahe, pinasalamatan at kinilala ni Mayor Ferrer ang mga health workers sa kanilang dedikasyong tugunan ang pangangailangang medikal ng mga Gentriseño. Dagdag pa niya, isa lamang ito sa marami pang programang kanyang ipapatupad sa sektor ng kalusugan.

Dumalo rin at nagbigay ng mensahe ng pagsuporta sina Cong. Luis “Jon-Jon” Ferrer IV, Coun. Kerby J. Salazar- Chairman, Committee on Health and Sanitation, at Coun. Jonas Glynn P. Labuguen.

Noong nakaraang December 11, 2014, kinilala ng Provincial Health Office ang bayan ng General Trias dahil sa magandang performance nito sa iba’t-ibang inisyatibong pangkalusugan.

Photo by: Carlo Sarinas

by the Local Communications Group-Gen.Trias

December 16, 2014 (General Trias, Cavite)- Sari-saring aktibidad ang naghatid ng saya at lalong nagpasigla ng pagdiriwang nga Kapaskuhan sa Bayan ng General Trias noong nakaraang buwan. Tulad ng nakagawian, inalalang muli ang Anibersaryo ng pagkakatatag ng Bayan kasabay ang Valenciana Festival na isa sa mga ipinagmamalaking putahe ng mga Gentriseño.

Bilang pasimula, nagkaroon ng Giant Parol Making Contest noong ika-11 ng Disyembre sa town plaza na nilahukan ng 30 Chapters ng Nagkakaisang Kababaihan ng Gen. Trias na gumamit ng iba’t ibang recyclable materials. Tinanghal na panalo ang parol na yari sa balat ng tahong mula sa mga Kabatak ng Barangay Tejero (3rd Place), parol na yari sa mga disposable spoons na mula sa mga Kakabaihan ng Kalinga of San Juan I (2nd Place), at ang parol na yari sa balat ng itlog na obra ng mga Women on Work (WOW) ng Barangay PasCam I (1st Place).

Tinagurian namang A Special Day for Special People ang ika-12 ng Disyembre, kung kailan ipinagdiwang ni Congressman Jon-Jon Ferrer ang kanyang kaarawan sa General Trias Cultural and Convention Center, kasama ang ilang children with special needs. Bukod sa paglalaan ng panahon upang maka-bonding ang mga bata sa isang salu-salo, nagbahagi din si Cong. Jon-Jon Ferrer, gayundin si Mayor Ony Ferrer ng mga munting handog para sa kanila.

Ginanap din ang ika-apat na Valenciana Festival kung saan itinampok ang iba’t ibang version ng Valenciana ng ating mga kababayan. Nagpaligsahan ang mga barangay sa pagluluto ng espesyal na arroz valenciana at itinanghal na pinakamasarap at malinamnam ang recipe ng mga taga Barangay Vibora (1st Place), Barangay San Juan II (2nd Place) at Barangay Sta. Clara (3rd place). Personal na pinasinayaan ni Mayor Ony Ferrer, ng kanyang may-bahay na si Mrs. Anne Ferrer, Vice Mayor Morit Sison at mga Sangguniang Bayan Members ang nasabing culinary exhibition na ginanap sa town plaza.

Hindi kumpleto ang pagdiriwang kung walang indakan sa lansangan. Pahusayan naman sa street dancing ang partisipasyon ng iba’t ibang eskwelahan kung saan nagpakitang-gilas ang mga mag-aaral sa kanilang pagparada sa poblacion. Hinirang na Best in Parade ang Santiago National High School, samantalang itinanghal namang Champion sa husay ang Centennial Academy of the Blessed Trinity. Nagwagi ding 1st Placer ang Fiat Lux Academe at 2nd Placer naman ang Samuel Christian College. Sinundan ang kompetisyon ng nakakamanghang fireworks display na inihanda ng lokal na pamahalaan kung saan sama-samang nag-enjoy sa panonood ang mga nakiisa at nakilahok sa selebrasyon.

Bilang pagtatapos sa week-long celebration, nag-aalay ng mga bulaklak sa bantayog ni General Mariano Closas Trias noong December 13, 2014, araw ng pagkakatatag ng bayan, ang mga lokal na opisyal sa pangunguna ni Mayor Ony Ferrer, Vice Mayor Morit Sison at mga Sangguniang Bayan Members. Nagbigay pugay din sa bayani at unang bise-presidente ng ating bansa ang Liga ng mga Punong Barangay at mga kawani ng lokal na pamahalaan.

A feast for the senses, ‘ika nga. Ang makulay, masarap, nakakaindak at makabuluhang pagdiriwang na ito sa huling buwan ng taon ay siguradong naghatid ng saya at inspirasyon para sa ating mga kababayan at mas nagpasaya ng Kapaskuhan at pagsalubong sa panibagong taon.

by the Local Communications Group-Gen.Trias

December 29, 2014 (General Trias, Cavite). -  Inanunsyo kamakailan ni Municipal Mayor Antonio A. Ferrer na ang Purefoods-Hormel Company, Incorporated, ang pinakamalaking manufacturer ng processed meats sa bansa, ay nagpaplano palawakin ang kanilang pasilidad sa Barangay San Francisco.  Ayon sa kumpanya, tinatayang nasa Walong Bilyong Piso (Php8 Billion) ang halaga na kanilang ipupuhunan para sa nasabing proyekto na sisimulan sa darating na2015.  Inaasahan ding makakapagbukas ito ng karagdangang 3000 bagong trabaho para sa mga mamamayan.

“Ang Bayan ng General Trias ay bukas para sa proyektong ito ng Purefoods Hormel Company,” ani Mayor Antonio Ferrer, “Nagpapatunay lamang po ito na tayo ay may sapat nang kakayahan upang tugunan at suportahan ang ating mga lokal na industriya para patuloy silang lumago at umangat.”  Ang planong itong Purefoods-Hormel Company, Incorporated ay lubos na naakma at makakatulong sa layunin ng Pamahalaang Bayan ng GeneralTrias na isulong ang industrialisasyon at urban development.

by the Local Communications Group-Gen.Trias

December 15, 2014 (General Trias, Cavite) – “Ang Kabataan ang Pag-asa ng ating Bayan.” Yan ang mga katagang sinambit ng ating pambansang bayani na si Dr. Jose P. Rizal na nagsisilbing hamon sa mga kabataan at paalala naman sa mga lider ng ating bansa na bigyang halaga ang sector na ito. Kaya naman nakapaloob sa Republic Act 7160 o kilala bilang Local Government Code of 1991 ang pagdiriwang taun-taon ng Linggo ng Kabataan kung saan maghahalal ang mga kabataan ng mga youth counterparts ng local government officials.

At nitong December 15, ipinakilala sa flag raising ceremony ang mga nahalal na youth officials na pansamantalang manunungkulan upang magkaroon sila ng karanasang mamuno at hubugin sila bilang future leaders ng ating bayan. Nahalal bilang Little Mayor si Neil Vincent Guyamin mula sa Centennial Academy of the Blessed Trinity, samantalang si Allysa Kassandra Luces ng Samuel Christian College naman ang hinalal na Little Vice Mayor at si Carrina Claryse Zapico ng Colegio de San Francisco ang naging Little Congressman sa taong ito. May kanya-kanya rin namang little youth counterparts ang mga Sangguniang Bayan Members at department heads.

Sa mensahe ni Mayor Antonio “Ony” A. Ferrer, hinikayat niya ang mga opisyal at kawani ng local na pamahalaan na maging magandang halimbawa sa mga kabataan. Dagdag pa niya, ang pagdiriwang na ito’y isang magandang oportunidad upang maipakita sa mga little youth officials ang mga ginagampanang tungkulin ng mga lingkod ng bayan.

Dumalo rin sa nasabing programa sina Cong. Luis “Jon-Jon” A. Ferrer, Vice Mayor Maurito “Morit” C. Sison, mga kagawad ng Sangguniang Bayan, mga department heads, division chiefs at mga kawani ng local na pamahalaan ng General Trias, Cavite.

by the Local Communications Group-Gen.Trias

December 10, 2014 (General Trias, Cavite) – Sampung indibidwal mula sa bayan ng General Trias ang napiling mapabilang sa proyektong pangkabuhayan ng Technical Education and Skills Development Authority (TESDA), Ginebra San Miguel at San Miguel Foundation,na inilunsad sa audio-visual room ng munisipiyo ng nasabing bayan.

Ang mapapalad na beneficiaries ay nakatakdang magtapos ng kursong bartending sa General Trias MSWD Training and Productivity Center at mabibigyan pa ng karagdagang kaalaman sa pamamagitan ng nasabing programa. Pagkakalooban din sila ng San Miguel Foundation ng initial set ng bartender’s uniform at isang mobile bar, na magagamit nila upang kumita at matutong magpalakad ng sarili nilang negosyo.

Ipinahatid naman ni Mayor Antonio “Ony” A. Ferrer ang kanyang lubos na pasasalamat sa TESDA at San Miguel Foundation sa pamamagitan ng kanyang kinatawan na si Mr. Romel D. Olimpo – OIC, Economic Enterprise and Investment Promotions Office. Sa mensaheng ipinaabot ng alkalde, pinuri nito ang pagtutulungan ng pribadong sektor at gobyerno, sa pagbibigay ng magandang oportunidad sa mamamayan. Nangako rin siya ng kanyang suporta sa mga proyektong magbibigay ng kabuhayan at kaunlaran sa mga Gentriseño.

Sa mensahe naman ni Ms. Rebecca Generoso – Municipal Social Welfare and Development Officer, hinimok niya ang mga beneficiaries na pag-ingatan at pagyamanin ang biyayang kaloob ng TESDA at San Miguel upang maging matagumpay ang nasabing proyekto. Pinasalamatan naman ni Provincial Director Leticia Ogbac ng TESDA Cavite ang local na pamahalaan sa patuloy nitong pagsuporta sa technical and vocational education at iba pang programa ng nasabing ahensiya. Nagpaabot din ng kanyang pasasalamat si Ms. Nadia Abcede – Business Affairs and Communications Manager ng Ginebra San Miguel, Inc.sa local na pamahalaan, particular sa pag-host nito ng project launching. Inihayag pa niya na isa lamang ito sa mga programang pang-komunidad na isasagawa ng San Miguel sa General Trias.

Dumalo rin sa nasabing okasyon sina Executive Director Martha Hernadez ng TESDA, ROD Chief Ava Heidi Dela Torre ng TESDA IV-A, Rona Mei Tanchico – Program Associate ng San Miguel Foundation at mga mag-aaral at trainors ng MSWD Training and Productivity Center sa pangunguna ng person in-charge na si Ms. Imelda Bulanhagui.

by the Local Communications Group-Gen. Trias

December 1, 2014 (General Trias, Cavite) – Bilang pakikiisa ng Bayan ng General Trias sa 18-day Campaign to End Violence Against Women (VAW), nagsagawa ng pagsasanay sa self-defense at women’s rights ang Lokal na Pamahalaan sa pakikipagtulungan ng General Trias Municipal Police Station. Mahigit 100 na kababaihan na miyembro ng Nagkakaisang Kababaihan ng General Trias at mga Barangay Women and Children’s Desk Officers,ang dumalo sa nasabing training na ginanap noong November 25, 4PM sa town plaza. Pinangunahan nila PO1 Jovel Espiritu at PO1 Marlene Tejada ang pagtuturo ng arnis at basic hand combat na magagamit ng mga kababaihan sa emergency situations. Pinaalala naman ni SPO2 Charry Atas sa mga nagsidalo ang kanilang karapatan sa ilalim ng batas bilang mga babae. Hinimok din niya ang mga ito na ireport sa pulisya o kaya sa barangay ang mga insidente ng pang-aabuso.

Patuloy naman ang binibigay na suporta ni Mayor Antonio “Ony” A. Ferrer sa sektor ng kababaihan sa General Trias. Bukod sa mga programang magsisiguro at magtatanggol sa kanilang karapatan, nagpapatupad din si Mayor Ferrer ng mga proyektong magbibigay ng pangkabuhayan at mangangalaga sa kalusugan ng ating mga kababaihan.

Ang 18-day Campaign to End VAW at nagsimula noong ding November 25 at magtatapos sa December 10 ng taong ito. Ito’y may temang “End VAW Now! It’s Our Duty!”

Photographer: Grace S. Solis

by the Local Communications Group-Gen. Trias

December 1, 2014 (General Trias, Cavite) – “Usok Mo, Banta sa Kalusugan Ko”, yan ang tema ngayong taon nang ipinagdiwang ng Lokal na Pamahalaan ng General Trias ang Clean Air Month, kung saan nag kaisa ang mga lokal na opisyal at mga ordinaryong mamamayan na isulong ang isang mas malinis at malusog na komunidad. Sa kick off na ginanap sa town plaza noong November 24, binigyang diin ni Dr. Renato Escurel – Municipal Environment and Natural Resources Officer ang kahalagahan ng pagpapanatili ng kalinisan ng ating kapaligiran at paghinto sa mga gawaing nagiging sanhi ng air pollution. Dagdag pa niya, noong araw ay hindi natin inakalang darating ang panahon na ang malinis na tubig ay kailangan nating bilihin, kaya’t hinimok niya ang lahat na kumilos upang hindi umabot sa puntong pati ang malinis na hangin ay may katumbas na ring halaga.

Hindi lamang polusyon ang focus ng kampanyang ito, kundi pati na rin ang pagbabawal sa paninigarilyo sa mga pampublikong gusali,na nagdudulot rin ng health risk sa mga nakakalanghap ng usok o secondhand smokers. Dahil rito’y pinangunahan ni Mayor Antonio “Ony” A. Ferrer ang unveiling ng No Smoking signage sa munisipiyo kasama si Vice Mayor Maurito “Morit” C. Sison at mga miyembro ng Sangguniang Bayan.Sa kanyang mensahe, ipinaaabot niya ang kanyang pagsuporta sa mga environmental protection programs ng MENRO, at ipinangakong maglalabas ng Executive Order na nagbabawal sa paninigarilyo sa mga pasilidad ng lokal na pamahalaan.Pinasalamatan din ni Mayor Ferrer ang mga kawani ng MENRO at ang mga miyembro ng Task Force Bantay Kalikasan ng General Trias, dahil sa kanilang dedikasyon sa tungkulin na mapanatiling malinis ang kapaligiran.

by the Local Communications Group-Gen. Trias

October 29, 2014 (General Trias, Cavite) – Puno ng kantahan, sayawan at papremiyo  ang naging selebrasyon ng Elderly Week sa General Trias na ginanap noong October 28, 2014 sa General Trias Cultural and Convention Center. Ang tema sa taong ito ay “Ang Nakakatanda ay Yaman, Katuwang sa Pag-Unlad ng Bayan, Pangalagaan Kanilang Kapakanan.” Dumalo sa nasabing pagdiriwang ang may 1,000 miyembro ng Federation of Senior Citizens Association of General Trias, kasama ang kani-kanilang chapter presidents sa pangunguna ni Federation President  Mrs. Purisima Olimpo Arcega at mga opisyal ng Lokal na Pamahalaan.

Lalong naging makabuluhan ang okasyon nang dumalo at nag-bigay ng lecture tungkol sa mga karapatan ng senior citizens ang batikang election lawyer na si Atty. Romulo Macalintal nakilala rin na tagapagsulong ng karapatan ng mga nakakatanda. Binigyang diin ni Atty. Macalintal ang kaibahan ng kulturang Filipino kung saan binibigyang halaga at pag-aaruga ang mga lolo at lola ng kanilang pamilya.

Sa kanyang mensahe, pinasalamatan naman ni Mayor Antonio “Ony” A. Ferrer ang mga senior citizens dahil sa kanilang kontribusyon sa lipunan at sa suportang patuloy nilang ibinibigay sa kanyang pamamahala. Hinikayat niya rin ang mga ito na palaging maging masaya at may positibong pananaw.

Ayon naman kay Cong. Luis “Jon-Jon” A. Ferrer IV na nagbigay din ng mensahe sa nasabing okasyon, hindi matatawaran ang sakripisyo ng mga nakakatanda upang maging maayos ang buhay ng kanilang pamilya. Dagdag pa niya, bilang mga anak, hindi natin mapapalitan ang ating mga lolo at lola na tinuturing din nating mga magulang.

Personal din na nagbigay ng kanilang suporta sa pagdiriwang si Vice Mayor Maurito “Morit” C. Sison, mga Sangguniang Bayan Members, si Municipal Administrator Hernando M. Granados at si MSWD Head Rebecca Generoso.

by the Local Communications Group-Gen. Trias

October 28, 2014 (General Trias, Cavite) – Mahigit 700 na college students ang tumanggap ng tulong pinansyal mula kay Mayor Antonio “Ony” A. Ferrer sa distribution na isinagawa nitong Martes, October 28, 2014 sa General Trias Sports Complex, Brgy. San Juan I. Katuwang ang mga kawani ng Office of the Mayor, ang kanyang may-bahay na si Mrs. Anne A. Ferrer at anak na si Therese A. Ferrer, personal na inabot ni Mayor Ony ang educational assistance na nagkakahalaga ng P3,000 sa mga mag-aaral.

Sa kanyang mensahe, sinabi ng alkalde na ang tulong na ito’y para sa 1^st semester lamang, at may matatanggap pa ang mga beneficiary students para sa kanilang gastusin sa 2^nd semester. Hinikayat niya rin ang mga scholars na pagbutihin ang kanilang pag-aaral nang sa gayon ay makatulong sa kanilang pamilya at maging sa komunidad.

Ang edukasyon ang isa sa pangunahing pinagtutuunan ng pansin ng administrasyon ni Mayor Ony. Bukod sa educational assistance, may scholarship grant din na ibinibigay ang alkalde sa pakikipagtulungan ng Lyceum of the Philippines University – Cavite, AMA Computer University, National College of Science and Technology at Datacom Institute of Computer Technology.

Photographer: Grace Solis

by the Local Communications Group-Gen. Trias

October 27, 2014 (General Trias, Cavite) –Isang magandang regalo ang tinanggap ni Dr. Edna A. Bayot, DepEd District I Supervisor sa pagdiriwang ng kanyang kaarawan nitong Lunes, October 27, 2014, nang pasinayaan nila Cong. Luis “Jon-Jon” A. Ferrer IV at Mayor Antonio “Ony” A. Ferrer ang bagong tayong Administration Building ng District I sa General Trias Elementary School sa Barangay San Juan I. Ang nasabing proyekto ay bunga ng public-private partnership sa pagitan ng Lokal na Pamahalaan at ng Antel Holdings (General Trias) Inc.

Dumalo rin sa nasabing inauguration at blessing sina Vice Mayor Maurito “Morit” C. Sison, mga Sangguniang Bayan Members, mga punongguro ng iba’t-ibang public elementary school ng District I at ang President ng Antel Holdings na si Mrs. Felicitas Ong.

Sa kanyang mensahe, pinasalamatan ni Mayor Onysi Mrs. Ong at ang Antel Holdings sa kanilang patuloy na suporta ng ibinibigay sa Lokal na Pamahalaan, sa mga Gentriseño at sa sektor ng edukasyon. Ito ang pangatlong school facility na itinayo ng nasabing kompanya sa bayan ng General Trias. Nangako naman si Cong. Jon-Jon Ferrer na patuloy siyang magiging kaagapay sa pagpapabuti ng antas ng edukasyon sa General Trias at sa buong distrito. Kinilala rin niya ang tulong at pakikiisa ng pribadong sector sa layuning ito.

Ang blessing ay pinangunahan ni Rev. Fr. Reuel Castañeda ng Our Lady of Guadalupe Parish, Brgy. Javalera.

by the Local Communications Group-Gen.Trias

October 27, 2014 (General Trias, Cavite) – Pinangunahan nila Cong. Luis “Jon-Jon” A. Ferrer IV at Mayor Antonio “Ony” A. Ferrer ang pagpapasinaya at blessing ng covered court sa Barangay Buenavista III ng bayang ito na ginanap nitong Lunes, October 27, 2014. Naisakatuparan ang nasabing proyekto sa pamamagitan ni Cong. Ferrer, sa pakikipagtulungan ng Lokal na Pamahalaan at barangay. Layunin ng proyekto na magkaroon ng lugar ang mga mamamayan ng Buenavista III at mga mag-aaral ng katabing Buenavista Elementary School kung saan pwede nilang isagawa ang kanilang mga sports activities at iba pang okasyong pam-barangay.

Sa kanyang mensahe, binalita ni Cong. Ferrer na isa lamang ito sa ilan pang covered courts na itatayo sa bayan ng General Trias. Dagdag pa niya, nagging possible ang proyekto dahil sa pagtutulungan ng iba’t-ibang sangay ng pamahalaan at ng mamamayan. Pinasalamatan naman ni Mayor Ony si Cong. Ferrer sa patuloy na suportang binibigay nito sa mga Gentriseño. Aniya, umaasa siyang dahil sa bagong covered court ay may sisibol na mahusay na basketball player na magbibigay karangalan sa ating bayan.

Dumalo rin upang magbigay ng kanilang suporta sina Vice Mayor Maurito “Morit” C. Sison, mga Sangguniang Bayan Members, Brgy.Chairman Jacinto P. Grepo at mga Brgy. Council at Ms. Analin Porto kasama ang ilang guro ng Buenavista Elementary School. Pinangunahan naman ni Ptr.Nelson Feranil ang dedication at blessing ng nasabing covered court.

by the Local Communications Group-Gen.Trias

October 20, 2014 (General Trias, Cavite) – Napili ng Technical Education and Skills Development Authority (TESDA) – Region IV-Aanglalawigan ng Cavite bilang host ng 2^nd CALABARZON Dual Training System (DTS) Congress. Ito’yginanap noong October 17, 2014 sa General Trias Cultural and Convention Center, General Trias, Cavite. Dinaluhan ito ng mga  Technical and Vocational Institutions (TVIs), mga pribadong kompanya at mga opisyal ng TESDA mula sa iba’t-ibang panig ng rehiyon.

