GenTri LTO Driver’s License Renewal Office, Bukas na

GenTri LTO Driver’s License Renewal Office, Bukas na


by the Local Communications Group-Gen.Trias

Hindi lamang isa sa mga pinakakilalang mall companies sa bansa, kilala din ang Robinsons Malls sa pagsuporta nito sa iba’t ibang mga serbisyo publiko sa pamamagitan ng kanilang Lingkod Pinoy Centers. Nitong nakaraang ika-31 Hulyo 2017, dagdag sa kasalukuyang limang opisina sa lalawigan, ay binuksan sa ikatlong palapag ng Robinsons Mall General Trias ang ika-anim na Driver’s License Renewal Office (DLRO) ng Land Transportation Office (LTO).

Ang pagpapasinaya ay pinangunahan ng mga opisyal mula sa LTO na sina Regional Director para sa CALABARZON Eric Leonard Cabaldo, Assistant Regional Director Francis Raches, Jr., mga kinatawan ng Pamahalaang Lungsod na sina Gng Anne Ferrer, butihing maybahay ng Punong Lungsod Ony Ferrer, Pangalawang Punong Lungsod Maurito Sison,mga Sangguniang Panlungsod Members at mga kinatawan ng Robinson Land Corporation, Operations Director for Luzon G. Irving Wu at Bb. Cheryl Prudente Basa,Medical Investor.

Ang pagbubukas ng bagong DLRO sa General Trias ay mula sa pagtutulungan at paguugnayan ng tatlong organisasyong nabanggit para mapalapit ang serbisyo sa mga mamamayan. Inaasahang ang DLRO sa General Trias ay magiging puntahan ng mga kliyente hindi lamang mula sa Lungsod ng General Trias kundi maging mula sa mga kalapit bayan tulad ng Rosario, Tanza, Trece Martires, Naic, Margondon, atbp.

Photo by: Dennis Abrina