Sa nasabing pagtitipon, binigyang diin ang halaga ng DTS sa pagtugon sa unemployment at job mismatch sa ating bansa. Sa ilalim kasi ng nasabing programa, nagtutulungan ang mga TVIs at mga pribadong kompanya sa pagbibigay ng technical and skills training sa mga indibidwal na nagnanais kumuha ng 2-year vocational courses. Ang mga estudyante ay sumasailalim sa 40% training ng mga TVIs at 60% na practical training samga partner companies. Sa ganitong paraan, nagkakaroon ng job skills ang mga nagsasanay gamit ang mga makabagong kagamitan ng mga kompanya. Natututo rin sila ng mga good work habits na kinakailangan nila kapag na-empleyo. Ang isa pang magandang benepisyo ng DTS ay ang sweldong tinatangap ng mga trainees mula sa mga partner companies.

At upang hikayatin ang mga training institutions at mga pribadong kompanya na mag-implement ng DTS, tinalakay din sa congress ang mga tax incentives na binibigay ng gobyerno para lalong lumaganap ang proyektong ito at mas marami itong matulungang mga kababayan nating nangangailangan ng kabuhayan.

Dumalo sa okasyong ito bilang mga panauhing pandangal sina Regional Director Luisita S. Dela Cruz ng TESDA Calabarzon, Provincial Director Leticia Ogbac ng TESDA Cavite, mga Regional Directors ng Batangas, Laguna, Rizal at Quezon, NCST President Mr. Emerson Atanacio at si Municipal Administrator Hernando M. Granados na siyang kinatawan nila Cong. Luis “Jon-Jon” A. Ferrer IV at Mayor Antonio “Ony” A. Ferrer na parehong masugid na taga-suporta ng TESDA.

by the Local Communications Group-Gen.Trias

October 10, 2014 (General Trias, Cavite) –Bilang pakikiisa sa selebrasyon ng ika-114 na anibersaryo ng Civil Service Commission at Civil Service Month noong September, nag-handog ng libreng medical examination at check-up si Mayor Antonio “Ony” Ferrer sa mga kawani ng Lokal na Pamahalaan ng General Trias. Kabilang sa mga pag-susuring maaaring i-avail ay ang fasting blood sugar, total cholesterol, blood uric acid, serum creatinine, complete blood count, routine urinalysis, at ECG.May 422 na empleyado ang nabiyayaan ng nasabing proyekto na isinagawa sa Audio-Visual Room ng munisipiyo noong September 18, 19, 23 at 24, at noong October 8 at 9.

Ayon kay Mayor Ony Ferrer, nararapat lamang na masiguro at mapanatiling maayos ang kasulugan ng mga kawani ng gobyerno upang patuloy nilang magampanan ang kanilang tungkulin sa bayan. Dagdag pa niya, ang hakbang na ito’y isang paraan ng pagkilala at pagpapahalaga sa kabayanihan at kontribusyon sa lipunan ng ating mga civil servants.

by the Local Communications Group-Gen. Trias

October 6, 2014 (General Trias, Cavite) – Napuno ng makabuluhang mga aktibidad ang pagdiriwang ng taunang pista ng bayan sa General Trias. Sa temang“Ngiti ng mga lay kong pumapasan sa Krus ni Kristo,”naging layunin ng selebrasyon na makapaghatid ng ligaya sa mga mananampalatayang Gentriseño at mas pagtibayin ang pagkakaisa sa pamayanan.

Sinimulan ang pagdiriwang sa pagbubukas ng Fiesta Baratillo noong August 15, kung saan nakakapamili ng iba’t ibang gamit at mga damit sa murang halaga.  Dahil ang panahon ng Kapaskuhan para sa atin ay nag-uumpisa tuwing“-Ber Months,” naging patok ang baratillo para sa mga mamimiling nagkaroon ng maagang Christmas shopping.

At dahil ito’y kapistahan ni San Francisco de Asis o “Tata Kiko”, nakilala bilang patron ng mga hayop at ng kapaligiran, idinaos din ang taunang Pabialahay o Pabinyag sa mga Alagang Hayop noong September 27,sa town plaza.  Kasabay nito ay nagbigay din ng libreng anti-rabies vaccine ang Municipal Agriculture Office sa lahat ng mga aso at pusa na pinabinyagan sa araw na iyon.

Matapos ang Pabialahay ay binuksan naman ang General Trias Champion Basketball League Eliminations sa General Trias Sports Complex, kalahok ang 16 na koponan mula sa iba’t ibang bayan.  Itinuloy ang eliminations kinabukasan na sinundan naman ng entertainment na hatid ng Live Bands naWise Track at Kerplunk. Ginanap ang finals ng liga noong October 1,kung saan itinanghal na kampeonangTeam Noveleta.  Sila ay ginawaran ng Php 20,000 at Perpetual Trophy.Kabilang din sa mga nanalong koponan ang Team Gentri 1, MV Santiago at Team Gentri A. 

Parte din ng kapistahan ang Costume Parade na isang environmental awareness campaign. Inorganisa ito ng Nagkakaisang Kababaihan ng General Trias at nagtanghal ng iba’t ibang mga kasuotang gawa sa mga recycled materials.  Mula sa 35 na grupong lumahok, nahirang na panalo ang mga Barangay ng Pasong Kawayan II – kinatawan ni Frizza Oseo na nagkamit ng Unang Gantimpala; Barangay Santiago – kinatawan ni Shiela Mangubat na nagkamit ng ikawalang gantimpala; at Barangay San Franciso – kinatwan ni Sherry Ann Ignacio na nagkamit ng ikatlong gantimpala. Ginawaran ang mga nagwagi ng cash prize, trophy at sash.

Hindi naman mawawala ang tradisyunal na Karakol na ginanap noong October 2, bilang pasasalamat sa mga biyayang natanggap ng mga deboto ni Tata Kiko.  Nakisaya ang mga opisyal at kawani ng Pamahalaang Bayan sa pangunguna ni Mayor Antonio “Ony” A. Ferrer, Cong. Luis “Jon-Jon” A. Ferrer IV, Vice Mayor Maurito “Morit” C. Sison,mga Sangguniang Bayan Members, gayundin ang Nagkakaisang Kababaihan ng General Trias, mga opisyal at kawani ng iba’t ibang barangay, samahan ng mga Senior Citizens, mga guro at mag-aaral mula sa iba’t ibang paaralan, at iba pang mga organisasyon sa komunidad tulad ng Cavite Varsitarian at Joggers Club.

Upang ipakita naman ang natatanging galing sa musika ng mga Caviteño, nagtagisan sa pagtugtog ang iba’t-ibang banda mula sa iba’t-ibang dako ng probinsya sa Grand Pasayo o marching band competition na ginanap sa town plaza noong October 3.  Sa taong ito, 11 Marching Bands ang nagtagisan ng husay at kumatawan sa mga Barangay ng Bagumbayan (Sta. Cecilia Band), Prinza (Banda Kabataan 77), Governor Ferrer (Sta. Veronica Band), Dulong Bayan (San Lorenzo Ruiz Band), 1896^th (Banda Matanda), Arnaldo (St. Agustine Band), Corregidor (St. Francis Band), San Gabriel (El Governador Band), Sampalucan (Banda Kabataan), Sta. Clara (Banda Maliksi Uno), at Vibora (Community Wind Ensembles Band).  Nangibabaw sa Parade and Exhibition ang El Governador Band mula sa Bayan ng Bacoor na kumatawan sa Barangay San Gabriel na ginawaran ng isang bagong Bombo.

Bilang grand finale, nagkaroon ng Town Fiesta Concert na inihandog ni Congressman Jon-Jon Ferrer at engrandeng fireworks display noong October 4, o ang mismong araw ng Kapistahan.  Hitik sa kultura at kasiyahan, muling naidaos nang maluwalhati ang pasasalamat at pagpupugay ngayong taon para kay Tata Kiko.

by the Local Communication Group-Gen.Trias

October 3, 2014 (General Trias, Cavite) – Mahigit 1,500 job seekers angnagtungosa Land a Job Fast recruitment project nila Cong. Luis “Jon-Jon” A. Ferrer IV at Mayor Antonio “Ony” A. Ferrer, na ginanap noong September 30, 2014 sa parking area ng WalterMart – General Trias sa Barangay Manggahan. May 35 local companies at 5 overseas recruitment agencies ang nakiisa upang makapagbigay ng trabaho at magandang oportunidad sa mga Caviteño mula sa 6^th District. Bukod sa trabaho, nag-offer din ng training opportunities sa Information Technology at livelihood ang Cavite Computer Center, General Trias MSWD Training and Productivity Center at National College of Science and Technology, kung saan 71 katao ang nag-avail ng kanilang serbisyo. Dagdag pa rito ang iba’t-ibang government services hatid ng PhilHealth, NSO, Pag-Ibig Fund, SSS, Municipal Treasurer’s Office at Barangay.

Sa kabuuang bilang ng mga aplikante, may 355 ang hired on the spot o natanggap agad sa trabaho. Kasalukuyan silang sumasailalim sa orientation at nagko-comply sa mga pre-employment requirements ng kani-kanilang employers.

Ayon naman sa magkapatid na Ferrer, layunin nilang bigyan ng magandang kinabukasan ang kanilang mga kababayan, gayundin ang ilapit ang serbisyo ng pamahalaan sa komunidad. Nagpapasalamat din sila sa patuloy na suportang ibinibigay ng mga pribadong kompanya upang lalong mapaunlad ang ating pamayanan. Ang nasabing job fair ay naisakatuparan sa tulong ng WalterMart – General Trias at Globe Telecom.

by the Local Communications Group-Gen.Trias

October 1, 2014 (General Trias, Cavite) – Isa ang General Trias sa tinuturing na pinaka-maunlad na bayan at sentro ng komersiyo at investments sa Lalawigan ng Cavite. Dahil dito, patuloy na nagsisikap ang lokal na pamahalaan sa pangunguna ni Mayor Antonio “Ony” A. Ferrer upang lalong maging business friendly at makahikayat ng mga bagong mamumuhunan. Kamakailan lamang ay kinilala ng National Competitiveness Council (NCC) ang General Trias bilang Top 2 Overall Most Competitive Municipality in the Philippines. Pumangalawa rin ito sa Economic Dynamism at pang-pito naman sa Infrastructure Support Facilities. Ang mga nabanggit ay resulta ng 2014 Cities and Municipalities Competitiveness Index na isinagawa ng NCC.

At dahil sa karangalang ibinigay ng General Trias sa rehiyon, ginawaran ito ng pagkilala ng Regional Development Council (RDC) – CALABARZON sa nakaraang 3^rd Quarter RDC Full Council Meeting na ginanap noong September 25, 2014 sa TESDA Women’s Center, Taguig, City. Tinanggap ni Mayor Ony Ferrer ang pagkilala mula kina DTI Regional Director Marilou Q. Toledo, DILG Regional Director Josefina Castilla-Go, NEDA OIC-Regional Director Luis G. Banua at NSO Regional Director Rosalinda P. Bautista. Kasama rin na tumanggap ng pagkilala mula sa RDC ang mga Bayan ng Carmona, Tanza at Silang sa Cavite,ang mga Bayan ng Rodriguez at Taytay sa Rizal at ang Bayan ng San Pedro sa Laguna. Binigyan din ng pagkilala sa nasabing pagpupulong si Dr. Juanito A. Merle na 2014 Metrobank Foundation One of the Outstanding Teachers for Secondary Education.

Nagpasalamat si Mayor Ony Ferrer sa RDC dahil sa iginawad nitong karangalan. Aniya, malaking bagay ito upang lalong mahikayat ang mga investors na mamuhunan sa General Trias at maging bahagi ng patuloy na pag-unlad nito. Patuloy din daw ang isinasagawa ng reporma ng kanyang admisnistrasyon upang lalong padaliin ang proseso ng pagnenegosyo sa nasabing bayan.

by the Local Communications Group-Gen. Trias

September 16, 2014 (General Trias, Cavite) – Nagkaloob ng 150 square meters na lote ang Duraville Development Corporation sa Lokal na Pamahalaan ng General Trias na matatagpuan sa Mary Cris Complex Subdivision, Barangay Pasong Camachile II. Dumalo sa Memorandum of Agreement (MOA) signing na ginanap sa munisipiyo, si Duraville Devt. Corp. representative, Mr. Jeffrey Bongat, gayundin si Konsehal Walter Martinez at Mayor Antonio “Ony” A. Ferrer.

Pinasalamatan ni Mayor Ony Ferrer si Mr. Bongat para sa napaka-gandang regalong ito sa mamamayan ng Mary Cris Complex. Ayon sa alkalde, tatayuan ng community center at extension office ng lokal na pamahalaan ang nasabing lote upang mailapit ang mahahalagang serbisyo ng munisipyo sa nasabing komunidad.

by the Local Communications Group-Gen.Trias

September 16, 2014 (General Trias, Cavite) – Ipinamalas ng mga locators at business establishments ng General Trias ang kanilang suporta sa adhikain ng Lokal na Pamahalaan na mabigyan ng mas magandang oportunidad ang mga kabataang Gentriseño, sa pagpirma nila sa Memorandum of Agreement para sa internship program ng Jobstart Philippines. Ang nasabing proyekto ng Department of Labor and Employment, Asian Development Bank at Canadian Government ay naglalayong hasain ang may 200 kabataan ng General Trias, katuwang ang mga private companies dito.

Ayon kay Mr. Steven Schmidt ng Jobstart Philippines, napili ang bayan ng General Trias bilang isa sa apat na pilot local government units dahil sa ipinamalas na dedikasyon at accomplishments sa mga livelihood and employment programs. Ayon pa sa kanya, nasa advance stage na rin ang General Trias sa implementasyon ng proyekto, kumpara sa ibang LGUs.

Nagpapasalamat naman si Mayor Antonio “Ony” A. Ferrer sa bumubuo ng Jobstart Philippines at sa mga employers na nakiisa at tumanggap ng interns sa kani-kanilang kompanya. Dagdag pa ng alkalde, inaasahang mas magiging employable ang mga estudyanteng sasailalim sa nasabing pagsasanay.

Kasamang dumalo sa ceremonial MOA signing na ginanap sa munisipiyo,sina Engr. Ignacio Saqui, Jr. – Provincial Director, DOLE, Ms. Alely A. Bernardo- Financing Partnership Specialist, ADB, Mr. Eberhard Kobler – LMI Specialist, JobstartPhils., Ms. Grethel Ledesma – Finance Officer, JobstartPhils., Mr. Ariel Mugol – PESO Manager at Konsehal Florencio Ayos – Chair, SB Committee on Labor and Employment. Gayundin ang mga kinatawan ng mga partner companies na kinabibilangan ng MKP Inc., CS Garments, Inc., Asti Telford Svc. Philippines, Inc., Philippine-International Manufacturing and Engineering Service (P.IMES), ProserveManworks, Inc., at Fresh N’ Famous Foods, Inc. (Greenwhich).

by the Local Communications Group-Gen.Trias

September 8, 2014 (General Trias, Cavite) –May 40 residente ng bayan ng General Trias ang tumanggap ng pang-negosyong food carts mula sa Department of Labor and Employment (DOLE) katuwang sina Cong. Luis “Jon-Jon” A. Ferrer IV at Mayor Antonio “Ony” A. Ferrer. Bukod rito, nakatanggap din ang mga beneficiaries ng P1,000 tulong puhunan mula sa DOLE. Ito’y bahagi ng P1.5 million livelihood project na ibinaba ng nasabing ahensya sa ika-6 na Distrito ng Cavite.

Sa turn over ceremony na ginanap sa Brgy. Pinagtipunan nitong September 8, kinilala ni DOLE Provincial Director Engr. Ignacio S. Sanqui, Jr.,ang magandang pamamahala ng magkapatid na Ferrer sa General Trias at sa distrito, gayundin ang kanilang pagsusumikap mabigyan ng maayos na ikabubuhay ang  . Samantala, sa kanilang mensahe, pinasalamatan nila Cong. Jon-Jon at Mayor Ony ang DOLE para sa patuloy na suporta ng ibinibigay nito. Hinikayat din nila ang mga beneficiaries na pangalagaan at pagyamanin ang tulong pangkabuhayan na ibinigay sa kanila.

Tuwang-tuwa namang tinanggap ng mga beneficiaries ang kani-kanilang food carts  na may kasama nang kaldero, stove, bike at sidecar. Marami sa mga na biniyayaan ay indigents na umaasa lamang sa maliit na negosyo upang tustusan ang kanilang pangangailangan sa pamilya.

Photo Credits to: Ryan Richard Padua

by the Local Communications Group-Gen.Trias

September 8, 2014 (General Trias, Cavite) – Sama-samang ipinagdiwang ng may 60 retiradong guro ang kauna-unahang Retired Teachers Day sa bayan ng General Trias noong September 5, 2014. Ito’y sa bisa ng Sangguniang Bayan Ordinance No. 14-03, na nagtatakda sa nasabing araw bilang taunang pag-gunita sa kabayanihan at kontribusyon sa lipunan ng mga retiradong guro, principals at district supervisors na nagsilbi sa ating bayan.

Sinimulan ang selebrasyon sa pamamagitan ng isang banal na misa na ginanap sa munisipiyo na dinaluhan din ng mga kawani ng lokal na pamahalaan. Sinundan ito ng isang simple ngunit makabuluhang programa sa King Bee Chinese Restaurant sa Barangay Manggahan, kung saan binigyang pagkilala at kasiyahan nila Cong. Luis “Jon-Jon” A. Ferrer, Mayor Antonio “Ony” A. Ferrer, Vice Mayor Maurito C. Sison at mga Sangguniang Bayan Members, ang mga miyembro ng Retired Teachers Association of General Trias. Sa nasabing okasyon, nanumpa rin sa tungkulin kay Mayor Ony Ferrer ang mga bagong talagang opisyales ng association.

Nagbigay naman ng mensahe ng pasasalamat si Ginang Melita Patriarca, President ng Retired Teachers Association of General Trias para sa pagpapahalagang ibinigay sa kanila ng magkapatid na Ferrer. Samantala, sa mensaheng ibinigay ni Cong. Jon-Jon Ferrer at Mayor Ony Ferrer, pareho nilang binigyang diin ang mahalagang papel na ginampanan ng mga retiradong guro sa paghubog ng kaisipan at pagkatao ng kanilang mga naging estudyante na ngayon ay mga doctor,engineers,teachers at government officials na nagsisilbi na rin sa ating komunidad. Nagpaabot din ng pagbati si Vice Mayor Morit Sison at ang Chairman at Vice Chairman ng SB Committee on Education na sina Konsehal Jonas Glyn P. Labuguen at Konsehal Kerby J. Salazar na siyang nangasiwa sa proyektong ito.

Photo credits to: Karlo Sarinas

by the Local Communications Group-Gen.Trias

Setyembre 1, 2014 (General Trias, Cavite) – Pinangunahan ni Mayor Antonio “Ony” A. Ferrer ang kick-off ng mass immunization drive ng Department of Health katuwang ang Lokal na Pamahalaan upang labanan ang sakit na polio at tigdas. Sa nasabing proyekto, magsasagawa ng libreng pagbabakuna ang mga kawani ng Rural Health Unit (RHU) sa 33 barangays ngayong buong buwan ng Setyembre. Hanggad nitong mabigyan ng Oral Polio Vaccine (OPV) ang mga sanggol at batang may edad 0-59 months at Measles Rubella Vaccine (MR) para sa may edad 9 months to 59 months. Pinapaalala rin ng RHU na kailangan pa rin na pabakunahan ang mga batang may bakuna na laban sa polio at tigdas.

Dumalo rin sa pagpapasinaya na ginanap sa liwasang bayan sina Vice Mayor Maurito C. Sison, Dr. Abe Escario – Rural Health Officer at mga health workers ng local na pamahalaan.

by the Local Communications Group-Gen. Trias

Agosto 26, 2014 (General Trias, Cavite) – Tumanggap ng financial assistance mula sa Philippine Crop Insurance Corporation (PCIC) ang 38 na magsasaka mula sa 12 barangay ng bayan ng General Trias na nasalanta kamakailan ng bagyong Glenda. Ginanap ang distribution ng claims indemnity cheques noong Agosto 22, 2014 sa munisipyo ng General Trias, kung saan dumalo si PCIC Region IV Regional Manager, Pablo P. Rocela.

Umabot sa may kabuuang P173,141.00 ang tulong pinansyal hatid ng PCIC sa mga nasalanta. Bukod dito tumanggap din ng karagdagang kaalaman ang mga farmer beneficiaries sa Seminar on Organic Rice Farming na pinangasiwaan ng Municipal Agriculture Office.

Dumalo rin sa nasabing okasyon sina Winifred Jarin na kinatawan ni Mayor Antonio “Ony” A. Ferrer, Atty. Donna Mae Tiongson-Jordan na kinatawan ni Cong. Luis “Jon-Jon” A. Ferrer IV, Nerissa P. Marquez-Municipal Agriculturist at Josefina Ballesteros-Agricultural Technologist mula sa Plantmate Organic Fertilizer.

Photo credits to: Marjorie Colico

by the Local Communications Group-Gen.Trias

Agosto 26, 2014 (General Trias, Cavite) – Pinirmahan noong Agosto 22, 2014 ni Mayor Antonio “Ony” A. Ferrer, Atty. Donna Mae Tiongson-Jordan, kinatawan ni Cong. Luis “Jon-Jon” A. Ferrer IV at ni Provincial Agrarian Reform Officer, James Arthur T. Dubongco ng Department of Agrarian Reform (DAR), ang kasunduan para sa implementasyon ng Community-Managed Potable Water Supply and Sanitation (CP-WASH) project sa Barangay Buenavista at Pasong Kawayan II.

Layon ng programa na magkaroon ng access ang mga Agrarian Reform Beneficiary (ARB) households at maging mga paaralan sa malinis na tubig gamit ang abot-kaya at nararapat na teknolohiya na kayang-kayang pangasiwaan at pagyamanin ng komunidad. Ayon kay National CP-WASH Pointperson, Norberto S. Quite, target nilang makapagtayo ng mga rain water collectors sa mga paaralan sa General Trias gayundin ng mga biogas waste water treatment system sa mga barangay na siyang magiging alternatibo sa liquefied petroleum gas. Dagdag pa niya, bukod sa malinis na tubig at kapaligiran, makakapagbigay din ito ng kabuhayan sa mga beneficiary communities.

Sa kanyang mensahe, pinasalamatan naman ni Mayor Ony Ferrer ang DAR para sa pagpili sa General Trias bilang pilot municipality sa Cavite. Hinimok niya ang mga stakeholders na magtulong-tulong upang ma-sustain ang napakagandang proyektong ito.

Dumalo rin sa MOA signing na ginanap sa Board Room ng Munisipyo ng General Trias sina Vice Mayor Maurito C. Sison, Barangay Chairman Anastacio L. Alcantara ng Pasong Kawayan II, Dr. Edna Bayot, District Supervisor ng General Trias District I, at mga opisyal at kawani ng DAR.

Photo Credits to: Marjorie Colico

by the Local Communications Group-Gen. Trias

Agosto 18, 2014 (General Trias, Cavite) – Sa isang simpleng seremonya na ginanap sa liwasang bayan ng General Trias, kinilala ng Sangguniang Bayan at ni Mayor Antonio “Ony” A. Ferrer ang dalawang natatanging Gentriseñong sina Dra. Virginia Sison Saqui at Dra.Trinidad Leaño Serra. Bukod sa pagiging centenarians, binigyang pugay din ang kanilang mahahalagang kontribusyon sa ating lipunan lalong lalo na larangan ng medisina. Ito’y sa bisa ng Kapasyahan Bilang 14-83 at 14-84 na ipinasa ng Sangguniang Bayan.

Tinanggap ni Ginang Lucy Saqui, anak ng namayapang Dra. Saquia ng pagkilala sa kanyang ina na pumanaw kamakailan. Samantala, personal namang iginawad ang pagkilala kay Dra. Serra na kasamang dumalo ang kanyang pamilya.

Sa mensaheng ibinigay ni Mayor Ony Ferrer, ipinaabot niya ang pasasalamat at pag-hanga sa dalawang natatanging lola. Aniya, nawa’y maging ehemplo sila sa iba pang Gentriseño hindi lamang sa pagkakaroon ng mahabang buhay, kundi pati na rin sa pagbibigay serbisyo sa kapwa at sa bayan.

Kasamang dumalo upang igawad ang pagkilala, sina Vice Mayor Maurito C. Sison at mga Sangguniang Bayan Members. Sinaksihan ito ng mga kawani ng lokal na pamahalaan at mga punong barangay

                                                           By the Local Communications Group-Gen. Trias                                                              

Agosto 18, 2014 (General Trias, Cavite) – Sa ikatlong pagkakataon, nagsama-sama ang mahigit 600 na kabataan sa taunang General Trias Youth Leaders Summit na ginanap noong ika-16 ng Agosto sa auditorium ng Lyceum of the Philippines University – Cavite Campus. Dinaluhan ito ng mga student council members mula sa pampubliko at pribradong paaralan ng ika-6 na Distrito, gayundin ng mga iba’t-ibang youth organizations sa lalawigan.

Sa temang “Organizing New Young leaders for tomorrow”, binigyang diin sa nasabing libreng leadership seminar ang kahalagahan ng partisipasyon ng mga batang lider sa paghubog ng ating komunidad. Nagbigay inspirasyon at kaalaman sa mga participants ang mga pinagpipitagang panauhin ng summit. Kabilang dito sina Senator Ferdinand “Bong-Bong” Marcos, Jr., Ms. Risa Hontiveros-Baraquel ng Akbayan, Mr. Kristoffer Martin ng GMA Network, Mr. Ryan Chua ng ABS-CBN News, Mr. Reuben Pangan, SVP Smart Communications, at Fr. Alain Manalo ng Nuestra Señora de Guia Parish.

Dumalo rin upang magbigay ng mahalagang mensahe at suporta sina Mayor Antonio “Ony” A. Ferrer at Congressman Luis “Jon-Jon” A. Ferrer IV,na mga pangunahing tagapagtaguyod ng proyektong ito at ng kapakanan ng mga kabataan. Kasama rin na dumalo sina Vice-Mayor Maurito C. Sison at mga Sangguniang Bayan Members.

Ang 3^rd General Trias Youth Leaders Summit ay maituturing na pinakamalaki at natatanging pagtitipon ng mga kabataang lider sa lalawigan ng Cavite.

Photo credits to Mr. Karlo Sarinas

by the Local Communications Group-Gen.Trias

Agosto 8, 2014 (Pasay City) –Tinanghal na Top 2 Overall Most Competitive Municipality ang General Trias sa nakaraang 2^nd Regional Competitiveness Summit na ginanap noong ika-7 ng Agosto sa Summit Hall ng Philippine International Convention Center (PICC) kung saan nagkamit din ang nasabing bayan ng ikalawang pwesto sa kategoryang Economic Dynamism. Ito’y batay sa Cities and Municipalities Competitiveness Index,isang survey na isinagawa ng National Competitiveness Council (NCC), Department of Trade and Industry (DTI) at United States Agency for International Development (USAID). Ang nasabing proyektong nilahukan ng mahigit 500 lokal na pamahalaan ay naglalayong kilatisin ang mga siyudad at munisipalidad sa aspeto ng Economic Dynamism, Government Efficiency at Infrastructure,upang mabigyan ng nararapat na impormasyon ang mga mamumuhunang nagnanais magtayo ng negosyo sa isang partikular na bayan. Layon din nitong hikayatin ang mga lokal na pamahalaan na maging business-friendly at handa sa hamon ng globalisasiyon.

Buong karangalang tinanggap ni Mayor Antonio “Ony” A. Ferrer ang pagkilala mula sa NCC sa pangunguna ni Guillermo M. Luz, Co-Chairman, Private Sector. Aniya, ito’y isa lamang sa mga bunga ng mga repormang kanyang pinapatupad upang makapagbigay ng wastong serbisyo hindi lamang sa mga Gentriseño kundi pati na rin sa mga investors na gustong mamuhunan sa General Trias. Hinihikayat niya rin ang mga opisyal at kawani ng Lokal na Pamahalaan na lalong magsumikap upang makamit ang number one spot sa Competitiveness Survey sa susunod na taon. Matatandaang hinirang na 5^th Most Competitive Municipality ang General Trias noong 2013.

Dumalo rin sa nasabing pagpupulong sina Director General Arsenio M. Balisacan ng NEDA, Mission Director for Philippines and the Pacific Islands Gloria D. Steele ng USAID, Undersecretary Adrian S. Cristobal na kumatawan kay Secretary Gregory L. Domingo ng DTI, mga kinatawan ng iba’t-ibang Regional Competitiveness Councils, pribadong sektor at mga lokal na pamahalaan.

by the Local Communications Group-Gen.Trias

Agosto 8, 2014 (General Trias, Cavite) – Limampung Micro, Small and Medium Enterprises o MSMEs ang tumanggap ng libreng pagsasanay sa Financial Management noong ika-4 ng Agosto, 2014,sa Audio-Visual Room ng Pamahalaang Bayan ng General Trias, Cavite. Ang proyektong inorganisa ni Mayor Antonio “Ony” A. Ferrer sa pamamagitan ng Municipal Economic Enterprise and Investment Promotion Office (MEEIPO), sa pakikipagtulungan ng Department of Trade and Industry (DTI) – Cavite at PLDT SME Nation, Smart at Sun Business,ay naglalayong gawing mas produktibo at handa sa hamon ng globalisasyon ang ating mga negosyanteng Gentriseño.

Sa nasabing seminar, ibinahagi ni Ginoong Kherby B. Reyes, CPA, mula sa Provincial Livelihood and Entrepreneurial Development Office (PCLEDO), ang kanyang kaalaman sa pamamahala ng pinansyal na aspeto ng isang negosyo. Bukod rito, nagbahagi rin siya ng mahahalagang tips tungkol sa Marketing, Operations Management at Human Resource Development. Sa kanilang presentasyon, ipinakita naman ng PLDT SME Nation ang mga makabagong teknolohiya na magiging kapakipakinabang sa mga negosyante.

Bahagi lamang ang proyektong ito sa mga suportang teknikal na planong ibigay ng Lokal na Pamahalaan sa pamumuno ni Mayor Ferrer sa mga MSMEs.

by the Local Communications Group- Gen. Trias

Hulyo 31, 2014 (General Trias, Cavite) – Namahagi ang Lokal na Pamahalaan ng General Trias ng libreng school supplies sa mga mag-aaral sa pre-school at elementarya sa mga pampublikong paaralan bilang parte ng programang pang-edukasyon na isinusulong ni Mayor Antonio “Ony” A. Ferrer. Ayon sa alkalde, mahalagang magkaroon ng sapat na gamit ang ating mga mag-aaral upang lalo nilang mahasa ang kanilang kaisipan. Malaking bagay din aniya ito sa mga magulang upang mabawasan ang kanilang gastusin sa eskwela.

Katuwang sa pamamahagi ng alkalde ang kanyang butihing may bahay na si Ginang Anne A. Ferrer na personal na nagtungo sa iba’t-ibang public schools sa General Trias. Sa kabuuan, mahigit 30,000 kabataan mula kinder hanggang Grade 6 ang tumanggap ng mga bagong lapis, ballpen, papel, notebook, scissors, ruler, eraser at crayons.

Buong pasasalamat namang tingggap ng mga estudyante, magulang gayundin ng mga guro ang tulong na ito mula kay Mayor Ony.

by the Local Communications Group-Gen. Trias

Hulyo 2, 2014 (General Trias, Cavite) –Ngayong panahon ng tag-ulan, isa sa lumalaganap na sakit ang dengue na isang virus dala ng lamok na Aedes na namumugad sa maruruming stagnant water. Noong buwan ng Hunyo, ginunita sa buong bansa ang Dengue Awareness Month na may temang “Eskwelahan, Simbahan, Barangay, Palengke at Buong Komunidad, Sama-sama Nating Sugpuin ang Dengue.” Bilang pakikiisa sa malawakang pagkilos upang sugpuin ang sakit na ito, nagsagawa ang Lokal na Pamahalaan ng General Trias ng pagpupulong upang talakayin ang mahahalagang impormasyon upang maiwasan at mapababa ang kaso ng dengue.Ang nasabing seminar na ginanap sa General Trias Cultural and Convention Center ay dinaluhan ng mga Barangay Health Workers, Barangay Nutrition Scholars, Community Health Teams at mga kawani ng Rural Health Unit sa pangunguna ni Dr. Abe D. Escario, M.D. – Rural Health Officer.

Ipinaabot naman ni Mayor Antonio “Ony” A. Ferrer ang kanyang mensahe sa pamamagitan ni Konsehal Kerby J. Salazar na siyang Chairman ng Committee on Health and Sanitation. Binigyan diin sa mensahe ni Mayor Ferrer ang kahalagahan ng pagpapalaganap ng tamang impormasyon tungkol sa dengue at ang mahalagang papel na gagampanan ng mga health workers sa bagay na ito. Hinikayat niya rin ang lahat na magkaisa upang mapanatili ang kalinisan at maging dengue-free ang Bayan ng General Trias. Dumalo rin at nagbigay suporta sa nasabing pagtitipon sila Konsehal Jonas Glyn Labuguen, Ms. Uliran Ogawan na kinatawan ni Konsehal Walter Martinez, Mr. Fernando Olimpo-OIC MDRRMO, at Police Senior Inspector Ruel C. dela Cruz, Deputy Chief of Police-General Trias Municipal Police Station.

Bukod sa ginawang seminar, bahagi rin ng kampanya ng lokal na pamahalan kontra dengue ang pamamahagi ng information posters at streamers sa 34 na Barangay Health Stations.

by the Local Communications Group-Gen.Trias

Hunyo 30, 2014 (General Trias, Cavite) – Sa isang simpleng seremonya na ginanap sa liwasang bayan, pinangunahan ngayong umaga ni Mayor Antonio “Ony” A. Ferrer, kasama si Vice Mayor Maurito C. Sison at mga Sangguniang Bayan Members ang taunang pag-gunita tuwing buwan ng Hulyo sa National Disaster Consciousness Month na may temang: “Kahandaan at Kaligtasan ng Pamayanan, Pundasyon ng Kaunlaran.” Highlight ng nasabing okasyon ang 30 segundong sounding of sirens at pagpapakawala sa mga kalapati na sumisimbulo sa kapayapaan at buhay. Pinangunahan naman ni Pastor Victor Tolentino ng Bible Baptist Temple-General Trias ang community prayer para sa mga naging biktima ng sakuna.

Samantala, ginunita rin sa umagang ito ang 19^th Police Community Relations Month na gaganapin din sa darating na buwan ng Hulyo. Ito’y may temang “Pinaigting na Samahan ng Mamamayan at Pulisya para sa patuloy na Kapayapaan at Kaunlaran ng Sambayanan. Kaugnay nito, nagbigay ng mensahe si Police Superintendent  Alfredo K. Dangani – Chief of Police, tungkol sa mga aktibidad na isinasagawa ng Municipal Police Station upang lalong mapaigting ang pagtutulungan ng mamamayan at pulisya para sa pagpapanatili ng kaayusan at kapayapaan.

Ang disaster preparedness at peace and order ay ilan lamang sa pangunahing layunin sa ilalim ng administrasyon ni Mayor Ferrer. Kamakailan ay ipinasa ng Local Disaster Risk Reduction Management Council (LDRRMC) ang LDRRMC Contingency Plan upang lalong maging handa ang Bayan ng General Trias sa anumang kalamidad na maari nitong kaharapin. Patuloy rin ang pagbibigay ng kaukulang suporta ni Mayor Ferrer sa PNP para sa crime prevention activities nito.

by the Local Communications Group-Gen. Trias

Hunyo 20, 2014 (General Trias, Cavite) – Sabay-sabay na nanumpa ng wagas na pag-iibigan ang 155 na pares sa harap ni Mayor Antonio “Ony” A. Ferrer sa isinagawang libreng Sabayang Kasalan kahapon sa General Trias Cultural and Convention Center. Layunin ng programang ito na bigyan ng pagkakataon ang mga magsing-irog o mga nagsasama na hindi kasal na gawing legal ang kanilang pagsasama nang hindi na kinakailangang gumastos pa. Sinaksihan naman ang pag-iisang dibdib nila Congressman Luis “Jon-Jon” A. Ferrer IV, Vice Mayor Maurito C. Sison, mga Sangguniang Bayan Members, Mrs. Lucia Iraida A. Soneja – Provincial Statistics Officer ng Philippine Statistics Authority at mganinong at ninang ng mgaikakasal.

Sa kanyang mensahe, binigyang diin ni Mayor Ony Ferrer ang responsibilidad ng bawat mag-asawa. Aniya, sila’y may pananagutan sa bawat isa bilang mag-asawa, sa kanilang anak at sa lipunang kanilang kinabibilangan. Ito ang unang mass wedding na pinangunahan ni Mayor Ony Ferrer sa ilalim ng kanyang administrasyon.

Tinanghal bilang pinakabatang groom si Evanchester L. Evardone, 18 years old at pinakabatang bride si Vina Saldo, 18 years old. Si Danilo M. Tabuena, 58 years old naman ang pinakamatandang groom, samantalang si Elizabeth D. Vallada, 49 years old ang pinakamatandang bride ng mass wedding. Sila’y tumanggap ng gantimpala mula kay Mayor Ferrer.

by the Local Communications Group-Gen.Trias

Hunyo 16, 2014 (General Trias, Cavite) – Mahigit 400 na aplikanteng Gentriseño ang nabigyang serbisyo nang muling isinagawa ng Department of Foreign Affairs (DFA) ang Mobile Passport Service sa Bayan ng General Trias noong ika-14 ng Hunyo, 2014 sa General Trias Cultural and Convention Center. Ang nasabing proyekto ay bahagi ng layunin ni Mayor Antonio “Ony” A. Ferrer na ilapit ang serbisyo ng mga National Government Agencies sa mamamayang kanyang nasasakupan. Ani ni Mayor Ferrer malaking ginhawa ang mga proyektong tulad nito dahil bukod sa iwas-pagod ay makakatipid pa ang mga aplikante dahil hindi na nila kinakailangan na lumuwas ng Maynila upang kumuha ng mahahalagang dokumento tulad ng pasaporte. Nakatakda naming i-release ang mga pasaporte ng approved applicants sa darating na Hulyo 19, 2014 sa Munisipyo ng General Trias.

Walong-taon nang isinasagawa ang Mobile Passport Service sa Bayan ng General Trias kung saan maaaring i-proseso ang mga applications para sa new at renewal ng passport.

by the Local Communications Group-Gen. Trias

Hunyo 16, 2014 (General Trias, Cavite) – Pinangunahan ni Mayor Antonio “Ony” A. Ferrer ang pag-gunita sa ika-116 Araw ng Kalayaan sa Bayan ng General Trias sa pamamagitan ng pakikiisa sa simultaneous flag raising na ginaganap sa iba’t-ibang dako ng bansa noong ika-12 ng Hunyo ng taong ito. Dumalo rin sa nasabing seremonya sina Vice Mayor Maurito C. Sison, mga Sangguniang Bayan Members, mga Punong Barangay, ang Philippine National Police, ang General Trias Public Transport Management Office, Bureau of Jail and Penology at Bureau of Fire. Naghandog din ng libreng konsyerto si Mayor Ferrer kinagabihan sa nasabing liwasan bilang bahagi ng pagdiriwang. 

Hitik sa kasaysayan ang Bayan ng General Trias dahil sa malaking kontribusyon nito noong rebolusyon. Dito naganap ang First Cry of Cavite na naging mitsa ng pag-aalsa sa iba’t-ibang dako ng probinsya laban sa mga Kastila. Hinirang naman bilang kauna-unahang bise presidente ng Revolutionary Government si General Mariano Closas Trias sa Tejeros Convention na naganap sa San Francisco de Malabon, ang dating pangalan ng bayang ito.

by the Local Communications Group-Gen. Trias

Mayo 28, 2014 (General Trias, Cavite) –Upang lalong mapagbuti ang solid waste management sa Bayan ng General Trias, nagbahagi ng apat na bagong garbage trucks si Mayor Antonio “Ony” Ferrer sa Municipal Environment and Natural Resources Office (MENRO) sa turnover ceremony na ginanap sa Liwasang Bayan kahapon Mayo 27, 2014. Tinanggap ni Dr. Renato Escurel ng MENRO ang mga bagong sasakyan na sinaksihan naman nila Konsehal Kerby Salazar, Chairman ng Committee on Environment, Konsehal Lamberto Carampot, Konsehal Mario Amante, Konsehal Florencio Ayos at Mr. Hernando Granados, Executive Assistant IV.

Ayon kay Mayor Ferrer, napakahalagang mga bagong kagamitan ito upang mapanatili ang kalinisan at patuloy na mapangalagaan ang ating kalikasan. Bahagi lamang ito ng kanyang layuning makapagbigay ng pinagbuti at wastong serbisyo sa bawat Gentriseño.

by the Local Communications Group-Gen. Trias

Mayo 23, 2014 (General Trias, Cavite) – Magligtas ng buhay ng kapwa, yan ang adhikain ng mga volunteer blood donors sa isinagawang bloodletting activity ng Lokal na Pamahalaan ng General Trias katuwang ang Cavite Blood Council sa Audio-Visual Room ng munisipyo ngayong ika-23 ng Mayo, 2014. May 69 volunteers ang nakibahagi sa proyekto na kinabibilangan ng mga kawani ng lokal na pamahalaan, mga pulis, mga barangay officials at ordinaryong mamamayan na nagnanais tumulong.

Dumalo upang magbigay ng suporta sina Mayor Antonio “Ony” A. Ferrer at Konsehal Kerby J. Salazar na Chairman ng Committee on Health. Matatandaang kamakailan ay kinilala ang Lokal na Pamahalaan ng General Trias at si Mayor Ferrer dahil sa suportang patuloy na ibinibigay nito sa Cavite Blood Council.

by the Local Communications Group-Gen. Trias

May 20, 2014 (General Trias, Cavite) – Inaprubahan ni Mayor Antonio “Ony” A. Ferrer ang ordinansang ipinasa ng Sangguniang Bayan na nagtatakda sa taunang pagdiriwang ng Retired Teachers Day tuwing ika-5 ng Setyembre sa Bayan ng General Trias. Ang Municipal Ordinance 14-03 na inakda nila Konsehal Kerby J. Salazar, Konsehal Jonas Glyn P. Labuguen, Konsehal Christopher N. Custodio at LNB President Gary Grepo, ay naglalayong bigyang halaga ang kontribusyon ng mga retiradong pampubliko at pribadong guro sa sektor ng edukasyon, at hikayatin ang kanilang partisipasyon sa iba’t-ibang aktibidad at programang lokal na pamahalaan. Nasasaad din sa nasabing ordinansa ang pagbibigay ng pagkilala sa mga natatanging retiradong guro taon-taon.

Sa isang simpleng seremonyang ginawa sa Mayor’s Conference Room, sinaksihan ng may labing-pitong retiradong guro ang pagpirma ni Mayor Ferrer sa ordinansa. Buong puso naman nilang ipinahatid ang kanilang pasasalamat sa hakbang na ito ng lokal na pamahalaan na maituturing na natatangi sa buong probinsya. Dumalo rin sa seremonya ang Chairman at Vice-Chairman ng Committee on Education na sila Konsehal Labuguen at Konsehal Salazar.

by the Local Communications Group-Gen. Trias

May 13, 2014 (General Trias, Cavite) – Dahil sa patuloy at aktibong pagsuporta ng Lokal na Pamahalaan ng General Trias sa Provincial Voluntary Blood Services Program na naging susi upang magkaroon ng sapat at ligtas na suplay ng dugo ang Lalawigan ng Cavite, kinilala ng Cavite Blood Council na pinamumunuan ni Governor Juanito Victor C. Remulla Jr. si Mayor Antonio “Ony” A. Ferrer sa seremonyang ginanap sa Cavite Collaboration Center for Public Health Auditorium, Trece Martires City noong ika-6 ng Mayo 2014. Tinanggap ni Ginoong Alexander Fernando – Community Affairs Officer ang nasabing pagkilala sa ngalan ni Mayor Ferrer. Kinilala rin sa nasabing okasyon ang Community Affairs Office ng General Trias na siyang nangangasiwa ng mga bloodletting activity na regular na ginagawa sa ating bayan. Patuloy namang hinihikayat ni Mayor Ferrer ang mga Gentriseño na makibahagi at mag-donate ng dugo upang matulungan ang mga kapos-palad na kababayang nangangailangan nito. Ang lokal na pamahalaan ay muling magsasagawa ng bloodletting sa Mayo 23, 2014 sa Audio-Visual Room ng munisipyo mula 9AM hanggang 2PM.

Samantala, binigyang pagkilala rin ng Girl Scouts of the Philippines – Cavite Girl Scout Council si Mayor Ferrer dahil sa patuloy na suportang ibinibigay nito sa nasabing samahan. Tinanggap ni Konsehal Kerby J. Salazar ang pagkilala sa ngalan ni Mayor Ferrer sa programang ginanap sa San Roque Elementary School sa Naic, Cavite noong Mayo 9, 2014.

Ang mga karangalang nakamit ni Mayor Ferrer para sa Bayan ng General Trias ay patunay lamang ng kanyang hangaring makapagbigay ng wastong serbisyo tungo sa pag-asenso ng bawat Gentriseño.

by the Local Communication Group-Gen. Trias

May 12, 2014 (General Trias, Cavite) – Bilang pagkilala sa kontribusyon ng mga health workers sa pagpapanatili ng isang malusog at masiglang pamayanan, ginunita ng Lokal na Pamahalaan ng General Trias sa pangunguna ni Mayor Antonio “Ony” A. Ferrer ang Health Workers Day noong ika-10 ng Mayo, 2014 sa General Trias Cultural and Convention Center. Ito’y dinaluhan ng mga kawani mula sa Rural Health Unit (RHU), mga Barangay Health Workers (BHW), Barangay Nutrition Scholars (BNS), Barangay Service Point Officers (BSPO) at Community-Based Organizations for TB Control Program (CBOs). Sa nasabing programa, binigyang pagkilala ang mga CBOs, ang RHU at si Mayor Ferrer dahil sa kanilang suporta at dedikasyon upang maging matagumpay ang TB Control Program sa Bayan ng General Trias. Pinasalamatan naman ni Mayor Ferrer ang mga health workers dahil sa kanilang pagbibigay ng agarang serbisyong medikal lalong-lalo na sa mga mahihirap at naninirahan malayo sa mga health centers. Dumalo rin sa nasabing pagtitipon ang Chairman ng Committee on Health and Sanitation na si Konsehal Kerby J. Salazar kasama ang iba pang Sangguniang Bayan Members, gayundin si Congressman Luis “Jon-Jon” A. Ferrer IV na nagpaabot din ng kanyang pagbati.

Ang Health Workers Day ay ginugunita sa buong bansa tuwing ika-7 ng Mayo sa bisa ng Republic Act 10069 o ang “Health Workers Day Act” na naisabatas nong April 6, 2010.

by the Local Communications Group-Gen. Trias

May 12, 2014 (General Trias, Cavite) – Isa sa pangunahing layunin ng Lokal na Pamahalaan ng General Trias sa pangunguna ni Mayor Antonio “Ony” A. Ferrer ay ang mabigyan ng magandang oportunidad ang mga mamamayan. Kung kaya’t patuloy ang ginagawang pakikipag-tulungan sa iba’t-ibang ahensya ng pamahalaan upang makamit ang nasabing adhikain. At dahil sa masigasig na pakikipag-ugnayan, at sa tulong ni Congressman Luis “Jon-Jon” A. Ferrer IV, pinagkalooban ng Department of Labor and Employment (DOLE) ang Bayan ng General Trias ng tulong pinansyal na nagkakahalaga ng P750,000 na ilalaan sa Livelihood Foodcart Project. Dumalo sa turnover ceremony na ginanap matapos ang flag raising sa Liwasang Bayan sila Mayor Ony Ferrer at mga Sangguniang Bayan Members, gayundin sila Atty. Danilo Cruz – Undersecretary, Department of Labor and Employment, Maria Zenaida Angara-Campita – Regional Director, DOLE IV-A, Imelda Desipeda – TSSD Head, DOLE IV-A at Ignacio Santi, Jr. – Provincial Director, DOLE Cavite. Sa kanyang mensahe, inilahad ni Usec. Cruz na napili ang General Trias dahil sa maganda nitong pamamahala na pinatunayan naman ng pagkakahirang dito bilang National Best PESO Hall of Fame Awardee. Isa rin daw ang General Trias na may pinaka-malaking matatangap na tulong pinansyal mula sa nasabing ahensya. Ipinahayag naman ni Mayor Ferrer sa kanyang mensahe ang pasasalamat ng mamamayang Gentriseño sa napakahalagang tulong hatid ng DOLE na tiyak mapapakinabangan ng mga kapos-palad na residenteng nagnanais magsumikap sa buhay.

Ang ipinagkaloob na pondo ay unang tranche lamang sa kabuuang P1.5 Million na inilaan ng DOLE sa Bayan ng General Trias para sa livelihood project. Inaasahang namang makakapagbahagi ng 79 units na foodcarts at P2,000 na tulong puhuan ang paunang pondong inihatid ng nasabing ahensya.

by the Local Communications Group – Gen. Trias

Mayo 2, 2014 (General Trias, Cavite) – Nagtipon-tipon ang mga mamamayan ng General Trias sa Municipal Sports Park sa Barangay Santiago noong Abril 26, 2014,ala-siyete ng umaga, upang ipagdiwang ang taunang Earth Day. Pinangunahan ng mga mga opisyal ng Lokal na Pamahalaan at ng Municipal Environment and Natural Resources Office (MENRO) ang pagtatanim ng mahigit isang-libong puno sa nasabing lugar upang makatulong maibsan ang polusyon na nagiging sanhi ng climate change. Nakiisa rin sa nasabing adhikain ang mga empleyado ng mga pribadong kompanya mula sa JFB Tech. Philippines Inc., Asia Metal Trading Corporation, MV Santiago Medical Center, The Purefoods Hormel Inc., Royal Cargo, ASTI-Telford Services Philippines Inc., Enomoto Philippines Manufacturing Inc., Danam Philippines Inc., HDK Philippines Inc., Magnolia Inc., SMC Yamamura Fuso Molds Corp., Fujihiro Philippines Inc., Emerson Network Power, Daiki O.M. Aluminum (Philippines) Inc., OM Manufacturing Philippines Inc., O.M. Electrolyzing Inc., Shimadzu, Bridgestone Precision Molding Philippines Inc., Sanno Philippines, Maxim Integrated, N.T. Philippines Inc., Semitec Electronics Philippines, International Precision Assemblies Inc., Southcoast Metal Enterprises Inc., Analog Devices, Philippine Advanced Processing Technology Inc. MEC Electronics Philippines Corp., at Yu Seung Industrial Corp. Nagbigay suporta rin sa nasabing tree planting activity ang Cavite Economic Zone Authority, General Trias Police Station at JCI Philippines General Trias Katipunan Chapter. Isa itong pag papatunay na nagkakaisa ang ibat-bang sektor ng lipunan sa pangangalaga sa ating kalikasan para sa mga susunod pang henerasyon.

Ang Earth Day ay isang pandaigdigang inisyatibong sinimulan ng Earth Day Network at ipinagdiriwang tuwing ika-22 ng Abril sa pamamagitan ng iba’t-ibang aktibidad na naglalayong pangalagaan ang kapaligiran at imulat ang kamalayan ng mamamayan sa mga environmental issues na ating kinakaharap.

by the Local Communications Group – Gen. Trias

May 6, 2014 (General Trias, Cavite) – Ipinakita ng mga kawani ng Lokal na Pamahalaan ng General Trias na hindi lamang sila mahusay sa pagbibigay serbisyo  sa mamamayan kundi may aking galing din sila sa larangan ng isports nang makuha nila ang kampeyonato sa men’s basketball at volleyball sa Cavite Mayors League Inter-Municipalities and Cities Sports Fest championship games noong Mayo 4, 2014 sa General Trias Sports Complex. Sa parehong score na 3-0, nagwagi sa best of five finals ang Team GenTri Men’s Basketball laban sa koponan ng Dasmariñas City at Team GenTri Men’s Volleyball laban naman sa mga atleta mula sa Bayan ng Noveleta.Kinilala naman ni Mayor Antonio “Ony” A. Ferrer ang husay ng mga kawani ng atletang Gentriseño sa flag raising ceremony noong May 5, 2014 na ginanap sa Liwasang Bayan. Pinasalamatan niya ang mga ito dahil sa pagdadala ng karangalan at pagiging ehemplo ng pagtutulungan at pagkakaisa.

by the Local Communications Group – Gen. Trias

Mayo 5, 2014 (General Trias, Cavite) – Kasabay ng pagdiriwang ng Araw ng Paggawa noong Mayo 1, kinilala ng Lokal na Pamahalaan ng General Trias sa pangunguna ni Mayor Antonio A. Ferrer, ang pagsisikap at pagpupunyagi ng limang daan at labing-tatlong (513) natatanging estudyante sa taunang Gawad Parangal na ginanap sa General Trias Cultural and Convention Center. Ang nasabing proyekto na nagsimula noong 1960 ay naglalayong bigyan ng pagkilala ang mga kabataang nagtapos sa elementarya, hayskul at kolehiyong may karangalan upang sila’y maging ehemplo sa kanilang kapwa. Sa taong ito, kasama sa binigyang  parangal ang 44 na pumasa sa bar exam, board exam at iba pang mga pambansang pagsusulit. Sa kanyang mensahe, kinilala ni Mayor Ferrer ang pagsisikap ng mga awardees sa kanilang pag-aaral at hinamon silang maging inspirasyon at tumulong sa mga mag-aaral na nagnanais rin maging natatanging Gentriseño at magdala ng karangalan sa bayan. Napili naman bilang panauhing pandangal ang topnotch councilor na si Konsehal Kerby J. Salazar na kamakailan ay nahalal bilang Vice-President for Luzon ng Philippine Councilors League. Sa kanyang talumpati, binigyang diin niya ang kahalagahan ng pagsusumikap at dedikasyon upang magtagumpay. Ibinahagi rin niya ang kanyang karanasan kung paano niya hinarap ang mga hamon sa buhay at nakamit ang kanyang mga pangarap sa tulong ng Maykapal, kanyang mga kaibigan at pamilya.

Dumalo rin sa nasabing okasyon sina Cong. Luis “Jon-Jon” A. Ferrer IV, Vice Mayor Maurito C. Sison, mga Kagawad ng Sangguniang Bayan, mga Punong Barangay, mga magulang, at mga guro mula sa iba’t-ibang pribado at pampublikong paaralan.

by the Local Communications Group-Gen. Trias

 Tagaytay City (Abril 10, 2014) – Sa pangunguna ng Asian Development Bank (ADB), Government of Canada, Department of Labor and Employment (DOLE) at ng Lokal na Pamahalaan ng General Trias sa pamamagitan ng Public Employment Services Office (PESO), nagsagawa ng consultation meeting sa mga human resources managers at opisyal ng tatlong industrial parks sa Cavite para sa implementasyon ng Jobstart Philippines Project. Ang nasabing proyekto na pinangangasiwaan ng ADB at pinondohan ng Canadian Government ay naglalayong bigyan ng mas magandang tyansang makapagtrabaho ang 1,600 “at risk youth”  mula sa apat na pilot LGUs’ na nakapagtapos ng high school at may edad 18-24 gulang sa pamamagitan ng career guidance and coaching, pagbibigay ng karampatang impormasyon tungkol sa labor market at on-the-job training sa mga pribadong kompanya. Sa nasabing pagpupulong, hinimok ni Mayor Antonio “Ony” A. Ferrer ang mga kinatawan ng mga manufacturing companies na makiisa sa nasabing proyekto at maging isa sa mga partner employers na tatanggap at magbibigay ng training sa mga mapipiling youth beneficiaries ng Jobstart Philippines. Aniya, ang ikakatagumpay ng nasabing proyekto ay nakasalalay sa pagkakaisa at pagtutulungan ng mga ahensya ng pamahalaan at pribadong sektor. Ito rin daw ay isang magandang oportunidad para sa mga kompanya sa General Trias na makatulong sa mga kabataan. Dumalo rin upang magbigay ng mensahe at briefing tungkol sa Jobstart Philippines sina Bb. Narcisa Rivera-Senior Program Officer ng Embahada ng Canada, Bb. Ruth Rodriguez-Chief of Labor Market Information, Research and Career Guidance Advocacy Division ng DOLE Bureau of Local Employment, G. Kelly Bird-Principal Economist ng ADB at Engr. Ignacio Sanqui, Jr. – Provincial Director ng DOLE Cavite. Nagbigay naman ng kani-kanilang reaksyon, suwestyon at pagsuporta sina G. Arnel Sta. Ana ng Association of Human Resources Practitioners ng Gateway Business Park, Atty. Norma B. Cajulis-Zone Administrator ng Cavite Economic Zone at G. Raffy Malanyaon-Estate Manager ng First Cavite Industrial Estate.

Napili ang Bayan ng General Trias bilang isa sa apat na pilot LGUs at natatanging munisipalidad para sa implementasyon ng Jobstart Philippines Project. Ito’y dahil narin sa ipinamalas ng dedikasyon at husay ng General Trias PESO na hinirang noong nakaraang taon bilang National Best PESO, Hall of Famer Awardee ng DOLE.

by the Local Communications Group-Gen. Trias

General Trias, Cavite (Marso 21, 2014) –Magandang oportunidad at kabuhayan sa mamamayan,yan lamang ay ilan sa mga pangunahing layunin ng Lokal na Pamahalaan ng General Trias na kinikilala bilang isa sa progresibong bayan ng Cavite. Sa pangunguna ng MSWD Training and Productivity Center, patuloy na nakapagbibigay ng libreng pagsasanay sa mga Gentriseño na nagnanais linangin ang kanilang kakayahan at paunlarin ang kanilang buhay. At noong ika-20 ng Marso, 2014 nagtapos ang 131 trainees sa culminating activity na ginanap sa Audio Visual Room ng munisipyo ng General Trias. Dumalo sa nasabing programa ang mga trainors ng iba’t-ibang kurso sa pangunguna ni Gng. Imelda Bulanhagui,gayundin sila G. Romel Olimpo ng Economic Enterprise and Investment Promotion Office, G. Ariel Mugol ng Public Employment Services Office, G. Wenceslao Camingay, SB Secretary at kinatawan ni Vice Mayor Maurito C. Sison, at si G. Hernando M. Granados, Acting Municipal Administrator at kinatawan ni Mayor Antonio “Ony” A. Ferrer.

Ang mga nagtapos ay kabilang sa mga kumuha ng kursong commercial cooking, integrated food processing, dressmaking, massage therapy, hair care and beauty care, consumer electronics servicing, food and beverage service at bread and pastry production. Upang masiguro na makakakuha ng trabaho ang mga ito, nagbibigay rin ng job placement assistance ang training center sa tulong ng PESO. Patuloy rin ang suporta ng inilalaan ni Mayor Ony Ferrer upang mapabuti at lalong maging epektibo ang mga nasabing livelihood trainings. Sa katunayan, noong nakaraang taon sa kanyang ulat sa bayan, inilahad niya ang planong magkaroon ng bago, mas malaki at modernong MSWD Training and Productivity Center upang matugunan ang lalong lumalaking bilang ng mga gustong magsanay.

by the Local Communications Group-Gen. Trias

General Trias, Cavite (Marso 12, 2014) – Ipinamalas ni Queenie May Samarita, 12 taong gulang at mag-aaral ng General Trias Memorial Elementary School,ang kanyang talas ng isip at angking galing sa larong chess sa nakaraang Southern Talagog CALABARZON Athletic Association (STCAA) na ginanap noong Pebrero 10-14, 2014 sa Lungsod ng Tanauan, Batangas kung saan hinirang siyang Board I Champion. Dahil dito’y binigyan ng pagkilala ng Lokal na Pamahalaan ng General Trias sa pangunguna ni Mayor Antonio “Ony” A. Ferrer, Vice Mayor Maurito C. Sison ang mga Kagawad ng Sangguniang Bayan ang nasabing batang atleta noong Lunes sa flag raising ceremony.

Nakatakdang  kumatawan si Samarita sa darating na Palarong Pambansa na gaganapin sa Sta. Cruz, Laguna sa Mayo ng taong ito. Siya rin ang kauna-unahang chess player mula sa bayan ng General Trias na makakapaglaro sa nasabing torneyo.

by the Local Communications Group- Gen. Trias

General Trias, Cavite, Marso 11, 2014. – Isang malaking karangalan ang hatid ng Number 1 Councilor na si Kgg. Kerby Javier Salazar sa Bayan ng General Trias maging sa Lalawigan ng Cavite nang mahalal siya bilang Vice President for Luzon ng Philippine Councilors League (PCL)sa nakalipas na PCL  9th National Congress noong Marso 5-7, 2014 na ginanap sa SMX Convention Center, Pasay City. Si Konsehal Salazar ang kaunaunahang Sangguniang Bayan Member mula sa Lalawigan ng Cavite na naihalal bilang national officer sa nasabing liga. Bilang pagpupugay at pasasalamat sa mamamayan ng General Trias at ng Cavite, pinili ni Konsehal Salazar na gawin ang kanyang panunumpa sa tungkulin bilang VP for Luzon sa kanyang sariling bayan noong Lunes ng umaga sa flag raising ceremony. Ito’y pinangunahan ni Mayor Antonio “Ony” A. Ferrer na siyang officiating officer at sinaksihan naman nila Vice Mayor Maurito C. Sison, mga kapwa Kagawad Sangguniang Bayan at mga kawani ng lokal na pamahalaan.Manunungkulan si Konsehal Salazar sa kanyang bagong posisyon mula 2014 hanggang 2017.

by the Local Communications Group-Gen. Trias

GENERAL TRIAS, Cavite, Pebrero 28, 2014 – Sa pagtatapos ng unang buwan ng taong 2014, may kabuuang 3,339 na negosyo ang nag-apply ng business permit sa ginawang Business One-Stop-Shop (BOSS) ng local na pamahalaan ng General Trias. Sa nasabing bilang, 336 ang mga bagong negosyo samantalang 3,003 naman ang renewed businesses. Mas mataas ito ng 4.88% kumpara sa naitala noong nakaraang taon. Ayon sa Punong Alkalde na si Antonio “Ony” A. Ferrer, patunay lamang ito ng patuloy na kompiyansa ng mga mamumuhunan sa bayan ng General Trias at sa mga reporma at programang ipinapatupad sa ilalim ng kanyang pamamahala.

Sa taong ito, binigyan din ng VIP treatment ang mga taxpayers na nagpoproseso ng kanilang business permit bilang pasasalamat sa kanilang kontribusyon sa patuloy na pag-unlad ng bayan. Libreng kape, tsokolate, kendi at biskwit ang handog ng BOSS sa mga kliyente. Mas komportable na rin ang taxpayers lounge sa pagdaragdag ng mga upuan, lamesa, air cooler at flat screen TV na may cable program.

Kamakailan ay kinilala ang bayan ng General Trias bilang 5th Most Competitive Municipality in the Philippines ng National Competitiveness Council.

by the Local Communications Group-Gen. Trias

Ika-5 ng Pebrero – Bandang 8:00 ng umaga nang magsimula ang programa para sa pamamahagi ng tulong pinansyal para sa mga magsasakang GenTriseño as pamamagitan ng Plant Now, Pay Later Program ng Munisipyo, sa ilalim ng pamunuan ni Mayor Antonio “Ony” A. Ferrer.  Ang malugod na pagbati ng pagtanggap ni Konsehal Walter “Tey” C. Martinez, Committee Chairman for Agriculture, ang nagbukas ng naturang programa.  Sinundan ito ng mensahe mula kay Vice Mayor Maurito “Morit” C. Sison na nagbigay-diin sa kahalagahan ng lalong pagpapayabong ng agrikultura sa ating bayan.

May kabuuang 103 magsasaka ang naabot ng nasabing tulong pinansyal na magsisilbing puhunan nila para sa darating na mga araw kung kailan magsisimula silang magpunla at magtanim.  Ang Plant Now, Pay Later Program ng Lokal na Pamahalaan ay inaasahang muling magiging mabisang paraan para maximize ang paggamit at productivity ng agricultural areas ng bayan at mabawasan ang mga itinuturing na idle lands o mga hindi napapakinabangang lupain.  Tinatayang nasa 1,117,500 piso na ang naipapahiram ng lokal na pamahalaan sa mga magsasaka sa 6,000 bawat ektaryang taniman.  Ito ay ika-9 na beses na ng pamamahagi sa ilalim ng nasabing programa.

by the Local Communications Group-Gen. Trias

Sa loob ng halos tatlong dekada, naging taun-taong misyon na ng mga Pinoy health professionals mula sa Chicago, Illinois, USA ang muling bumalik sa Pilipinas para ibahagi ang kanilang kaalaman at expertise para sa ikagagaling ng ating mga kababayan.  Ngayong 2014, mapalad na naging bahagi ang General Trias ng kanilang annual mission na nagdala ng tulong medikal sa mga nasalanta ng bagyong Yolanda sa Leyte at Marinduque.  Bukod sa check-ups at mga libreng gamot, bahagi din ng misyon ng mga doktor ng FEUMAANI ang libreng operasyon sa ospital ng lalawigan, General Emilio Aguinaldo Memorial Hospital.

Noong ika- 28 ng Enero ay isinagawa ng FEUMAANI, sa pangunguna ni Dr. Frank Montellano, at ng PMAC ang kanilang medical mission para sa mga GenTriseño sa Tropical Village Covered Court, Brgy. San Francisco.  1030 ang nabigyan ng libreng konsultasyon (466 adults, 534 pedia, and 30 OB-Gyne).  Dagdag pa dito, may 474 ang nabigyan ng libreng reading glasses.

Ang natapos na misyon ng ating mga kababayan mula sa Chicago ay naging isang matibay na patunay na ang diwa ng bayanihan at pagtutulungan ay buhay sa bawat Pilipino saan mang sulok ng mundo.  Sa pamamagitan ng kanilang tulong medikal, ang FEUMAANI at PMAC ay matagumpay ding nakapagbahagi ng pag-asa at inspirasyon, hindi lamang sa atin kundi lalo na sa mga kababayan nating higit na nangangailangan.

by the Local Communications Group- Gen. Trias

February 6, 2014, General Trias, Cavite – Pinangunahan ni Luis “Jon-Jon” A. Ferrer IV, Kinatawan ng Ika-6 na Distrito ng Cavite at Antonio “Ony” A. Ferrer, Punong Bayan ng General Trias ang ground breaking ng kauna-unahang pedestrian overpass sa nasabing distrito na ginanap sa Lyceum of the Philippines University – Cavite kung saan din ito itatayo. Sa kanyang pambungad na pananalita, binigyang diin ni Mayor Ony Ferrer ang kaginhawaan at kaligtasang dulot ng nasabing overpass sa mga estudyante at guro ng nasabing unibersidad maging sa mga commuters. Dagdag pa niya, ang proyektong ito’y sumisimbulo sa pagkakaisa,pagtutulungan at pagmamahal sa bayan. Malugod namang pinasalamatan ni Congressman Jon-Jon Ferrer ang lahat ng tumulong upang maisakatuparan ang proyektong ito na matagal niya nang minimithi. Lubos din ang pasasalamat ni Atty. Roberto Laurel, presidente ng Lyceum of the Philippines University sa magkapatid na Ferrer at ipinangako ang patuloy nilang pakikiisa sa magagandang adhikain ng lokal na pamahalaan upang lalong mapaunlad ang Bayan ng General Trias.

Dumalo rin sa nasabing ground breaking ang buong Sangguniang Bayan ng General Trias sa pangunguna ni Vice Mayor Maurito Sison, gayundin ang mga kinatawan ng DPWH sa pangunguna ni District Engineer Oscar dela Cruz, RW3 Construction sa pangunguna ng president nitong si G. Robert Ignacio na siyang contractor ng nasabing proyekto.

Ang Governors Drive Pedestrian Overpass ay may makabagong design na kinabibilangan ng lighting fixtures at dalawang elevator para sa mga persons with disabilities (PWDs). Inaasahang matatapos ito sa loob ng tatlong buwan.

by the Local Communications Group-Gen. Trias

Ika- 24 ng Enero, 2014 – Napiling gawing katuwang ng Cavite Librarians Association, Incorporated (CLAss) ang bayan ng General Trias para sa kanilang General Assembly at Forum kamakailan.  Ang nasabing pagtitipon ay ginanap sa General Trias Municipal Hall Audio Visual Room at dinaluhan ng 240 registered librarians at teacher librarians mula sa iba’t ibang pribado at pampulikong paaralan sa lalawigan.

Kaugnay ng forum, nagkaroon ng napapanahon at makabuluhang diskusyon ang mga namamahala ng ating mga aklatan base sa temang “The Vision of K-12 in the Library Programs.”  Ito ay pinangunahan ni Dr. Regi Rex Tosco ng Department of Education Cavite Division Office.  Matapos nito ay nagsagawa din ang asosasyon ng halalan para sa mga bago nilang opisyal kung saan ang ating Municipal Librarian na si Gng. Marissa Dimaranan ay nahalal bilang Auditor.

Binigyang pagkilala naman ng Philippine Librarians Association, Incorporated  ang Municipal Library ng General Trias na ngayon ay affiliated na rin sa National Library of the Philippines.  Ang Municipal Library ay malaki ang naitutulong sa mga mag-aaral at sa mga mamamayan sa pamamagitan ng pagbibigay ng libreng access sa kanilang koleksyon ng printed and non-printed materials na kakukunan ng iba’t ibang uri ng impormasyong pang-akademiko at recreational.

by the Local Communications Group-Gen. Trias

Sa unang buwan ng bagong taon ay muling naghatid ng bagong oportunindad panghanap-buhay ang Pamahalaang Lokal, sa pamumuno n gating Punong Bayan Antonio “Ony” A. Ferrer, sa pamamagitan ng Public Employment Service Office (PESO).  Ang pakikipag-ugnayan ni General Trias PESO sa Jedegal International Manpower Service, Incorporated ay nagbunga ng pagbubukas ng 400 bakanteng posisyon para sa mga factory worker patungong Taiwan.

Bunsod nito, nagsagawa ng Special Recruitment Activity (SRA) ang PESO noong January 21, 2014, Martes, na dinaluhan ng 374 aplikante.  179 kalalakihan at 195 kababaihan ang nagparehistro na agad sumailalim sa Pre-Employment Orientation Seminar, screening at interview kung saan may kabuuang 210 na aplikante ang hired on the spot.

by the Local Communications Group-Gen. Trias

Sa pagbubukas ng panibagong taon, nagbahagi ng isang makabuluhang mensahe ang ating Punong Bayan, Mayor Antonio”Ony” A. Ferrer, matapos ang unang flag raising ceremony para sa taong ito noong Lunes, ika-6 ng Enero.

Ayon kay Mayor Ony, bagama’t marami na ring maliliit na proyekto ang natapos noong 2013, ang nakaraang taon ay nagsilbing epektibong transition period kung saan itinugma ang mga internal systems ayon sa pangkalahatang programang inilatag ng bagong pamunuan.  Dagdag niya, nakatakda ngayong 2014 na mag-kickoff o agad na maumpisahan ang implementasyon ng mas malalaking proyektong tiyak na lalo pang magaangat ng kalidad ng serbisyo para sa mga mamamayan.

Bilang pasimula, agad na binuksan ang Business One-Stop Shop noon ika-2 ng Enero para sa mga magpaparehistro at magre-renew ng kanilang mga business permits.  Nagtutulungan ang mga kawani ng BIR, MENRO, RHU, BFP, MTO, at BPLO upang mabilis na maproseso ang mga dokumento at requirements para sa business permits. Kasabay ng mga ito ay nagbibigay assistance din ang lokal na pamahalaan sa business name registration sa DTI para sa mga bagong negosyo. Hinikayat ng Punong Bayan na samantalahin natin ang mga serbisyong ito habang maaga upang makaiwas sa penalties at iba pang disadvantages ng late registration.  Isa rin itong mabisang paraan para sa ating mga negosyante, maliit man o malaki, upang produktibong makibahagi sa pagpapalago ng bayan.

Ang BOSS ay bukas hanggang ika-7 ng Pebrero, sa halip na hanggang ika-20 ng Enero lamang, sa bisa ng isang resolusyon ng Sangguniang Bayan, upang mabigyan ng karagdagang araw ang marami nating kababayang negosyante.

Sa kanyang pagbati, muling binigyang diin ni Mayor Ony ang kahalagahan ng pagkakaisa at pagtutulungan ng bawat mamamayan para sa patuloy na pagunlad ng ating One and Only GenTri.

by the Local Communications Group-Gen. Trias

Ika-19 ng Disyembre 2013 – Pormal na iginawad ng Regional Development Council o RDC ng Regional IV-A (Calabarzon) sa Pamahalaang Bayan ng General Trias, na pinamumunuan ni Mayor Antonio “Ony” A. Ferrer, ang pagkilala bilang ika-lima sa isandaan at animnapu’t tatlong mga bayan (5^th Place out of 163 municipalities) sa 2013 Overall Municipalities Competitiveness Ranking na isinagawa ng National Competitiveness Council.

Matatandaang ang resulta ng pagaaral na ito ng NCC, na naisapubliko noong Hulyo ng nakaraang taon, ay base sa economic dynamism, governance efficiency at imprastraktura.  Minarapat ng RDC na magkaroon ng pormal na awarding ceremony para sa General Trias kasabay ng kanilang Full Council Meeting noong Disyembre bilang pagkilala sa husay ng bayan at nang sa gayundin ay makapagbahagi ng inspirasyon  sa iba pang mga bayan sa ating rehiyon.

Bilang kinatawan ng Bayan ng General Trias, tinanggap nina Engr. Ferdie Saria ng Municipal Planning and Development Council (MPDC) at Mr. Romel D. Olimpo ng Municipal Economic Enterprise and Investment Promotion Office (MEEIPO) ang plake ng pagkilala mula kina Ms. Agnes M. Espinas, OIC-Regional Director ng RDC at Ms. Marilou Toledo, Regional Director ng DTI sa seremonyang ginanap sa Calamba City.

by the Local Communications Group

General Trias, Cavite – In a simple ceremony held at the town plaza last Monday, December 9, 2013, the Local Government headed by Mayor Antonio “Ony” A. Ferrer gave recognition to the contribution made by the top corporate taxpayers of 2012. In his message, Mayor Ferrer emphasized the important role of private stakeholders and investors in the socio-economic progress of the municipality.

For this year, the awardees are as follows: Analog Devices Gen. Trias Corp – Top 1, American Power Conversion Corp. – Top 2, House Technology Industries – Top 3, The Purefoods Hormel Corp. – Top 4, JAE Philippines Inc. – Top 5, San Technology Inc. – Top 6, Eagle Ridge Golf and Country Club – Top 7, Magnolia Inc. – Top 8, Maxim Philippines Operating Corp. – Top 9 and Unilever Foods Phils. Inc. – Top 10.

Joining Mayor Ferrer are Vice Mayor Maurito C. Sison and members of the Sangguniang Bayan. This occasion also gave Mayor Ferrer an opportunity to relay his plans and programs to the company executives present and assure them of his administration’s continuous efforts to maintain an environment conducive for businesses.

by the Local Communications Group-Gen. Trias

Noong Lunes, ika-25 ng Nobyembre, binigyan ng pagkilala sa flag raising ceremony ng Pamahalaang Lokal ang Sangguniang Kabataan Federation President at Ex-Officio Member ng Sangguniang Bayan ng General Trias, Jayvie Arisa I. Simpan.  Bago magtapos ang termino ni Konsehala Arisa ngayong darating na ika-30 ng Nobyembre, nais ng ating mga pinuno na bigyan siya ng karampatang pagkilala bilang isang kabataang GenTriseño na naging mahusay na Youth Leader.

Sa kanyang mensahe, binigyang-diin ni Congressman Luis “Jon-Jon” A. Ferrer, IV, na hindi kailangang na nasa posisyon ang isang mamamayang nais maglingkod sa kanyang bayan.  Ang pagkakataong ibinigay kay Konsehala Arisa ay ginamit niya nang mabuti upang magsilbing modelo ng kabataang aktibong nakikilahok sa paghubog ng talento at talino ng kapwa nya kabataan.  Ang dedikasyon ni Konsehala Arisa ay patunay na magpapatuloy ang kanyang pagtulong sa mga mamamayan sa kabila ng pagtatapos ng kanyang termino.

Kinilala naman ni Mayor Antonio “Ony” A. Ferrer ang husay ni Konsehala Arisa bilang kasapi ng Sangguniang Bayan at bukod tanging SK Federation President na nakapagpasa ng ordinansa sa loob ng kanyang isa at kalahating taong termino.  Ang General Trias Tourism Code at ang Resolusyong humihiling sa kongreso na ideklarang non-working holiday ang ika-13 ng Disyembre bilang pagdiriwang sa pagkakatatag ng Bayan ng General Trias ay dalawa sa pangunahing katha ni Konsehala Arisa.  Ayon kay Mayor Ony, kung maraming SK leaders ang katulad ni Konsehala Arisa, hindi na kakailanganin pa ng reporma o abolisyon ng Sangguniang Kabataan.  Sinegundahan naman ito ni Vice Mayor Maurito “Morit” C. Sison na naniniwalang bata pa man si Konsehala Arisa ay nakapagiwan na siya ng pamana sa bayan sa pamamagitan ng kanyang mga ordinansa.

Tumanggap si Konsehala Arisa ng Plake ng Pagkilala sa harap ng kanyang pamilya, mga kapwa-opisyal ng SK, mga kasamahan sa Sangguniang Bayan at sa Pamahalaang Bayan.  Sa kanyang huling araw sa sesyon ng Sangguniang Bayan, ipinaabot ng pinakabatang Konsehal ang kanyang taos-pusong pasasalamat sa bawat kasama sa paglilingkod at sa mga itinuturing niyang mentors sa serbisyo at pamunuan.  Magiging huling proyekto ni Konsehala Arisa ang pangunguna sa pagdiriwang ng Linggo ng Kabataan sa darating na lingo kung saan magkakaroon ng eleskyon ng Little Youth Officials.  Matatandaang sa bisa ng isang batas na nilagdaan ng Pangulong Aquino noong ika-3 ng Oktubre, ipinagpaliban ang dapat sana ay eleksyon ng mga bagong kasapi ng Sangguniang Kabataan sa mga barangay noong ika-28 ng Oktubre sa dahilang may mga repormang nais ipatupad para sa sistema ng SK ang Kongreso kung kaya’t wala pang nakatalagang papalit sa mga outgoing SK leaders.

by the Local Communications Group- Gen. Trias

May 177 kabataan ang nahandugan ng libreng dental services sa pamamagitan ng isang Dental Mission na isinagawa sa pagtutulungan ng Rotary Club of Cavite Export Processing Zone (CEPZ), Rotary Club of Metro Dasmariñas, Rotary International Distrcit 2820 Japan and District 3810 Philippines, at ng Pamahalaang Lokas ng General Trias. Isinagawa ang nasabing proyekto as Bacao Elementary School noong ika-17 ng Nobyembre.

Nagkaroon ng paunang selection process ang Pamahalaang Lokal upang matukoy ang mga batang dapat magingpriority sa nasabing proyekto base sa kanilang pinansyal na katayuan at pangangailangan.  Samantala, pinamahalaan naman ng Rotary International ang pagiimbita ng mga volunteer dentists, pagbibigay ng mga gamot at paghahanda ng mga kagamitan.  Libreng bunot ng ngipin (tooth extraction) at pasta (dental filling) ang mga serbisyong inihatid sa mga batang edad 2 hanggang 6 na taong gulang mula sa mga Barangay Bacao I at Bacao II.

Bilang pasasalamat at pagkilala sa suportang ito ng Rotary International, hinandugan ng ating Punong Bayan, Mayor Antonio “Ony” A. Ferrer ang Rotary Club of Metro Dasmariñas at Rotary Club of Cavite Export Processing Zone ngCertificate of Appreciation.  Ayon kay Mayor Ony, ang kanilang paghahatid ng tunay na serbisyo sa ating pamayanan, lalo na sa kabataan, ay tunay na kahanga-hanga at dapat tularan.

by the Local Communications Group-Gen. Trias

Ang JobStart Philippines Program ay isa sa mga pangunahing programa ng Department of Labor and Employment (DOLE) katuwang ang Asian Development Bank (ADB) at Embassy of Canada.  Layunin ng programang ito na mas pagyamanin ang kakayahan ng mga mamamayang magkatrabaho, lalo na ang mga kabataan, sa pamamagitan ng pagbibigay sa kanila ng sapat na kaalaman at karanasan.  Napapaloob sa programang ito ang mga serbisyong tulad ng mentoring, career guidance and employment coaching, mga pagsasanay na teknikal, at on-the-job learning experience sa mga pribadong kompanya.

Para masigurong ang programang ito ay epektibong maipapatupad at direkta sa mga mamamayan, kinailangan ang pakikipagtulungan ng mga pamahalaang lokal.  Ang General Trias Public E,ployment Services Office (PESO)ay isa sa mga napili upang manguna sa implementasyon ng nasabing programa kaya’t noong ika-23 ng Oktubre, pumirma sa isang Memorandum of Undertaking sina Kgg. Antonio “Ony” A. Ferrer, bilang kinatawan ng bayan ng General Trias, Director Dominique Tutay ng Bureau of Local Employment at Regional Director Maria Zenaida Angara-Campita ng DOLE Region IV-A.

Dahil ang programang ito ay nakalaan para sa benepisyo ng mga kabataan, dumalo ang mahigit sa isang libong mga mag-aaral mula sa anim na mataas na paaralan sa General Trias, kabilang ang Governor Ferrer Memorial National High School (Main and Buenavista Annex), Fiat Lux Academe, Claremont School, Centennial Academy at Thomas Aquinas School.  Nagbigay ng mga mensahe sina Ms. Kelly Hattel ng ADB, Mr. Luke Myers ng Embassy of Canada at ang ating Punong Bayan, Mayor Ony Ferrer.  Nagsagawa rin ng paunang Career Guidance and Employment Coaching si Mr. Vincent Martinez ng DOLE Cavite.

Sa lalong madaling panahon ay sisimulan na ang aktwal na implementasyon ng programa kung saan isandaang mga kabataan ang makakatanggap ng full-cycle employment facilitation services mula sa Project Implementation Unit (PIU) ng JobStart Philippines.

by the Local Communications Group-Gen. Trias

Tinanghal na kampeon sa naganap na WCSU Meet na ginanap noong October 18-20 sa Naic ang mga kabataang manlalaro (Elementary at High School) ng General Trias.  Ang West Cavite Sports Unit ay binubuo ng anim na bayan sa kanlurang bahagi ng lalawigan kabilang ang General Trias, Maragondon, Naic, Tanza, Trece Martires City at Ternate.  Taun-taon ay ginaganap ang palarong ito upang mapagyaman ang mga abilidad ng mga kabataang Caviteño at mapili ang mga pinakamahuhusay na atletang lalahok sa Provincial Meet hanggang sa Palarong Pambansa.

Ayon kay Mr. Bienvenido Ferrer, Jr. na tumatayong Physical Education and School Sports Administrator ng DepEd District I, labintatlong taon (13 consecutive years) nang hawak ng Team General Trias ang pagiging Overall Champion sa Elementary Division.  Sa natapos na sports meet, champion ang mga batang GenTriseño sa mga sumusunod na sports events: Athletics (Boys & Girls), Volleyball (Boys), Basketball, Softball, Baseball, Tennis (Boys & Girls), Table Tennis (Boys & Girls), Chess (Boys & Girls), Football, at Swimming (Boys & Girls).

Samantalang sa High School Division naman, itinanghal ding Overall Champion ang Team General Trias.  Ayon kay Mr. Jun Paraiso, Assistant Athletic Manager ng General Trias Delegation, umani ang General Trias ng championship sa mga sumusunod na sports events: Basketball (Boys & Girls), Volleyball – Boys, Boxing, Swimming, Arnis, Baseball, Gymnastics (Boys & Girls), Athletics (Boys & Girls), Badminton (Boys & Girls), Chess (Boys & Girls) at Table Tennis (Boys & Girls).  Ika-limang sunod na taon na itong hawak ng Team General Trias High School Division ang titulo.

Ganoon na lamang ang tuwa ng ating Punong Bayan, Kgg. Antonio “Ony” A. Ferrer, sa karangalang muling iniuwi ng buong delegasyon ng kabataang manlalaro ng  General Trias na binubuo ng mga mag-aaral mula sa mga pampubliko at pribadong paaralan.  Hindi nabigo ang lokal na pamahalaan sa suportang ibinigay sa mga batang atleta kaya’t ang karangalang ito ay maituturing ding tagumpay ng buong bayan ng General Trias.  Karamihan sa mga atleta ay napili upang lumahok at kumatawan sa West Cavite sa darating na Provincial Sports Meet na gaganapin sa ika 20-23 ng Nobyembre sa Tagaytay City.

by the Local Communications Group-Gen. Trias

Upang mailapit ang isa sa mga pinaka-kinakailangan serbisyo ng mga mamamayan, lalo na sa mga magsisimulang maghanap-buhay, muling nakipag-ugnayan at nakipagtulungan ang lokal na pamahalaan sa National Bureau of Investigation (NBI) upang magkaroon ng NBI Clearance Issuance Center sa General Trias.

Ang NBI Clearance on wheels ay nagtagal ng tatlong araw sa munisipyo noong September 18 – 20, kung saan mabilis, epektibo at sistematikong nakapagbigay ng clearances sa 472 mga kliyente.  Halos limang daang mga GenTriseño ang hindi na kinailangang mamasahe at gumastos nang malaki upang makakuha ng clearance.  Ang convenient na serbisyong ito ay ika-anim na taon nang inihahatid ng NBI at ng lokal na pamahalaan sa pangunguna ni Mayor Antonio “Ony” A. Ferrer para sa benepisyo hindi lamang ng mga taga-General Trias kundi maging ng ilang mga mamamayan mula sa mga kalapit na bayan.

by the Local Communications Group-Gen. Trias

Fuji Xerox Philippines, a subsidiary of Fuji Xerox Company Limited (a joint venture of Fuji Photo Film and Xerox Corporation) the company that has popularized and reinvented copying machines and digital commercial printing, has opened up a new branch along EPZA-Bacao Diversion Road, near the Cavite Economic Zone, General Trias. This shows the continuous trust and confidence of investors to the Local Government of General Trias, as it promote a business-friendly environment under the administration of Mayor Antonio “Ony” A. Ferrer. Recently, General Trias was cited as among the top municipalities with regards to competitiveness and economic dynamism.

The Blessing and Opening Ceremony of the establishment was held last September 18, 2013.  The President of Fuji Xerox Philippines, Mr. Iwao Abe (center) and company executives, together with Vice Mayor Maurito “Morit” C. Sison, Mayor Antonio “Ony” A. Ferrer, and Councilor Jing-Jing Hernandez of Rosario (rightmost) graced the ceremony.

by the Local Communications Group-Gen. Trias

The Council of Deans and Educators of Business (CODEB) Region IV-A, an organization of tertiary educational institutions offering business courses in CALABARZON, sought the partnership of the Municipal Government for the 7th Student Summit for future business professionals. The successful event was held in the General Trias Cultural and Convention Center last September 18, 2013. The Summit aimed to orient business students on product and personality branding and to develop among them partnership, camaraderie and networking. It was participated in by almost 2000 business students from 18 colleges and universities from various parts of the region.

The current president of CODEB and LPU-Cavite’s VP for Administration and Registrar, Ms. Maria Teresa O. Pilapil, formally opened the event at around nine in the morning. Honorable Mayor Antonio “Ony” A. Ferrer, through Vice Mayor Maurito “Morit” C. Sison, warmly welcomed the guests and participants with an inspiring message.

The Governor, Honorable Juanito Victor “Jonvic” C. Remulla, Jr., through Board Member Rex Mangubat of Dasmarinas, emphasized the importance of a good reputation and effective branding in business. Cavite has gone a long way. From its reputation as home province of notorious gang leaders and M-16s several decades ago, it has become one of the economic powerhouses of the region as it has rapidly gained positive reputation. Vice Governor, Honorable Jolo Revilla, also extended his greetings through Atty. Katherine Mayuga-Perez, which was followed by an intermission number by Louise Delos Reyes of GMA Artists Center who is a student of LPU Cavite.

The first session of the Summit featured Binalot Fiesta Foods, which was the first quick service food chain that popularized the use of banana leaves. Ms. Maricris Antonio, Operations Manager discussed how innovation, pride for Filipino heritage and making use of indigenous and eco-friendly resources hit several birds for the Binalot business. A number of questions were raised after the presentation which the speaker was able to answer sufficiently, to the delight of eager students.

The second speaker, Mr. Pocholo Gonzales, a known personality in the voice industry (radio drama, dubbing, voice coaching, etc.) made his presentation very interesting by his live demonstration of a radio drama that he created. Through careful cultivation of his craft, he was able to reach greater heights of success. According to him, instead of chasing or following our dreams, we should lead them to realization.

A trade fair and exhibit was also held in conjunction with the program. A total of eleven small- and medium-scale enterprises, which are proudly Caviteno, were able to showcase various products ranging from food, delicacies, indigenous crafts and interesting finds. The program was concluded by Dr. Amado Magsino, President Emeritus of CODEB.

by the Local Communications Group-Gen. Trias

Ang mga kawani ng ating pamahalaang lokal ang silang mga direktang nakikipag-ugnayan sa mga mamamayan sa pamamagitan ng iba’t ibang serbisyong kanilang inihahatid sa mga kliyente.  Upang matiyak na sila ay may sapat na kakayahan at kaalamang naaangkop sa kani-kanilang mga gawain, ipinatutupad ng Civil Service Commission (CSC) ang mga panunutunan sa pagpapanatili ng propesyunalismo at dekalidad na serbisyo sa mga kawani ng gobyerno.

Ang Performance Evaluation System o PES ay isa sa mga pangunahing paraan upang masukat ang kalidad ng output at efficiency mga empleyado ng pamahalaan.  Ngunit bunga ng masusing pag-aaral, inirekomenda ng CSC na ang bawat tanggapan ng pamahalaan, kabilang ang local government units (LGU), ay magpatupad ng Strategic Performance Management System (SPMS) at Strategic Human Resource Plan (SHRP) kapalit ng PES.

Mula pa sa mga unang araw ng panunungkulan ng Punong Bayan, Kgg. Antonio “Ony” Ferrer, ay binigyang diin na niya ang dedikasyong mas pagbutihin ang serbisyong hatid ng bawat kawani sa mga GenTriseño.  Alinsunod dito ay daglian ang naging pagtugon ng lokal na pamahalaan sa direktiba ng CSC.  Noong ika 10-12 ng Setyembre, ang mga kawani ng Pamahalaang Bayan ng General Trias ay agad na sumailalim sa isang seminar workshop patungkol sa SPMS at SHRP na pinangunahan ng Civil Service Commission Cavite and Batangas Field Offices Directors, Bb. Charity Arevalo at Bb. Maria Theresa Poblador.

Sa ilalim ng mga bagong sistemang ito, magiging mas malinaw ang direksyon ng bawat kawani dahil iaangkla ang kani-kanilang mga gawain sa pangunahing pananaw at adhikain ng munisipyo.  Gayundin, detalyadong mailalatag ang mga hakbang para matagumpay na maisasakatuparan ang bawat layunin base sa kakayahan at pangangailangan ng mga manggagawa.  Sa pamamagitan din nito, mas madaling malalaman ang mga aspeto at kakayahang dapat pagyayamanin o baguhin (areas for improvement) ng indibidwal at ng organisasyon.

Sa kasalukuyan ay unti-unti nang nabubuo ng Human Resource Management Office at ng mga key officials and employees ang Strategic Performance Management System (SPMS) at Strategic Human Resource Plan (SHRP) na kanilang isusumite sa CSC upang maaprubahan.  Inaasahang sa pagpapatupad ng mga sistemang nabanggit ay lalo pang magiging masigasig ang bawat empleyado sa mahusay na paglilingkod sa mga mamamayan.

by the Local Communications Group-Gen. Trias

Kasabay ng pagsisimula ng bagong administrasyon sa Bayan ng General Trias ay ang paglalatag ng mga konkretong programa at proyekto. Upang matagumpay na maisakatuparan ang mga ito, kailangang magkatugma ang mga magiging hakbang ng mga sangay sa ilalim ng tagapagpaganap (executive) na pinangungunahan ng Punong Bayan at ng sangay ng lokal na pagbabatas (legislative) na binubuo ng Sangguniang Bayan.  Kaugnay ng maayos na implementasyon, kinakailangan ding tiyakin na ang mga kawani ay may sapat na kakayahan at kaalaman.  Para sa mga layuning ito, ang pamahalaang local ay nagsagawa ng Formulation Workshop of the Executive-Legislative Agenda (ELA) and Capacity Development Agenda noong Setyembre 4 at 5 sa General Trias Sports Park na pinamunuan ng Municipal Planning and Development Office, katuwang ang MLGOO-OIC Jerome Lingan at ang Provincial DILG Team.  Ang programa ay binuksan ni Kgg. Maurito “Morit” Sison kasunod ang mensahe ng Punong Bayan, Kgg. Antonio “Ony” Ferrer.

Ang Executive-Legislative Agenda (ELA)

Napapaloob sa ELA ang kabubuang plano ng pamahalaang lokal para sa isang termino na katumbas ng tatlong taong paglilingkod ng mga halal na opisyal.  Kasama dito ang mga pangunahing hakbang, programa at proyekto na nakasentro sa adhikaing lalong paunlarin ang bayan at mga mamamayan ng General Trias at kung paano epektibong maisasagawa ang mga ito.  Sa pagtatapos ng workshop, nailatag ang mga sumusunod:

• bagong pangkalahatang pananaw at adhikain (Vision and Mission) na magsisilbing gabay sa bawat hakbang ng Pamahalaang Lokal;
• mga tugon sa mga isyung kaugnay ng limang aspeto ng mga serbisyong inihahatid ng pamahalaang lokal: pang-administratibo, pampamayanan, pang-ekonomiya, pangkapapaligiran at maayos na pamamahala (good governance);
• mga tukoy na layunin at pangunahing proyekto at programang ipatutupad;
• mga angkop na indicators na magsisilbing panukat kung naging matagumpay ang pagtugon sa limang aspeto ng serbisyong nabanggit; at
• Capacity Development Agenda

Bagong Pananaw at Adhikain

VISION

                 General Trias is globally competitive, a center for sustainable economic activity in the region where God-fearing, dynamic and cooperative people live in a safe, green and healthy environment, with sufficient and modern infrastructure facilities, led by responsible leaders.

MISSION

                The municipal government in its quest for cityhood commits to exercise good governance, provide basic socio-economic services and ensure sustainable development.

by the Local Communications Group- Gen. Trias

September 11, 2013 –  Another Job Fair was successfully conducted by the Local Government of General Trias headed by Mayor Antonio “Ony” A. Ferrer through the Public Employment Services Office (PESO) in cooperation with the Gateway Business Park Human Resource Group in General Trias Convention Center last Wednesday, September 11, 2013.

Approximately 569 jobseekers registered and joined the activity, of which 405 are Gentriseños and 164 are from nearby towns.  In addition to Gateway Business Park Locator Companies, Coca-Cola, Raquel Pawnshop and JR&R are among the employers that participated.  76 applicants were hired by the end of the activity, while others will undergo further evaluation.

Aside from bridging the physical gap between employers and jobseekers, the Job Fair also served as a one-stop shop for essential government service applications and processes as personnel from the Social Security System (SSS), Pag-Ibig Fund and National Statistics Office also set up their booths for clients.  Community Tax Certificate issuance, free blood typing and ECG services were also made available.

by the Local Communications Group- Gen. Trias

Ang ating kapulisan ang pinagkakatiwalaan nating magtatanggol sa atin at magpapanatili ng kapayapaan at kaayusan ng ating bayan, ngunit paano kung sila ay lumampas sa kanilang limitasyon o di kaya’y hindi maayos na nagagampanan ang kanilang sinumpaang tungkulin?

Na ayon sa Republic Act 6975 o DILG Act of 1990, ang bawat bayan ay dapat bumuo ng People’s Law Enforcement Board (PLEB) na siyang magiging tagapagbantay ng mga mamamayan mula sa mga abusadong pulis.  Noong unang araw ng Agosto ay nanumpa na ang mga bagong opisyal ng PLEB ng Bayan ng General Trias sa Tanggapan ng Punong Bayan, Mayor Ony Ferrer.

Ang kasalukuyang PLEB ay binubuo nila Kon. Lamberto Carampot, Kgg. Gary Grepo (Pangulo ng Liga ng mga Barangay), Atty. Eufracio Fortuno, at Atty. Fernando Viniegra IV, sa pamumuno ni Atty. Francesca R. Custodio.  Itinalaga din bilang kalihim si G. Alex Fernando at bilang Process Server naman si G. Roberto Samartino.  Silang lahat ay manunungkulan sa kanilang mga naturang posisyon sa loob ng dalawang taon.

Ang PLEB ay naatasang magbigay ng desisyon sa mga kasong ihahain sa kanila ng sinumang indibidwal na magsasampa ng reklamo laban sa mga hindi kaaya-ayang ginagawa ng mga miyembro ng kapulisan.  Gayundin, sila ay maaring magpataw ng kaampatang parusa sa mga mapapatunayang nagkasala at umabuso sa kanilang mga tungkulin.

Bukod sa PLEB ay maari din nating ilapit ang ating mga hinaing sa hepe ng pulisya at sa ating Punong Bayan.  Umaasa ang mga miyembro ng PLEB na magiging mapagmatyag ang mga GenTriseño upang tulong-tulong nating panatilihin ang epektibo, malinis at tapat na pamamahala sa ating bayan.

by the Local Communications Group-Gen. Trias

Last July 30, the National Competitiveness Council (NCC) released its report on theMostCompetitiveCitiesand Municipalities in the country.  The ranking was based from the following criteria: economic dynamism (business registration, employment, growth in gross sales, financial institutions, etc.), government efficiency (revenue collection, investment promotion, crime incidence, educational capacities, health services, etc.) and infrastructure (road networks, accessibility to basic utilities, health facilities, tourism-related establishments, etc.). Cagayan De Oro topped the ranking for cities whileSan Franciscoin Agusan Del Sur ranked first among the municipalities.  This report was further validated byBatangasStateUniversity.

Clearly, efforts of the local government to continually improve the status of General Trias in its various aspects such as business activity, employment, efficiency in public service and infrastructure development are paying off.  Aside from the honor of being included in the top five out of the 1,491 municipalities in the country, the ranking will also help General Trias in gaining more investors as they tend to do business in areas with stable business environment and generally good status.  More investments will also mean more opportunities for the GenTriseños in terms of employment, entrepreneurship, and overall development.  Thus, the good news hits several birds in one stone.

Also in the top five most competitive municipalities are Guagua (Pampanga), Carmona (Cavite) and Daet (Camarines Norte).

Article based on www.abs-cbnnews.com and www.business.inquirer.net

by the Local Communications Group-Gen. Trias

Upang matustusan ng isang pamilya ang kanilang mga pangunahing pangangailangan sa pagkain, damit at tirahan, mahalagang magkaroon sila ng disenteng hanap-buhay o mapagkakakitaan.  Karamihan sa ating mga kababayan ngayon ay namamasukan bilang mga empleyado ng iba’t ibang kumapanya upang kumita ngunit hindi maikakailang dumarami na rin ang pinipiling magbukas ng kanilang mga sariling negosyo at binabansagang mga EntrePinoys.

Sari-saring oportunidad ang nabubuksan para sa mga GenTriseño sa pamamagitan ng iba’t ibang livelihood trainings na inihahandog ng pamahalaang lokal sa pamamagitan ng Municipal Social Welfare and Development Office.  Noong ika-31 ng Hulyo ay muling nagkaroon ng culminating activity para sa 23 na nagsipagtapos ng kanilang pagsasanay sa Bread and Pastry Production at 30 sa Massage Therapy.  Dinaluhan ito ng mga opisyal ng bayan sa pangunguna ni Mayor Ony Ferrer at Vice Mayor Morit Sison.  Dumalo rin upang magbigay ng kanyang mensahe si Kon. Kerby Salazar.  Sa kanyang mensahe, masayang inanunsiyo ng Punong Bayan, Mayor Ony Ferrer, ang kanyang planong pagpapatayo ng mas malaki at makabagong livelihood training center para sa mga GenTriseno upang mas maraming kababayan ang maengganyo at ma-accommodate ng mga proyektong pangkabuhayan.

“Give a man a fish and you have fed him for a day; Teach him how to fish and you have fed him for a lifetime.”  Naniniwala ang ating mga lingkod bayan na sa pamamagitan ng pagbabahagi ng mga bagong kaalaman sa mga GenTriseño, nagiging abot-kamay ang mas maunlad na kinabukasan.

by Local Communications Group-Gen. Trias

July 17, 2013.  Katuwang ang Pisces International Placement Corporation, nagsagawa ng recruitment activity para sa overseas employment ang Public Employment Service Office bilang panimula sa marami pang nakalatag na aktibidad at proyekto sa ilalim ng pamamalakad ni Mayor Antonio “Ony” A. Ferrer.

Nagbukas ang Pisces International Placement Corporation ng oportunidad para sa ating mga kababayan na maghanapbuhay sa Saudi Arabia (KSA) bilang domestic helper para sa mga kababaihan at construction worker naman para sa mga kalalakihan.  Sa tala ng Municipal PESO, may 73 katao ang nagparehistro para sa nasabing recruitment activity kung saan 60 ay kalalakihan at 13 ang kababaihan.  Sa mga nagparehistro, dalawang kababaihan ang agarang naaprubahan ang aplikasyon at nakatakdang umalis patungong KSA sa lalong madaling panahon.  Samantala, ang natitirang 71 ay sasailalim pa sa ilang interviews.

Hindi pa man nagtatagal ay nagbubukas na ang maraming oportunidad para sa mga Gentriseño.  Tiyak na maasahan natin ang mas marami pang positibong pagbabago para sa Bayan ng General Trias sa darating na mga araw dala ng masigasig na paglilingkod ng Team Gentri.

 by Local Communications Group-Gen. Trias

Matapos ang mapayapa at malinis na halalang ginanap noong Mayo, dumating na ang panahon upang magsimula ang panunungkulan ng mga napili nating mamuno sa ating mahal na Bayan ng General Trias, gayundin ang kakatawan sa Ika-anim na Distrito ng ating lalawigan sa Kongreso.  Ika-28 ng Hunyo, Biyernes, nang magtipon-tipon ang buong Team GenTri sa General Trias Convention Center upang manumpa sa kanilang tungkulin at opisyal na tanggapin ang mga responsibilidad na kaakibat ng kanilang mga posisyon.  Nagsidalo rin ang kanilang mga pamilya, mga kaibigan at kaalyado mula sa mga bayan ng Tanza, Amadeo at Trece Martires, at mga tagasuporta.

Bilang Panauhing Pandangal, nag-iwan ng makabuluhang mensahe si Gov. Juanito Victor “Jonvic” C. Remulla ukol sa mabilis at patuloy na pag-unlad ng Bayan ng General Trias at ang malaking posibilidad nitong maging lungsod sa loob ng darating na tatlong taon.  Magiging kabawasan man daw ito sa kaban ng lalawigan, ayon sa Gobernador, ito naman daw ay magdudulot ng lalong paglago ng Bayan na siya rin naman nilang hinahangad sa pamunuang panlalawigan.  Nagpahayag din ng kanyang pagsang-ayon sa panukalang ito si Bise-Gobernador Ramon “Jolo” H. Revilla III.  Aniya, makakaasa ang Bayan ng General Trias sa kanyang suporta bilang pinuno ng Sangguniang Panlalawigan.

Gayon na lamang ang pasasalamat ng buong Team GenTri sa suporta at pagmamahal na ipinamalas ng taumbayan noong nakaraang eleksyon.  Ngayon ay opisyal nang miyembro ng Sangguniang Bayan, na pamumunuan ni Vice Mayor Maurito “Morit” C. Sison, sina Kon. Walter Martinez, Kon. Jonas Glyn Labuguen at Kon. Florencio Ayos.  Makakasama sila ng mga muling nahalal na sina Kon. Kerby Salazar, Kon. Christopher Custodio, Kon. Lamberto Carampot, Kon. Richard Parin, at Kon. Mario Amante.

Mainit na pagsalubong at pagbati ang iginawad sa bago nating Punongbayan na si Atty. Antonio “Ony” A. Ferrer na dating kinatawan ng ating distrito sa Kongreso.  Sa kanyang mensahe, bukod sa kanyang taos-pusong pasasalamat, ay ipinahayag din ni Mayor Ony ang kanyang bisyon para sa ating bayan.  Bukod sa pagnanais na ito ay maging lungsod, magiging focus din ng kanyang liderato ang Good Governance at pagpapatag ng dekalidad na serbisyo publiko para sa mga GenTriseño.

Magkahalong emosyon naman ang hatid ng mensahe ng bagong Kinatawan sa Kongreso ng Ika-anim na Distrito na si Cong. Luis “Jon-Jon” A. Ferrer IV.  Sa pagtatapos ng kanyang ikatlong termino bilang Punongbayan ay nagpasalamat siya sa lahat ng kawani at mamamayan ng General Trias.  Ayon sa kanya, ang ano mang narating at naabot ng  bayan ay bunga ng pagtutulungan at pagpupunyagi ng bawat isa.  Panatag siyang maiiwan ang GenTri sa mas mahusay na mga kamay.  Gayundin, ikinagagalak niyang mabigyan ng panibagong mandato at pagkakataon upang makapagsilbi at makapaghatid ng serbisyo sa mas maraming mamamayang Caviteño sa ating distrito.  Maipagmamalaki nating sa kasaysayan ng pagkakalikha sa Ika-anim na Distrito ng Cavite, pawang mga anak ng General Trias ang mga nahirang na Kinatawan nito.

Sa panibangong simulang ito, hiniling ng ating mga bagong pinuno ang ating patuloy na pagkakaisa at pagtutulungan para mas marami pang magandang pagbabago para sa mga GenTriseño.

by Local Communications Group- Gen. Trias

Ika-1 ng Hulyo, 2013.  Ang unang Flag Raising Ceremony ng buwan ay nataon sa unang araw din ng panunungkulan sa Bayan ng General Trias ng mga bagong halal na opisyal ng lokal na pamahalaan.  Hindi sinayang nina Vice Mayor Maurito “Morit” C. Sison at Mayor Antonio “Ony” A. Ferrer ang pagkakataong ito upang maiparating sa mga kawani ng Pamahalaang Bayan ang nais nilang maging direksyon ng bagong administrasyon at hingin ang kanilang suporta para sa mga darating na proyekto.

Binigyang-diin ni Mayor Ony na sa ating pang-araw-araw na gawain sa munisipyo, bilang mga kawani ng gobyerno, lagi dapat nating unahin ang mga mamamayan.  Bilang mga taxpayers, ang mga mamamayan ang pangunahing tumutustos at dahilan ng operasyon ng ating pamahalaan kung kaya’t karapat dapat lamang na sila ang ating maging top priority.  Ang unang hakbang na ito, ayon sa ating Punongbayan, ay maisasagawa sa ilang paraan. Kasama na rito ang pagpasok nang maaga sa takdang oras at pagbibigay ng agarang pansin sa pangangailangan ng ating mga kliyente.  Sa pamamagitan din nito, masasalamin kung gaano natin pinahahalagahan ang tiwalang ibinigay ng taumbayan sa ating mga bagong pinuno.

Hinimok rin ng Punongbayan ang bawat bagong halal na opisyal na manindigan sa mga pangako at platapormang binitiwan noong panahon ng kampanya.  Aniya, sila ay tatalima sa tungkulin at muling haharap at mag-uulat sa Bayan matapos ang unang isandaang araw nila sa panunungkulan.

by Local Communications Group-Gen. Trias

Mahigit sa inasahang isang libong (1000) kabataan ang nagsidalo sa ginanap na Youth Leaders Summit noong ika-10 ng Mayo sa General Trias Cultural and Convention Center. Bagama’t  ito ay pinangunahan ng Sangguniang Kabataan Federation ng Gen. Trias katulong ang JCI General Trias – Katipunan, naging bukas ito sa lahat ng mga kabataan mula sa mga bayan na bumubuo sa Ika-anim na Distrito ng Cavite.  Bukod sa layuning nitong pagyamanin ang mga kakayahan ng kabataan ay naging instrumento din ito upang isulong ang mas matibay na pagkakaisa at pagtutulungan ng mga kabataan ng mga bayan ng Amadeo, General Trias, Tanza at Trece Martires.

 Ang Summit ay dinaluhan ng mga opisyal ng lokal na pamahalaan ng General Trias sa pamumuno ni Hon. Luis “Jon-Jon” Ferrer IV at mga konsehal ng Bayan.

Tampok sa Youth Leaders Summit ngayong taon ang apat na seminar/workshops patungkol sa mga napapanahong isyu na kinakaharap ng ating mga kabataan.  Tinalakay ng mga resource persons ang mahahalagang papel ng kabataan sa lipunan sa aspeto ng Volunteerism (Ms. Maria Teresa Pacis), Social Entrepreneurship (Paulo Victor Aquino) , Social Media Awareness (Michael Sy-Lim) at Youth Empowerment (Mikael Daez).

Ang katatapos pa lamang na proyektong ito ay magsisilbing panimula para sa mga parating pang programa para sa lalong pagpapatatag ng sektor ng mga Kabataan, isang adhikaing mapagtatagumpayan sa pamamagitan ng patuloy at masigasig na pagtutulungan, hindi lamang ng mga lider ng ating pamahalaan kundi pati na rin ng bawat mamamayan.

by Local Communications Group- Gen. Trias

Kasabay ng pagdiriwang ng Araw ng Paggawa (Labor Day) noong ika-1 ng Mayo, muling kinilala ang mga natatanging anak ng Bayan ng General Trias sa ika-54 Gawad Parangal. May 670 mga kabataan ang binigyan ng pagkilala para sa kanilang ipinamalas na husay at talino kabilang ang 360 mag-aaral sa elementarya, 185 mag-aaral sa sekondarya, 19 nagsipagtapos ng kolehiyo at 43 mga bagong propesyunal sa iba’t ibang larangan.

Sa kanyang pagbati, muling hinikayat ni Mayor Jon-Jon Ferrer ang mga kabataan na lalo pang magsumikap sa kanilang pag-aaral at ipagpatuloy ang pagbibigay karangalan sa ating mahal na bayan. Ayon sa kanya, hindi dapat maging hadlang ang kahirapan upang makamit ang tagumpay sapagkat ang suporta ay laging nariyan mula sa mga lingkod-bayang gaya niya na naniniwala sa kakayahan ng mga kabataan.

Samantala, nagbigay inspirasyon naman sa mga honorees ang kwento ng pagsusumikap na ibinahagi ng panauhing pandangal na si Dr. Jonathan Luseco, Medical Officer V ng ating Municipal Health Office. Nagsimula siya bilang isang nurse, nagtrabaho sa ibang bansa at ipinagpatuloy ang pag-aaral ng medisina sa sariling pagsusumikap. Bilin niya, pahalagahang mabuti ang ating mga pangarap at gawin natin ang lahat upang makamtan ito.

Puno naman ng pasasalamat ang kinatawan ng mga honorees na si Bb. Marjorie Joyce Aguas na nagtapos nang Summa Cum Laude mula sa FEU dahil bukod sa pagkilalang natanggap, siya rin ay isang academic scholar na nabigyang tulong ng ating pamahalaang lokal. Nagbahagi din siya ng tatlong mahahalagang bagay na naging epektibong panuntunan niya upang makatapos nang may karangalan – kasipagan, tiyaga at gabay ng Maykapal.

Tunay ngang isa nang tradisyon sa bayan ng General Trias ang Gawad Parangal. Sa pamamagitan nito, hindi lamang pagkilala ang naibibigay sa ating mga mahuhusay na kabataan, nagiging instrumento din ito upang patuloy nating pagyamanin ang kaalaman at pagsusumikap patungo sa pag-abot ng mga pangarap.

by Local Communications Group-Gen. Trias

Sa kasalukuyan, ang tuberculosis ay ika-anim sa mga leading causes of death sa ating bansa ayon sa DOH.  Tinatayang may 107 Pilipino ang namamatay araw-araw dahil sa sakit na ito kung kaya’t ang ating pamahalaan ay patuloy na nagsasagawa ng mga hakbang upang malunasan ang ating mga mamamayang mayroon nito, mapigil ang pagkalat nito, at tuluyang masugpo ang TB.  Alinsunod sa National Tuberculosis Program (NTP) ng Department of Health, ang bawat lokal na pamahalaan ay nararapat magkaroon ng kaukulang programa laban sa TB.  Sa General Trias, bukod sa aktibong pagkilos ng Rural Health Unit (RHU) at ng mga Directly Observed Treatment Shortcourse (TB-DOTS) Centers, epektibong napababa ang insidente ng TB sa buong bayan.  Dahil dito, ginawaran ng Culion Foundation, Incorporated ang General Trias RHU ng pagkilala sa kanilang kontribusyon at epektibong Anti-TB Program.

Sa pakikiisa ng bayan ng General Trias sa pagdiriwang ng World Tuberculosis Day nitong March 25, mas pinaigting pa ng pamahalaang bayan, kasama ang Culion Foundation, Incorporated, ang kampanya laban sa TB.  Kasunod ng regular flag raising ceremony, kinilala at nanumpa ang mga bagong community based volunteers na magiging katuwang sa pagpapalaganap ng kaalaman at pagsugpo sa tuberculosis sa mga komunidad at barangay.  Pinangunahan ni Konsehal Kerby Salazar, Chairman of Committee on Health and Sanitation ng ating Sangguniang Bayan, at Municipal Administrator Hernando Granados ang pagkilala sa mga volunteers mula sa iba’t ibang mga barangay.

Ginawaran din ng pagkilala at plaque of appreciation ang Culion Foundation, Incorporated para sa kanilang suporta at pakikipagtulungan sa pamahalaang bayan para sa layuning mapanatili ang kalusugan ng bawat mamamayan at maging TB-free Municipality.

Samantala, tinalakay ni Ms. Melinda D. Buñag, CFI Project Team Leader, ang mga detalye ng naturang partnership project sa pagitan ng Bayan ng General Trias at ng Culion Foundation, Incorporated.  Ang TB Control Program ay isa na namang halimbawa ng mahusay na pagtutulungan ng pamahalaan at ng pribadong sektor o Public-Private Partnership (PPP).

Nagbahagi naman ng kanilang mga mensahe sina Ms. Minda Lingan, ang ating Provincial NTP Coordinator, at Dr. Ma. Corazon S. Ariosa, ang Executive Director ng Culion Foundation, Incorporated.  Nagpasalamat sila sa epektibong pagpapatupad ng Bayan ng General Trias ng mga hakbang upang patuloy na mabawasan ang insidente ng TB at sapat na malunasan ang sakit.

Taliwas sa paniniwala ng marami, ang TB ay sakit na nagagamot at naiiwasan.  Hindi dapat mahiya kung mayroon nang sintomas nito, bagkus ay dapat na komunsulta agad sa doktor upang mabigyan ng karampatang lunas.  Sa pamamagitan ng sapat na kaalaman, pagkakaisa at pagtutulungan, ang katuparan ng mas malusog at TB-Free General Trias ay madali nating makakamtan.

by Local Communications Group-Gen. Trias

Dito po sa Bayan ng General Trias, laging top priority ang kalusugan ng mga mamamayan.  Naniniwala ang ating Pamahalaang Bayan na ang malulusog at produktibong mga mamamayan ang magiging matatag na pundasyon ng patuloy na pag-unlad ng ating bayan.  Kung kaya’t sa pamamagitan ng sipag at maayos na pakikipag-ugnayan sa iba’t ibang mga ahensya ng gobyerno, matagumpay na nakakahingi ng tulong ang ating pamahalaang bayan, sa pangunguna ni Hon. Luis “Jon-Jon” A. Ferrer IV, para sa karagdagang mga serbisyo para sa mga GenTriseño.

Nito lamang ika-26 ng Marso ay tinanggap ni Mayor Jon-Jon at Konsehal Kerby Salazar ang Php 660,000-worth ng mga pangunahing gamot mula sa Philippine Charity Sweepstakes Office (PCSO) sa pamamagitan ni Director Maria Aleta Tolentino.  Ang mga nasabing gamot ay ipinamahagi sa tatlumpu’t tatlong (33) barangay na mataas ang pangangailangang pangkalusugan (Php 20,000-worth of medicines per barangay).

Ipinaabot nina Mayor Jon-Jon at Konsehal Kerby ang pasasalamat mula sa buong bayan ng General Trias para sa tulong donasyon ng PCSO nang may pag-asang magpapatuloy ang suporta ng PCSO sa mga susunod pang mga proyektong pangkalusugan sa ating bayan.

by Local Communications Group-Gen.Trias

Ang mabigat na daloy ng trapiko sa Manggahan Junction ay isang problemang iniinda ng mga motorista.  Dahil bahagi ito ng Governor’s Drive na isa sa mga pangunahing kalsada sa lalawigan, dagdag ang mga patuloy na dumaraming commercial establishments at paaralang malapit dito, hindi talaga maiiwasang magkarami ang mga sasakyan at commuters lalo na tuwing rush hours.  Ilang traffic management schemes na ang sinubukan upang mapabilis ang pagdaloy ng mga sasakyang dumaraan dito.

Upang matugunan ang problema ng trapiko sa Manggahan Junction, nagkaisa ang Pamahalaang Bayan ng General Trias, ang kinatawan ng Ika-anim na Distrito ng Cavite at ang Suntrust Properties, Incorporated, na pagtulungan ang isang proyektong makakabawas sa dami ng sasakyang gumagamit ng nasabing intersection.  Sa pangunguna nina at Congressman Antonio “Ony” A. Ferrer at Mayor Luis “Jon-Jon” A. Ferrer IV, pormal na binuksan ang Governor’s Drive-Governor’s Hills Diversion Road noong March 11, 2013 sa pamamagitan ng isang Ceremonial Ribbon Cutting and Inauguration Program.  Dinaluhan ito ng mga kinatawan ng Suntrust Properties, Incorporated, mga Department Heads ng lokal na pamahalaan, mga kapitan ng barangay, at ng mga residente ng Governor’s Hills.  Kasama sa inauguration program ang pirmahan ng isang Memorandum of Agreement (MOA) sa pagitan ng General Trias LGU, Office of the Representative of the 6^th District of Cavite at Suntrust Properties, Inc. patungkol sa improvements, operation and maintenance para sa diversion road.

Ang 15-meters by 600-linear meters 2-lane diversion road na ito ay pinondohan mula sa Priority Development Assistance Fund (PDAF) ni Congressman Ony Ferrer na nagkakalahaga ng mahigit-kumulang sampung milyong piso (Php 10M).  Ito ay magsisilbing alternatibong daan ng mga sasakyan papunta sa mga barangay ng Biclatan, Javalera, Panungyanan at Alingaro, at sa mga bayan ng Amadeo, Silang at Tagaytay.  Gayundin, ang mga sasakyang galing sa mga nasabing lugar ay maari nang makaiwas sa mabigat na trapiko sa Manggahan kung sila’y papuntang Dasmariñas at ibang bayan sa gawing hilaga ng Cavite.  Dahil hagip ng kalsadang ito ang isang pribadong subdivision ng Suntrust Properties, Inc., bukas ito sa publiko mula 6:00 ng umaga hanggang 10:00 ng gabi lamang.

Ayon kay Municipal Planning and Development Coordinator Engr. Jemie Cubillo, ang natapos na proyekto ay Phase I pa lamang.  Ito ay dadagdagan pa ng tig-isang lane sa magkabilang panig upang mas maraming sasakyan ang maaring makagamit.  Ang pailaw sa kalsadang ito ay popondohan at ipapa-ayos ng Suntrust Properties, Inc. habang ang linya ng kuryente ay sagot naman ng Pamahalaang Bayan – isang maganda at konkretong halimbawa ng Public-Private Partnership (PPP).  Isa ang kalsadang ito sa mga priority projects patungo sa mas ikauunlad ng bayan ng General Trias.  Hindi man nawawalan ng suliranin ang isang bayan, ang mga mabisa at maayos na solusyon ay patuloy na sisibol sa pagkakaisa at aktibong pagtutulungan.

by Local Communications Group-Gen. Trias

 Alinsunod sa Executive Order 292 at CSC Memorandum Circular No. 28, binigyan ng pagkilala ang mga kawani ng Pamahalaang Bayan ng General Trias na may mahigit sampung taon (10 years and longer) na sa serbisyo.  Ang programa na ginanap kasunod ng flag raising ceremony noong March 11, 2013 ay pinangunahan ng ating punongbayan, Hon. Luis A. Ferrer IV, at ng mga miyembro ng Sangguniang Bayan kung saan ang walumpu’t apat (84) nating mga kasamahan sa munisipyo ay tumanggap ng Loyalty Award Plaque.

Nagmula sa Municipal Budget Office ang kinilalang may pinakamahabang panahon na sa serbisyo na si Mrs. Gertrudes Mojica.  Si Mrs. Mojica ay apatnapung taon (40 years) nang kawani ng Pamahalaang Bayan at nakatakdang magretiro ngayong buwan.

Sa kanyang mensahe, binati at nagpasalamat si Mayor Jon-Jon Ferrer sa mga Loyalty Awardees sa kanilang matapat at masigasig na paglilingkod.  Hinikayat din ang lahat na mas pagbutihan pa ang epektibong pagganap sa kani-kaniyang mga tungkulin dahil ang mga kawani na direktang nakikipag-ugnayan sa mga mamamayan ang silang nagsisilbing salamin ng kalidad ng serbisyo publikong nais ihatid ng mga namumuno sa ating bayan.

by Local Communications Group – Gen. Trias

Sa paglalayong patuloy na makapaghatid ng de-kalidad na serbisyo muling binuksan ng Pamahalaang  Bayan ng Gen. Trias sa pangunguna ni Mayor Luis “Jon-Jon” A. Ferrer IV ang taunang Business One Stop Shop o BOSS. Sa pamamagitan nito, mas mabilis, mas matipid at mas “convenient” na sa mga negosyante sa Gen. Trias ang makakuha at makapag-renew ng Business Permit.

Nagsama-sama ang mga kinatawan ng DTI, BIR, MENRO, RHU, BFP, MTO at BPLO sa unang palapag ng munisipyo upang mapadali ang pagpo-proseso ng mga dokumento na kinakailangan upang makapagsimula o maipagpatuloy ang operasyon ng mga negosyo. Dahil sa sistemeng ito, ang permit o lisensiyang dati ay inaabot ng ilang araw bago makuha ay naipoproseso at nairerelease sa loob ng isang araw lamang.

Batay sa datos ng taong ito,may 336 na bagong negosyo ang nagbukas at 2,677 naman ang nagrenew. Ang 3,013 na establishments na nabanggit ay lubhang nakakatulong para mapanatili at lalong mapalago ang ekonomiya ng Gen. Trias,kung kaya’t mahalagang maipagpatuloy ang BOSS sa epektibong operasyon nito sa mga susunod na taon.

by: Local Communications Group- Gen. Trias

December 13, 2012— Muli sa makasaysayang bayan ng General Trias ay ginunita ang ika 264 Founding Anniversary nito na may temang “Progreso ay kitang-kita, pag tulung-tulong at sama sama”.

Tulad ng mga naunang pagdiriwang kinapalooban pa rin ito ng iba’t ibang acitivities tulad ng OFW Search for Singing Idol, Annual Academic Quiz bee, Bloodletting (Dugo mong Alay, Bigay ay Buhay), Medical & Dental Mission, Distribution  of Free Reading Glasses at Gift Giving (Special Day for Special People).

Bago tumungo sa pinakatampok na bahagi ng pagdiriwang, ang  3rd Valenciana Festival, ay nagkaroon muna ng wreath laying sa monumento ni Gen. Mariano Closas Trias , isang bayani ng rebolusyon at kauna-unahang pangalawang pangulo ng ating bansa na kung kanino isununod ang pangalan ng bayan.

Sa festival na ito ginanap ang Parade of Valenciana kung saan nagpaligsahan ang iba’t ibang barangay sa pinakamasarap na luto ng Valenciana na libreng ipinatikim sa mga tao.  Ang nakakuha ng Unang Gantimpala ay ang Brgy. San Juan II, nasa ikalawang pwesto ang Brgy. San Gabriel at Ikatlong pwesto naman ang Brgy. 1896.

Samantala, nagwagi naman sa Valenciana Street Dancing Competiton na dinaluhan ng mga private at public schools ng Gen. Trias ay ang Fiat Lux Academe na sinundan ng Gov. Ferrer Memorial National HighSchool-Biclatan Annex at Samuel Christian College.

Sa hapon ding iyon pinarangalan ang Top Ten Corporate Tax Payers of 2011 bilang pagkilala sa kanilang kontribusyon sa patuloy na pag-unlad ng bayan. Nanguna pa rin dito ang House Technology Industries (HTI).

Bilang pangwakas, isang “fireworks display” ang nagpaliwanag sa kalangitan ng bayan at nagbigay saya sa mga residenteng nagsidalo.

Sa gabay ng ating Panginoon at sa pagtutulungan ng mga lingkod bayan ng Gen. Trias, sa pangunguna ng ating butihing Mayor Luis A. Ferrer IV, Sangguniang Bayan at sa suporta ni Cong. Antonio A. Ferrer ay naging matagumpay ang araw na ito sa pagsusulong ng kultural na kamalayan, maipagdiwang ang kahalagahan ng tunay na Gentriseños, makilala at maipagmalaki ang kultura at kasaysayan ng bayang ito.

Ang aktibong pakikilahok ng bawat isa ay nagsilbing patunay na para sa mga Gentriseño, “Progreso ay kitang-kita, pag tulung-tulong at sama-sama.

by Local Communications Group

November 21,2012-General Trias, Cavite – Business owners and would-be entrepreneurs received fresh insights from industry experts during the SME and Entrepreneurship Seminar dubbed as “Kapihan with PLDT & Sun” held last November 16, 2012 at the Audio-Visual Room, Municipal Hall, General Trias. This half-day event organized by the Local Government of General Trias in partnership with PLDT SME Nation and Sun Cellular aims to empower entrepreneurs with relevant business strategies and update them with the latest modern technology to make their businesses more productive and competitive.  Among the highlights of the seminar are the presentations of Mr. Rico Chavez from the Department of Trade & Industry – Cavite who shared basic concepts on starting-up a business and current government regulations and Mr. Joey Espiritu, entrepreneur and faculty member from the Lyceum of the Philippines University – Cavite who discussed marketing strategies and his own personal experience in managing his family’s business. Meanwhile, representatives from PLDT and Sun Cellular presented their latest business solution products intended to equip business owners with modern tools to manage their enterprises.

The seminar was attended by 76 business owners, most of which are members of the Gen. Trias Business Club and the Philippine Chamber of Commerce & Industry (Cavite). Local officials led by Committee on Ways & Means Chairman, Coun. Christopher N. Custodio, his Vice Chairman, Coun. Kerby J. Salazar and Municipal Administrator, Mr. Hernando M. Granados graced the said event and reaffirmed the local government’s commitment in developing the MSMEs of General Trias.

(From left: Coun. Christopher N. Custodio, BM Maurito C. Sison,Cong. Antonio “Ony” A. Ferrer, Provincial BM Ramon”Jolo” Revilla III, Mrs. Annalisa A. Ferrer- Adviser, Nagkakaisang Kababaihan ng Gen. Trias, Sen. Loren A. Legarda, Sen. Francis “Chiz” Escudero, Mrs. Monina Ferrer, Mayor Luis A. Ferrer IV and Mrs. Aisha SJ. Columna-President,Nagkakaisang Kababaihan ng Gen. Trias.)

by Local Communications Group

November 19,2012-General Trias, Cavite – Senators Loren Legarda and Francis “Chiz” Escudero addressed the officers and members of the Nagkakaisang Kababaihan ng General Trias as the guests of honor during their 1st Anniversary Celebration held last November 15, 2012, at the the Gen. Trias Cultural & Convention Center, Brgy. Sampalucan, Gen. Trias. In her message, Sen. Legarda lauded the women of Gen. Trias for their active participation in the local government’s efforts to protect the environment. Furthermore, she highlighted the invaluable contribution of women in the society. Meanwhile, Sen. Escudero also gave emphasis on the important role of women and their contribution to the success of every man. He likewise congratulated the group and wishes them more success in their future endeavors. To signify their gratitude, the officers of the Nagkakaisang Kababaihan headed by Mrs. Aisha SJ Columna and adviser Mrs. Anne Ferrer together with Cavite 6th District Representative Antonio A. Ferrer, Gen. Trias Mayor Luis A. Ferrer IV and members of the Sangguniang Bayan awarded Sen. Legarda and Sen. Escudero with a citation. The Nagkakaisang Kababaihan ng General Trias which currently has 70 chapters and more than 4,000 members aims to empower the town’s women for them to become significant contributors in community development.

By Local Communications Group

Oktubre 4, 2012 – Muling ipinagdiwang ang taunang pistang bayan ng Gen. Trias bilang parangal kay San Francisco de Asis, ang patron ng bayan, na may temang “Indak ni San Francisco sa taon ng Ginintuang Hubilehiyo, Larawan ng Bayang Binibuklod ng Pangarap na Inaabot.”

Bahagi ng pagdiriwang na ito ang taunang tradisyon ng “Pabialahay”(Pabinyag ng mga Alagang Hayop) pati na ang iba’t ibang palatuntunan at patimpalak tulad ng  Hip Hop Dance Competition  at Acrobatic Show. Hindi rin mawawala ang karakol  na nilahukan ng mga empleyado at residente ng bayan. Nagkaroon din ng baratillo sa harapan ng himpilan ng pulisya na nakadagdag sa saya ng pagdiriwang. Ngunit ang pinakatampok sa lahat ay ang “Grand Pasayo” na kung saan 12 marching bands na nagmula pa sa iba’t-ibang bayan sa Cavite ang lumahok sa isang patimpalak na punung-puno ng musika at kasiyahan.

Ang taunang fiesta ay hindi lamang nagpapakita ng makulay na kultura ng ating bayan.Ito ay isa ring pagkakataon upang ipamalas ng mga Gentriseño ang kanilang pagkakaisa at pagtutulungan.

Ang matagumpay na pagdiriwang na ito ay naisakatuparan sa pagtutulungan nina Cong. Antonio “Ony” Ferrer, Mayor Luis “Jon-Jon” A. Ferrer IV, Sangguniang Bayan Members,Tourism Office at Saint Francis of Assisi Parish Pastoral Council.

by Local Communications Group

Oktubre 12, 2012 – Ginunita sa Bayan ng General Trias ang ika-144 anibersaryo ng kapanganakan ni Gen. Mariano Closas Trias, bayani ng rebolusyon at kauna-unahang Bise Presidente ng Republika ng Pilipinas. Sa isang simpleng seremonya ay nag-alay ng bulaklak ang mga kawani ng lokal na pamahalaan kasama ang mga punong barangay at kapulisan sa bantayog ni Gen. Trias bilang pagkikala sa kanyang kontribusyon sa pagkamit natin ng kasarinlan mula sa pananakop ng mga dayuhan. At upang patuloy na mabigyang kabuluhan at mapanatili sa ala-ala ng bawat Gentriseno maging sa mga susunod na saling-lahi ang kabayanihan at magandang halimbawa ni Gen. Trias, hiniling ni Mayor Luis A. Ferrer IV sa Sangguniang Bayan sa pamamagitan ng Committee on Education, Culture and Sports na pinamumunuan ni Board Member Maurito C. Sison ang pagpapasa ng resolusyong naghihikayat sa lahat ng pribado at pampublikong paaralan sa Bayan ng General Trias na magkaroon ng taunang paggunita sa kaarawan ng nasabing bayani sa pamamagitan ng pagtuturo sa kanilang mga estudyante tungkol sa buhay at kabayanihan ni Gen. Mariano Trias.

Ang Bayan ng General Trias ay dating tinatawag na San Francisco de Malabon, at noong 1920 sa bisa ng Legislative Act. No. 2889 ay ipinangalan ito sa bayaning si Gen. Mariano C. Trias bilang pagpupugay sa kanyang ala-ala.

First row, from left: Mr. Dennis M. Villanueva-Staff, AMA Head Office, Mr. Felizardo Colambo-First Vice President, AMA Group of Companies, Mrs. Rebecca Generoso-Municipal Social Welfare & Development Officer, Ms. Joy Paragua-Manager, AMA Group of Companies and Mr. Manuel Casuyon-Sr. Manager, AMA Group of Companies. Second row, from left: Mr. Joseph Usita-Senior Assistant Vice President for Real Properties, AMA Group of Companies, Mr. Hernando Granados-Municipal Administrator, Mr. Romel Olimpo-OIC, Eco. Enterprise & Investment Promotion, Atty. Angel Enrico Mira-Chief of Staff & Corporate Legal Secretary, AMA Group of Companies and Mr. Leo Reyes-Supervisor, AMA Group of Companies. Last row, from left: Mr. Apolinario Vergara-Consultant, Office of the Mayor.

by Local Communications Group-Gen.Trias

Setyembre 20, 2012 – Buhay na buhay ang diwa ng bayanihan sa Bayan ng General Trias hindi lamang sa panahon ng kalamidad. Patunay dito ang pagpapaabot ng AMA Computer University ng suporta sa “disaster preparedness initiatives” ng lokal na pamahalaan sa pamamagitan ng mga “relief goods” na kanilang ibinahagi sa Municipal Social Welfare & Development Office (MSWD). Sa turnover na ginawa sa munisipyo, pinahayag ni Ginoong Felizardo “Zards” Colambo – First Vice President, AMA Group of Companies ang kanilang pagnanais na aktibong maki-bahagi sa mga programang pang-komunidad sa General Trias. Kasama rin ni Ginoong Colambo ang iba pang opisyal ng nasabing unibersidad.

Malugod namang tinanggap ni Ginoong Hernando M. Granados – Municipal Administrator na kinatawan ni Mayor Luis A. Ferrer IV ang mga relief goods mula sa AMA. Kasama rin ni Ginoong Granados sina Gng. Rebecca Generoso, Head – MSWD at Ginoong Romel D. Olimpo, Executive Assistant – Office of the Mayor. Ayon kay Ginoong Granados, malaking tulong ang ibinahagi ng AMA lalo na’t panahon ng bagyo kung saan may ilang barangay ang posibleng maapektuhan ng pagbaha dulot ng masamang panahon. Ito rin daw ay nagpapakita ng magandang relasyon at pagtutulungan ng pribadong sektor at ng pamahalaan.

From left: Atty. John Rio Bautista Chief, Workers Education Division, POEA, Hon. Luis A. Ferrer,IV-Municipal Mayor, Mr. Ariel Mugol -PESO Manager, Mr. Vincent Martinez, Labor Employment III, DOLE-Cavite and Mr. Ralph Genaro Buiser, Employment Officer II, POEA.

by Local Communications Group-Gen.Trias

Setyembre 17, 2012- Ginawaran ng Philippine Overseas Employment Administration (POEA) ang lokal na pamahalaan ng Gen. Trias at Public Employment Service Office (PESO) bilang BEST LGU PAIR (Partner in Anti-illegal Recruitment) sa buong Luzon.

Malugod na tinanggap ni Hon. Luis “Jon-Jon A. Ferrer IV”, alkalde ng bayan at G. Ariel Mugol, PESO Manager, ang parangal mula kina Chief, Workers Education Division, POEA Atty. John Rio Bautista, Labor and Employment Officer II, POEA Mr. Ralph Genaro Buiser at Mr. Vincent Martinez,Labor and Employment III, DOLE-Cavite sa isang simpleng seremonya na ginanap sa liwasang bayan.

Ang parangal ay ipinagkakaloob sa mga bayang nagpakita ng malaking suporta upang masugpo ang illegal recruitment at lalong mabigyang proteksyon ang mga manggagawa.

by Local Communications Group-Gen.Trias

Agosto 16, 2012 – Sa gitna ng pinsalang idinulot ng habagat at bagyong Gener, ay nangibabaw parin ang bayanihan at pagkakawang-gawa sa mga Filipino. At noong ngang ika-15 ng Agosto ay pinanungahan ng ating Bise-Presidente Jejomar “Jojo” C. Binay sa isang relief operation na ginawa sa Gen. Trias Cultural & Convention Center, ang paghahatid ng tulong sa mga kababayan nating Gentriseño na naapektuhan ng masamang panahon. Bukod sa relief goods na ipinamahagi sa limang-daang pamilya ay hatid din niya ang magandang balita para sa mga miyembro ng PAG-IBIG Fund na nagnanais makakuha ng calamity loan. Ayon kay Binay, mas mabilis ang papoproseso ng nasabing pautang at ito’y may mas mababang interest. Malapit sa puso ni Binay ang Bayan ng General Trias dahil ito’y isang sister-municipality ng Lungsod ng Makati na kanyang dating pinamunuan bilang alkalde. Pinasalamatan naman ni Mayor Luis “Jon-Jon” Ferrer IV, Cong. Atonio “Ony” Ferrer ng ika-6 na Distrito ng Cavite at mga miyembro ng Sangguniang Bayan ang tulong na hatid ng bise presidente.

Samantala, isa rin sa pinagmamalaki ng lokal na pamahalaan ang magandang relasyon at pakikipagtulungan nito sa pribadong sektor. At ipinamalas nga ng Lyceum of the Philippines University – Cavite Campus ang malasakit nila sa kanilang komunidad nang magsagawa rin sila ng isang relief operations noong ika-14 ng Agosto sa Gen. Trias Cultural & Convention Center sa pangunguna ng kanilang head ng community outreach na si Ms. Evangeline G. Aviñante. Kasama ang ilang estudyante, guro ng unibersidad at kawani ng Municipal Social Welfare and Development Office ay namahagi sila ng relief goods sa dalawang-daang pamilya. Ayon kay Aviñante, mahalagang maimulat sa mga kabaataan ang bolunterismo at pagkakawang gawa upang magkaroon sila ng malasakit sa kapwa at sa bayan.

by Local Communications Group-Gen.Trias

Agosto 13, 2012. – Pinangunahan ni Mayor Luis “Jon-Jon” Ferrer IV ang paglulunsad sa dalawang programang pangkabuhayan ng lokal na pamahalaan sa dalawang magkahiwalay na okasyon. Ang una sa mga programang ito ay ang pamamahagi ng limangpung “Nego-Food Kart” sa mga beneficiaries mula sa iba’t-ibang barangay ng General Trias katuwang ang Department of Labor and Employment (DOLE), Region IV-A. Dumalo rin sa nasabing seremonya na ginanap sa Ferrer Farm sa Barangay Pinagtipunan sina Cong. Antonio A. Ferrer ng ika-6 na Distrito ng Cavite, mga Sangguniang Bayan Members, Usec. Danilo Cruz ng DOLE, Director Alex Avila ng DOLE Region IV-A, Director Enrico Sagmit at Leo Edwin Hernandez ng DOLE Cavite at si Mr. Ariel Mugol, PESO Manager ng General Trias.

Samantala, pinasinayaan din ni Mayor Ferrer kasama ang mga Sangguniang Bayan Members ang “mini-store” ng Rural Improvement Club (RIC) sa blessing na ginanap sa munisipyo. Ang RIC ay kinabibilangan ng mga miyembro mula sa ibat-ibang barangay. Sila’y gumagawa ng mga food, household products at handicrafts na kanilang ibinebenta sa RIC mini-store. Pinangangasiwaan ng Municipal Agriculture Office ang pagbibigay ng technical training assistance sa nasabing grupo. Ang RIC mini-store ay matatagpuan sa unang palapag ng munisipyo.

Ayon kay Mayor Ferrer, layon ng mga programang ito na mabigyan ng magandang oportunidad ang mga Gentriseño sa pamamagitan ng pagkakaroon nila ng sariling negosyo at suporta’t gabay mula sa lokal na pamahalaan.

by Local Communications Group-Gen.Trias

August 1, 2012 – Mahalaga ang papel na ginagampanan ng mga barangay sa ating lipunan. Bukod sa pananatili ng kapayapaan at kaayusan sa kanilang mga nasasakupan, ang pamahalaang barangay din ang unang takbuhan ng mamamayan pagdating sa pagresolba ng ilang isyung legal. Kaya naman sa pangunguna ng Training and Convention Division ng UP Law Center at sa pakikipagtulungan ng Philippine National Police (PNP), ay isinagawa noong July 26 – 27, 2012 ang Barangay Legal Education Seminar (BLES) na dinaluhan ng mga punong barangay at ilang kagawad mula sa 33 barangays ng General Trias.

Iba’t-ibang kaalaman ang ibinahagi sa mga dumalo tulad ng katarungang pambarangay, pagsugpo sa ipinagbabawal na gamot, pangangalaga sa karapatan at kapakanan ng mga bata at kababaihan, actions for the recovery of property, at ang mga ginagampanan ng PNP sa lipunan.

Dumalo rin upang magbigay suporta sa nasabing programa sina Cong. Antonio “Ony” A. Ferrer ng ika-6 na Distrito ng Cavite, Mayor Luis “Jon-Jon” A. Ferrer IV, PSSUPT. John C. Bulalacao, CSEE – Provincial Director ng Cavite Police Provincial Office at Prof. Eduardo A. Labitag – Project Director, BLES & POPLAW Seminar, Training & Convention Division ng UP Law Center.

Layon ng programang ito na lalong palawakin ang kaalaman sa batas ng mga opisyal ng barangay upang mas epektibo nilang magampanan ang kanilang tungkulin sa bayan.

May 18, 2012, Gen. Trias – Isang farm tractor and ipinagkaloob ni Agriculture Secretary Proceso J. Alcala sa bayan ng General Trias na tinanggap ni Mayor Luis “Jon-Jon” A. Ferrer IV sa isang turnover ceremonies sa Gen. Trias Dairy Processing Center, Brgy. Santiago. Ang katuwang na pondo ng proyekto ay nagmula kay Cavite 6th District Cong. Antonio “Ony” A. Ferrer na dumalo rin sa ginawang seremonya.

Sa kanyang mensahe, ipinaabot ni Sec. Alcala ang kanyang adhikain na palakasin at patatagin ang pagtutulungan sa pagitan ng Department of Agriculture at lokal na pamahalaan ng Gen. Trias sa pamamagitan ng iba’t ibang proyektong naglalayong paunlarin ang pagsasaka sa ating bayan lalo’t na’t malaki ang potensyal nito dahil sa malawak na lupang pangsaka at malapit na distansya sa Maynila. Ipinaalam rin niya ang nalalapit na pagbibigay ng 25 kalabaw mula sa Philippine Carabao Center.

Ipinarating naman ni Congressman Ony Ferrer ang kanyang suporta sa lokal na magsasaka at sinabi na may 38 pang kalabaw ang bibilhin mula sa tulong pinansyal na kayang nakuha sa Department of Agriculture at ito’y ipagkakaloob rin sa mga magsasakang Gentriseño.

Samantala, malugod na tinanggap ni Mayor Jon-Jon Ferrer ang mga suportang ito at ipinabatid ang kanyang taos-pusong pasasalamat kay Sec. Alcala at Congressman Ferrer.

Nakilahok din sa ginanap na seremonya sina Regional Exec. Director Vilma Dumaculangan – Dept. of Agriculture Region 4-A, AMAS Agribusiness & Marketing Services Director Engr. Leandro Gazmin, National Dairy Authority Administrator Grace Cenas, Philippine Carabao Center Exec. Director Libertado Cruz, Livestock Dev’t. Council Exec. Director Manuel Jarmin, Nat’l. Corn Program Coordinator Asec. Ed De Luna, Director for Regional Engagement Joaquin Abejar, Provincial Agriculturist Engr. Mario Silan, Provincial Administrator for External Affairs Efren Nazareno at iba pang opisyal ng agriculture department at ng Provincial Government of Cavite, gayundin ang mga Sangguniang Bayan Members, Barangay Officials at mga tagapamahala ng dairy cooperative at mga lokal na magsasaka.

by Local Communications Group-Gen.Trias

May 16, 2012- General Trias Cultural / Convention Center.Ginanap ang ika-53 Gawad Parangal bilang pagkilala sa 544 na Gentriseñong mag-aaral na nagtapos sa elementary, sekondarya at kolehiyo na may natatanging karangalan. Ang taunang Gawad Parangal ay isang tradisyon ng bayan na naglalayong bigyang-pugay ang mga kabataan na nagsikap upang magpunyagi sa akademikong larangan.

Gayundin, binigyang pagkilala ang dating punong bayan na si Kgg. Teofilo Grepo na tinawag na “Ama ng Parangal” dahil sa kanyang malaking kontribusyon sa pagtataguyod ng proyektong ito. At ang kopya ng Resolution No.2012-08 na bumubuo sa Gawad Grepo na siyang magbibigay kilala sa mga board passers ay tinanggap naman ng kanyang maybahay na si Gng. Aracelli Grepo.

Upang magbigay inspirasyon sa mga awardees,pinadala ni Kgg. Emmanuel Joel J. Villanueva, Director-General ng Technical Education and Skills Development Authority (TESDA) si Atty. Teodoro C. Pascua, Deputy Director-General ng TESDA, upang ihatid ang kanyang mainit na pagbati at mensahe para sa mga nagsipagtapos. Ayon sa kanya, bawat mag-aaral ay dapat magsikap upang maging matugumpay sa anumang bagay, patuloy na mag-aaral para  yumabong ang kanilang angking talino at makibahagi sa pagbabago at pag-unlad ng bayan.

Dumalo sa programa si Mayor Luis “Jon-Jon” A. Ferrer IV, Ms Judith Parin na kumatawan kay Vice-Mayor Fernando P. Campaña,Sangguniang Bayan Members,mga punong barangay,department heads at kinatawan ng iba’t-ibang paaralan.

by: Local Communications Group-Gen. Trias

April 30 – Ipinakilala sa kawani ng lokal na pamahalaan ng Gen. Trias ang bagong talagang Chief of Police na si C/Insp. Romulo Cabalo Dimaya Jr. sa ginanap na flag raising ceremonies.

Binigyan ng isang mainit na pagtanggap si C/Insp. Dimaya Jr. na humalili kay P/Supt.Gregorio Evangelista Jr., ang dating Hepe ng Gen. Trias Municipal Police Station na naglingkod sa loob ng 6 na taon. Ang bagong pinuno ng pulisya ay tubong Pangasinan subalit kasalukuyang naninirahan sa Trece Martirez City. Siya ay naglingkod bilang Public Information Officer sa Cavite Police Provincial Office at Chief ng Mobile Patrol Group.Nagtapos siya ng kursong Political Science sa University of the East,Manila at nagsilbi bilang isang matuwid, matapat, at mahusay na alagad ng batas sa loob ng 7 taon dito sa Cavite.

Ayon sa kanya,isang karangalan ang makapaglingkod  sa isang progresibong bayan tulad ng Gen. Trias. Bilang kinatawan ni Mayor Luis “Jon-Jon Ferrer,IV,ipinaabot ni Board Member Maurito Sison at mga Sangguniang Bayan Members ang kanilang pagbati sa bagong hepe ng pulisya.

Abril 21, 2012 – Nagkaisa at nagtulong-tulong ang mga kawani ng Lokal na Pamahalan ng General Trias, mga opisyal ng Barangay, mga volunteers at mga residente sa isinagawang Municipal Wide Clean-Up Drive na bahagi ng pagsuporta sa Earth Day. Ang nasabing programa na pinangasiwaan ng Municipal Environment and Natural Resources Office (MENRO) ay naglalayon ,ding palawakin ang kaalaman ng mga mamamayan sa ibat-ibang environmental issues at kung papaano sila makakatulong sa pagtugon dito.

Bahagi rin ng ginawang Earth Day celebration ang pamamahagi ng libreng “eco bags” sa mga mamimili ng Pamilihang Bayan ng General Trias bilang paghahanda sa nalalapit na implementasyon ng ipinasang Municipal Ordinance No. 12 – 03 sa August 14, 2012 kung saan ipinagbabawal at ireregulate na ang pag-gamit ng ibat-ibang uri ng plastic at hinihikayat ang pag-gamit ng mga alternatibong “eco-friendly” na sisidlan.

Sa pangunguna ni Mayor Jon-Jon Ferrer at ng Sangguniang Bayan, patuloy na isinusulong ng lokal na pamahalaan ang pagbibigay halaga at pangangalaga sa ating Inang Kalikasan.

Abril 16, 2012 – Muling naghandog ng libreng salamin sa mata ang Jollibee Foods Corporation at si Dra. Menchie Abesamis ng Abesamis Optical Clinic sa mga mag-aaral ng mga pampublikong elementarya ng bayan ng General Trias. Animnaput-dalawa ang tumanggap ng reading glasses samantalang dalawa naman ang nabiyayaan ng espesyal na contact lenses dahil sa kanilang sensitibong kondisyon sa mata na sina Carol Tamio at Kent Darvin delos Santos. Ang contact lenses na nagkakahalaga ng P25,000 ay mula sa kabutihang palad nila Cong. Ony Ferrer, Mayor Jon-Jon Ferrer at ni Dra. Abesamis.

Sa isang maikling programang ginanap sa liwasang bayan, buong pusong nagpasalamat sina Carol at Kent Darvin para sa ibinigay sa kanila na bagong pagasa tungo sa isang maliwanag na kinabukasan. Sinaksihan nila Mayor Jon-Jon Ferrer, mga miyembro ng Sangguniang Bayan, ni Dr. Edna Bayot – District Supervisor, DepEd at ni Ms. Kelly Avedes ng Jollibee ang nasabing turnover.

Bilang bahagi ng Women’s Month Celebration, isang fun run na pinamagatang “Takbo ng Makabagong Kababaihang Gentriseno” ang ginanap noong ika -18 ng Marso 2012 mula South Square Village, Pasong Kawayan II hanggang General Cultural and Convention Center grounds sa Brgy. Sampalucan.

Nilahukan ito ng mga miyembro ng Nagkakaisang Kababaihan,mga mag-aaral ng Lyceum of the Philippines – Cavite Campus, at Gov. Ferrer National Highschool, gayundin ng mga youth sectors at mga runner enthusiasts.

Sa pagwawakas ng 5K fun run, nakuha ni Davien Caroz ang unang puwesto, ni Armin Columna ang pangalawang puwesto at AJ Beronio ang ikatlong puwesto para sa men’s division. Samantalang sa women’s division, nakamit ni Janice Marquez ang tagumpay. Nakatanggap ang bawat isa ng cash at gift packs.

Ang programang ito’y pinangunahan at nilahukan din ng ating butihing Mayor Luis A. Ferrer IV katuwang ang kanyang may bahay na si Ms. Monette Ferrer,Cong.Antonio Ferrer at Ms.Anne Ferrer, 7th District Board Member Irene Bencito,Board Member Morit Sison, Kon. Christopher Custodio- Chair,Committee on Women and Family Affairs. Gayundin ang iba pang Sangguniang Bayan Members na sina Kon. Lamberto Carampot, Kon. Mario Amante,Kon. Richard Parin,Kon. Kerby Salazar, LNB President Walter Martinez, SKF Jim Dominic Culanding. Kasama rin sa naturang fun run ang mga miyembro ng Gen. Trias Katipunan Jaycees.

Pebrero 10, 2012 – Ang bayan ng Gen. Trias sa ilalim ng pamumuno ni Mayor Luis A. Ferrer, ay tumanggap ng Seal of Good Housekeeping mula sa Department of Interior and Local Government (DILG) sa pangunguna ni Kalihim Jesse M. Roberdo. Ang Seal of Good Housekeeping ay iginagawad sa isang Local Government Unit (LGU) na nagpapakita ng mabuting pamamahala, sound fiscal management, transparency, and accountability.

Kalakip ng karangalang ito ang Local Government Support Fund (LGSF) na nagkakahalaga ng 2 milyong piso na magagamit ng lokal na pamahalaan para sa maayos na pagpapatupad ng mga iba’t-ibang mga proyekto at programa sa hinaharap na makakatulong sa patuloy na pag-unlad ng bayan.

Kasama ni Mayor sa awarding ceremony na ginanap sa Provincial Gym ang mga Sangguniang Bayan Members at mga Department Heads.

Kasabay ng pagbubukas ng taon ay muling binuksan din ang taunang Business One Stop Shop (BOSS). Ito ay isang sistemakong paraan ng pagpoproseso ng permit at lisensiya ng mga negosyante upang maging mas mabilis ang kanilang aplikasyon at maiwasan ang pagpapabalik-balik sa iba’t ibang tanggapan para lamang mapunan ang mga kinakailangan nilang legal na dokumento sa pagbubukas / pagpapatakbo ng kanilang negosyo.

Ang mga tanggapang kabilang sa Business One-Stop-Shop ay ang Department of Trade and Industry, Bureau of Internal Revenue, Municipal Environment and Natural Resources Office, Rural Health Unit, Bureau of Fire Protection, Treasure’s Office, at Business Permit and Licensing Office. Bawat isang tanggapan ay nagkaroon ng service desk sa unang palapag ng munisipyo upang lalong mapadali ang pag-aayos ng mga papeles ng mga magbubukas ng bagong negosyo o magrerenew ng kanilang permit.

Dahil sa programang ito, ang ating pamahalaang bayan ay nakapaghatid ng serbsiyo sa 2,593 na mga negosyante. Sa bilang na nabanggit 297 ang mga kumuha ng permit sa kanilang bagong bukas na negosyo samantalang ang mga nagrenew ay nasa 2,296.

Ang nasabing proyekto ng lokal na pamahalaan sa pangunguna ni Mayor Luis A. Ferrer, IV ay patunay sa patuloy na adhikaing maghatid ng dekalidad na serbisyo sa negosyanteng Gentriseño.

Pebrero 6, 2012 — Ginawaran ng pagkilala si Dr. Carmen Abesamis Dichoso at ang Jollibee Foods Corporation sa isang maikling seremonya na ginanap sa liwasang bayan dahil sa kanilang natatanging kabutihan at pagmamalasakit sa 20 piling mag-aaral ng mga paaralang elementary sa Gen. Trias District I nang pagkalooban sila ng libreng salamin sa mata upang lalo pang mapaunlad ang kanilang dunong at talento.

Ang programang ito ay bahagi ng proyektong “Jolly Eyes,Healthy Eyes” na naglalayong makatulong sa mga kabataang may diperensiya sa mata upang ito’y hindi maging hadlang sa kanilang pagkatuto sa paaralan at maging daan upang maabot nila ang kanilang mga pangarap.